_ متظهرش للقدامك...مايهمكش فيا شكون المهم انو تبعد ملي دايرين بيك وتكلمني مرتاحة دخلت بعضها مرام ويديها رعشت عقد حواجبو أمين وسألها شبيك عملتلو شي براسها _ اننن منى مرحبا عزيزتي cv؟ ودخلت ل salle de bain _ شنيا تحب مني أحكي _ (يضحك) شنيا نحب منك؟؟انتي باش ترجع تجري ورايا باش تعرف برشا حكايات _ تكلللم فيسع موش لاهية _ انتي باش ترجع تخدم معانا _ شنيا؟ وشنيا هالخدمة؟ _ احنا منظمة سرية ومنغير متحاول تتصل بشكون من معارفك كالعادة...حتى أمين ماو باش يسمع منك بشي _ أمين؟؟منين تعرفو ومنين تعرفني انتي فهمنييي _ نعرفك ونعرف أقل détails عليك...كانك تحب يبقى أمين عايش باش تخدم معانا وبالسيف عليك _ جرب تمس شعرة من أمين ولا تدور بيه نتصرف معاك لايهمني منظمة سرية ولا غيرو حتى كان تعرفني وتعرف لدايرين بيا عمرك ماك باش تنجم تلعب معايا...نطلعك حتى من كرش حوتة _ كيما توقعت مرام العياشي...والشخصية القوية هذا لحاجتي بيه...بعد العرس تجيني لل adresse لباش نبعثهالك تجي وحدك وحد ماو معاك ولا باش تصير حاجات متعجبكش (علق التلفون) حطت التلفون وهي كلها ترعش _ يا ربي شنيا لنعيش فيه ياربي راني تعبت منين طلعتلي هالحكايه(تجبد فالنفس)مرام اهدى أهدى انتي أقوى من هكا ريڨلت جوها وخرجت تلقاه يسكر في فلس سوريتو بدنو وعضلات كرشو يبانو بلعت ريقها...طلع راسو خزرلها وهبطو _ شبيك خرجت داخلة بعضك _ لا شي...حاجتك بحاجة خاتر خارجة _ لا هزت روحها وخرجت وين الدنيا رابخة غناء وشطيح سلمت على العباد ولي يشوفها يصلي على النبي سهيلة: مرام بنتي بربي مد الطبق لأحمد اهوكا قدام الباب هزت مرام الطبق و خرجت تلقى أحمد واقف شاد سيڨارو هز عينيه ليها قعد باهت في زينها _ يا أحمد تسمعش فيا ياخي قتلك هز الطبق للرجال _ ان اي اي عيشك دارت جات ماشيا _ مرام نجمو نحكيو؟ شافتلو مستغربة _ فاش؟ _ مرام نحب علاقتي بيك ترجع باهية ننساو لصار ونبقاو بالقدر علاش لا صحاب نعرف لوجعتك و بكيتك قبل ويمكن نهار منهارات تو تفهمني علاش عملت هكاكا أمّا قررت اني نبدأ صفحة جديدة تقبل تسامحني ؟ _ وكان سامحتك؟ باش ننسى وجيعتي؟باش ننسى لأنا نتحرق كل يوم وكل ليلة ملي صارلي؟ باش ننسى لأنتي بعثتني وعرست؟ لصارلي جرتك منتمناهوش لعدويا ضحيت بكل شي على خاترك حتى بعايلتي قتلك بابا ميهمكش فيه نهربو نشوفو حل أما انتي عملت لفي راسك _ يعني موش باش تسامحني هبط راسو _ لا _والله العظيم لا عندي نية خايبة ولا نحب نأذيك _ منجمش نسامحك لاتدور بيا ولاتحكي معايا انا مرى معرسة ومفماش علاه شدلها يدها بيديه _ مرام سامحني والله كل شي صار فيسع وغلطت قص عليهم صوت _ مرام غمت عليها الدنيا و دارت صوت هذا تعرفو و شكون غيرو _ شتعملو هوني؟ _جيت نعطي في أحمد طبق وداخلة ڨحرلهم _ باهي أدخل هزت روحها و مشات وأحمد تبسم ومشاو للرجال قعدو على طاولة ملمومين فيها أقاربهم ولاد عمهم و اصحابهم تكلم واحد فيهم _ أحمد متقليش شكون التحفون لي كان معاك ؟ _ تحفون؟ _ تي الطفلة الزبور لكانت معاك توا خزر أحمد لأمين تنفض أمين من بلاصتو وشدو من سوريتو _ شفت التحفون لكنت تحكي عليها مرتي يا سيّد _ سامحني أمين والله ما فيبالي عطاه كفين قلبولو وجهو بطحو شد يضرب فيه بيقتلو بعدوه الاولاد لمعاهم _ جرب اخزرلها عينيك نقلعهم قلو زبور شلايك متع زبي يحرزلك عرس أختي ولا تشوف شنعملك نفض حوايجو و دخل من بعيد يشوف فيها تشطح بدنها يتمايل مع الغناية شعرها طايح على كتافها وهي فرحانة أول مرّة يشوفها هكا تضحك وعاملة جو يمكن بعدها على تونس و جوها و عيشتها نساوها فرحتها و ضحكتها نسا غشو وعلاش جاي وهو يشوف فيها...سرح حتى حس بيد على كتفو _بإسم الله العظيم...هناء cv تستحق حاجة؟ _ شبيك تفجعت من بنت عمك؟🙂 _ لا لا😂 _ شعامل أمين ملي جيت محكيناش _ هاني كالعادة...وانتي؟ _ كيما مستانس بيا...ماشية عام جاي لفرنسا _ علاه خترت فرنسا توى فما برشا بلايص خير فالخدمة وفالقراية _ خترتها خاتر انتي غادي _ نعم؟ _ نقصد خاتر ولد خالتي غادي منحسش بالغربة _ انن مالا بنرجعو قراب _ كيما قبل؟ ملامحو تبدلت _مفهمتش _ أمين حاولت نسكت أما منجمتش قد ماكنا قراب عمرك لا حكيتلي على مرام ولا على علاقتك بيها في ليلة ونهار عرست ومشيت لهدرجة مكنتش عزيزة عليك 😒 حط يدو على كتفها وتبسم _ انتي ديما باش تبقى أختي و نحبك(وجها تبدل) وقتها دخلت مرام باين عليها الغش _ سامحوني كان قصيت عليكم🙂 خزرت لأمين ودارت لهناء _ وهل يخفى القمر؟😒 _ هناء متكون كان bac lettre عزيزتي ☺️ _ اي علاه؟ _ لا خاتر قلت الضمار هذايا الكل منين جابتو☺️ شد أمين ضحكتو بالسيف وهو يخزرلها _سامحوني كان قصيت على ذكراياتكم اما حاجتي براجلي كان مفماش قلق😉 (تتبسم لهناء باستفزاز) هز أمين حواجبو عاجبو الوضع خلط وراها وهو يتبسم لهناء دخلت للبيت وهو دخل بعدها _ اي تفضل شفما _ شبيك تحكي هكا ساعة؟؟ _ نحكي Normal ڨحرتلو _ امم باهي _ اي شفما🙂 _ مافما شيء نقصد نسيت🙂 أما ياسر قراب انتي وهناء _ بنت عمي ومحسوب أختي متربيين مع بعضنا _ اي أختك لتحبها ربي يخليكم لبعضكم😒 _ اي وانتي عندك مشكل مفهمتش؟ _ لااا علاه عندي مشكل _ اي حقاااا اسمعني شفت من هوني لين توفى ام السهرية نشوفك خرجت لبرا تشوف شنعملك باهي؟؟ (يصيح عليها) _ علاه شبيك _ اول حاجة واقفة مع أحمد وشادلك يدك ثانيا واقفة قدام 20 راجل ماو لاباس فيبالك شقا...(سكت) _شقالو؟ _ حتى شي(دور وجهو) _ تكلم قدملها وخزر في عينيها _ واحد منهم سأل أحمد لكنت تتسكبن معاه شكون الزبور لمعاك فرحانة هكا ماو هذا وين تحب توصل انتي؟ _ اي وانتي شعملت _ معملت شي يا مرام شعندي نعمل في عرس أختي بربي _ يعني كملت تضحك وكينو مقال شي يعني؟ _اي وجاي تحاسب فيا أنا لخارجة نعطي في أم الطبق لأحمد ودخلت؟ماعندي معملت باش تحكي معايا هكا و تصيح عليا...مهنتش حتى شويا عليك باش تقلو مرتي حتى بالكذب؟ _ انتي لزيت العباد يقولو هكا و معندك معملت تضحك مع أحمد موش كنت تكرهو وتبخر بريحتو لي مشا وخلاك شادين يدين بعضكم _ أسمعني نحبش نبدل جوي خليني فرحانة نمشي خير _ نقص مالشطيح وأقعد رايضة _ تحبش تحبسني فالبيت وترتاح؟ولا ستنى ستنى منين شفتني أنتي؟ _ كي كنت متعدي😒 _ انن باهي هاني هابطت خرجت وسكرت الباب وراها وهو مسح على وجهو و رجع للولاد كملت السهرية طلعت لبيتها خذات لبسة من dressing و دخلت تعمل في دوش دخل بعدها أمين بدل حوايجو وتمد على الفرش حلت الباب ودخلت تشيح في شعرها
Oops! This image does not follow our content guidelines. To continue publishing, please remove it or upload a different image.
_ هاك هوني...باش ترقد؟ _ كان كتب هزت séchoir تشيح في شعرها _ نحي عليا الكازي نحب نرقد _ نشيح في شعري نجمش نرقد وهو مبلول _ قتلك نحي مسمعتش كلامو وكملت تشيح في شعرها قام من بلاصتو هز séchoir وحطو فوق placard ورجع رقد وهي تعارك فيه _ أمين زح شنيا هذااا نحب نشيح شعري _ سكتش على دين أمي خنرقد هالليلة الكلبة _ والله كاما نجبدو حطت كرسي وباش تجبدو حست بيدين على خصرها حطها على كتفو ورماها فوق السرير وطفا الضوء _ شبي ولديك تحدف فيا هكا _ ارقد _ مانيش راقدة وأقرب غادي _ تحبش نهبط في القاعة نرقد؟ مرام سكر فمك فك على أمي عاد سكتت شويا عرفت لطلعتلو قربتلو وطبست عليه تشوف فيه رقد ولا _ أمين أمين...هاو رقد الهم هذا...أمين قلبها تحتو وهي باهتة _ طيحتلي قلبي _ باش تسكت ولا نعرف كيفاه نسكتك _ شتقصد🙂 _ لفي مخك _ باهي ابعد خنرقد🙂 _ صحيتك عطاها بالظهر وتبسم _أمين _ تفضل (تنهد) _ والله نسألك حاجة ونرقد _ اي شنيا _ ياسر قراب انتي و هناء؟ _ اي _ اي وعلاه معرستش بيها ساعة مزيانة وظاهر لتعزك برشا😒 _ تي شنيا هالطلعة الحولة زادة _ جاوبني _ طيحني ربي بيك شنعمل...أما كي تجي تشوف فكرة باهية بعد الطلاق نخطبها _هيا تعرفشي كيفاه أرقد سكتت وغمضت عينيها تذكرت التلفون لجاها...زعما تقول لأمين؟أما هو نبها باش متقولش...خايفة أما لازمها تمشي وتعرف شنيا مشكلتو معاها....رقدت .
