Milly pov
Mi wake up inna the morning to a empty bed. Mi look roun the room n realize seh mi nuh deh inna my room.
Mi get up and put on mi clothes and lef out the room.
Mi go straight up to mi and Joanna room. When mi pull eh door mi see har awake and sidung pan eh bed.
“Weh yaa come from?” she ask
“Downstairs”
“So uh deh downstairs eh wul night?” she ask
“Yes, yaa investigator? Why yaa ask mi so much question?”
“If sumn deh deh fi mi investigate mi ago investigate” she seh
“Easy uh self man nun nuh deh deh fi uh investigate”
Mi go inna the bathroom and do mi morning routine.
After mi fresh up mi feel hungry so mi go downstairs to the kitchen.
Mi see Rachel a prepare sumn har back did turn to mi.
She did have on a tights suit and har wig did inna a messy bun. If a dat eh girl dem call it.
She sexy yf.
“Wah yaa look bout?” mi ask
She jump.
“Uh frighten mi so fah?”
“My bad, suh wah yaa look bout?” mi ask sitting down roun the island.
“Sumn fimi self” she seh
“Mi waa some so look bout fimi to”
“Mi naa work fi uh enuh, plus ano my job dat” she seh turning roun.
“Pum pum fat inna eh tights tho” mi seh licking mi lips.
She turn roun.
“Thats what he said” she seh
“He who?” mi ask furious
“Nuh worry bout dat” she seh
“Yuh know wah when uh done look bout dat call mi fi mine, mi inna di living room”
“Mi naa look bout nun fi uh” she seh
Chat yaa chat man.
Mi not even ansa jus go straight to the living room and wait.
Couple minute of watching a show she come inna the living room.
“Yo come fi dis” she seh walking back to the kitchen.
Mi walk behind har n watch har ass the wul time.
When we reach inna the kitchen she give mi a plate wid two sandwich and a glass a juice.
“Thanks”
She nuh ansa she just sidung and eat har food.
“Weh mine deh?” mi hear Joanna ask from behind mi.
Ray look up pan har, look back dung pan har food and continue eat.
“A ray look bout sumn”
“So uh couldn't look bout sumn fi mi n uh why yaafi eat wah she look bout?” she ask
A wah dis man?
“Joanna if uh want sumn go look bout eh”
She kiss har teeth n walk outa the kitchen.
Mi hear ray laugh lightly.
“Wah funny?”
“Uh n uh wife, that's it” she seh still laughing.
YOU ARE READING
Flash Rebound
Teen FictionAfter an heartfelt betrayal by her bestie and boyfriend, Tajanae Wilson was stranded on the street, saved by a stranger who in no time became more than a stranger. Moving too fast time catches up and everything fell apart. Written in Patios🇯🇲2022
