روايه.الانثئ.المسترجله .
البارت 2
البنت .. سمعتكم تتكلمون وعرفت اسمك
مشعل.. هاه وش بغيتي
البنت .. ممكن تجيب لي رقمك
مشعل يضحك .. وش تبغي برقمي
بندر يهمس لمشعل .. اخذه لا تكسر بخاطرها حرام ترى حبتك من اول نظره
البنت .. مشعل ممكن نتعرف
مشعل حب يسايرها ويتسلى .. اوكي سجلي .........
البنت .. طيب شكرآ بيننا اتصال
راحت البنت
مشعل ميت ضحك
بندر.. والله ماصارت وانا وش شايفيني قدامكم جدار
مشعل.. خلص خذ رقمها انت انا ماحب الحركات ذي
بندر.. لا مابيها من زينها في كثير ميتين علي وانا ماعبرهم
مشعل يضحك .. وينهم ماشوفهم
بندر.. مشينا خلص فكنا من السالفه هاذه
مشعل.. قول تغار اني احلا منك ولبنات يحبوني
بندر.. وش شايفني موب حلو لا والله الف بنت تتمناني
مشعل.. وانا صدقت يله امشي
راحو بسياره بندر
بندر.. اقول مشعل ابسالك سوال
مشعل.. وشو
بندر.. انت تحب
مشعل بضحكه .. ايه احبك انت
بندر.. بطل هبل وش شايفني بنت عشان تحبني
مشعل يضحك.. ايه بنت وش حلاتك تقبلي الزواج بي
بندر.. لا والله انت الي تشبه البنت وش رايك تقبلي الزواج بي
بندر يضحك على شكل مشعل الي مصنم وكانه يفكر يوافق او لا
مشعل في نفسه. مدري ليش كلمته هاذه تقبلي الزواج بي حركت مشاعر في قلبي اول مره احس فيها ؛ وصرت افكر لو الكل عارف انها بنت يمكن تكون من نصيب بندر لانه صديق الطفوله بس طردت الافكار من راسها وهي تقول لا هو صديقي ومثل اخوي ؛
بندر.. ووويه وش فيك تفكر
مشعل يضحك.. لا بس افكر لو صدق انا بنت بتتزوجني
بندر.. اخخ كيف بيكون شكلك وانت بنت هاذا وانت ولد وش حلاتك عاد لو انت بنت ياريت ومعك اخت تشبهك
مشعل تحاول ماتتاثر بكلامه ومدحه لها
مشعل.. لو كان معي اخت مازوجتها لك
بندر.. ليش وش فيني
مشعل.. ولا شي بس شوي فيك رجه
بندر.. انا فيني رجه والله ماصارت
مشعل.. وقف وقف وين رايح وصلنا
بندر.. خلينا نتفاهم اول
مشعل ينزل من السياره
مشعل.. والله تعبان وابي انام
بندر.. لا تتهرب بكره نخلص كلامنا وتقول لي من تحب
مشعل يتكلم من بعيد .. قلت لك احبك انت
بندر يضحك على استهباله ؛
دخل مشعل الشقه وبندر راح البيت
عند مشعل .
دخلت الشقه ودقات قلبي تنسمع مدري ليش ؛ رحت الحمام اخذت شور وطلعت البس ؛
بس شفت فستان قصير اشتريته قبل اسبوع ؛ مدري ليش اشتريته عجبني كثيير وحبيت اشتريه حتا لو مالبسته.
اتذكرت قبل اربعه ايام لما شافه بندر وجلس فوق راسي من وين لي الفستان او انا احب بنت واشتريته لها وانا مادريت ويش اقول مررره محرجه منه وقلت له اعجبني واشتريته لزوجتي المستقبليه لاكن مامشيت السالفه من ذاك اليوم وهو فوق راسي يحاول يعرف ان كنت احب احد مسكين مايعرف اني بنت كيف باحب بنت .. ؛ المهم حبيت اجربه لبسته كان لونه بنفسجي غامق يوصل لفوق الركبه نص كم ومن الصدر مفتوح ولضهر مفتوح وكان ماسك بل جسم رحت المرايه اشوفه كيف طلع علي وكان شكله يجنن ناسب بشرتي البيضاء ناظرت شعري اخخ ياريت اقدر اخليه يطول مثل البنات بس مقدر بس خطرت على بالي فكره انا ليش مااشتري اغراض بنات ثياب ومكياج واكسسوارات وعطور ولما اكون لحالي اسوي الي ابي عشان اغير من نفسيتي واحس اني بنت مثل باقي البنات ؛ فجاه سمعت جوالي يرن
مشعل.. بسم الله من بيتصل الان الساعه 11 ؛ رديت طلع لي صوت بنت ؛
مشعل.. الو
المتصل .. كيفك يا عمري مشعل
مشعل يبتسم حب يلعب شوي .. الحمدلله بخير يابعد قلبي عرفتك من صوتك
المتصل بخشونه .. من وين عرفت صوتي وانا اول مره اغيره
مشعل اتسمر وش ذا هاذا صوت بندر كيف ليش الا وش يقول عني منحرف افففف
مشعل يضحك.. اصلن عرفت صوتك وحبيت اسايرك
بندر.. بطل كذب ماعرفته
مشعل.. الا عرفته اصلن انت عارف اني مش راعي السوالف ذي
بندر.. ايه صدقت
مشعل حب يغير الموضوع .. وش بغيت يلخوي
بندر بضحكه .. حبيت اسمع صوت زوجتي المستقبليه
مشعل.. ياخي فارقني والله اني تعبان
بندر.. عاد اتصلت لك البنت
مشعل.. وش فيك حاشر نفسك
بندر.. حبيت ادور عاد عقلك معك ولا اخذته البنت
مشعل بضحكه.. مش البنت الي اخذته انت الي اخذته
بندر يضحك.. ترى امووت قوم نام الله يصلحك
مشعل.. تصبح على خير
بندر.. وانت من اهل الخير
قفلت الخط ؛
اف الحمدلله مشت كذبتي ؛ رحت غيرت ثيابي وخبيت الفستان ورحت نمت
