روايه.الانثئ.المسترجله-.
البارت 4
...
مشعل .. أعجبتني وانا بنت كيف لو انا ولد بس والله شكلها برئ ؛ وهي من وراء اهلاها تسوي العمايل بحاول انصحها اتصلت مشعل لهيام
مشعل.. هيام ماشاء الله عليك تخبلين
هيام .. تسلم ياقلبي
مشعل.. اسالك سؤال
هيام.. ايه تفضل
مشعل .. قد رسلتي صورتك لحد من قبل ولا كلمتي حد
هيام .. لا ليش تغار انا ابدآ ماحد لفت نظري غيرك انا حبيتك من اول نظره
مشعل تحاول تخليها ماتكلم عيال.. مشعل ..طيب اوعديني ماتكلمي احد غيري
هيام .. طيب يله باي يا قلبي امي تناديني
قفلت الخط وهي زعلانه على اهل هيام مايعرفون بتربيت بنتهم ؛ بس باحاول اعدلها وماخليها تتكلم مع اولاد على الاقل لو تتكلم معاي احسن من العيال ومايكون حرام لاني بنت وهي بنت عادي
راحت الحمام اخذت شور وانسدحت ونمت
اليوم الثاني.
راحت مشعل للجامعة وهي زعلانه ان بندر مو معاها ؛
شافت قدامها صدمة غازي في الجامعه وش بيسوي فيها بدون بندر
غازي.. ياهلا ياهلا وين الحارس ماشوفه
مشعل اتجاهلت وراحت للمدير
مشعل.. غازي وش جابه الجامعه لانه مفصول
مدير الجامعة.. لا خلاص ماهوب مفصول
مشعل.. بس لييش وهوا الي بدا الهوشه
مدير الجامعة.. وش سوي يعني اخسر شغلي عشان غازي عمه اتصل فيني قال اذا مارجعته بيطردني
مشعل.. طيب وبندر
مدير الجامعة.. كلمه يرجع الجامعه
مشعل.. طيب
مشعل اتصلت لبندر ومافي رد وش فيه مايرد غريبه انا اول مااتصل يرد علي اتصلت مره ثانيه وثالثه ورابعه بس مافي فايده الازم اروح لاعنده اتطمن عليه
خرجت من الجامعه متوجهه لبيت بندر
عند بندر.
صحيت الصباح ويدي اليمين مو قادر احركها حتى منفوخه ولونها اخضر
ام بندر.. قوم يله
بندر.. يمه والله مو لازم المستشفى انا بخير
ام بندر.. انت ماتشوف يدك كيفي يله قوم
قام بندر وهو مو قادر يحرك يده من الوجع نزل لعند ابوه
محمد ابو بندر .. يله ياوليدي خلينا نروح انشاء الله الي بيدك ماهو كسر
بندر.. يمكن ماهو كسر لانو لو كسر مابقدر انام امس من الوجع
راحو وبندر نسى جواله في البيت وصلو المستشفى عملو كشافه وطلع عنده
عند مشعل.
وصلت بيت بندر دقيت الباب جاوبتني بنت يمكن اخت بندر الي التقيت بها
مشعل من وراء الباب
مشعل.. بندر وين
ميعاد .. في المستشفى
مشعل بفجعه.. ليييش وش فيه
ميعاد .. مافي شي يخوف بس يده توجعه وراح يشوف وش فيها
مشعل.. باي مشفى
ميعاد .. بمستشفى .....
راحت مشعل بسرعه للمستشفى وهي خايفه عليه ؛ وصلت المستشفى وراحت لعنده شافته طالع من المستشفى
مشعل.. بندر سلامتك وش فيك
بندر.. بخير بخير لا تخاف
مشعل شافت يده ملفوفه بشاش وخافت يكون كسر
مشعل.. وش قالو وش فيها يدك
بندر.. قالو انه شسر وبيتعافى باسبوع
مشعل.. الحمدلله على سلامتك كل هاذا بسببي
بندر.. لا مش بسببك لا تقول كذا
ابو بندر جاي لعندهم .. ياهلا بمشعل كيف الحال
مشعل.. الحمدلله وانت كيفك
ابو بندر.. بخير نحمدالله وينك ماعاد شفناك فتره
مشعل.. والله العمل ولجامعه ماعاد بين افضى احك راسي
ابو بندر.. الله يعينك اذا تحتاج شي انا موجود
مشعل.. تسلم ياعمي
ابو بندر.. مشعل طلبتك لاتردني
مشعل باستغراب .. اطلب ياعمي
ابو بندر.. طلبتك تشتغل عندي بشركه وتبطل شغل المزرعه
مشعل.. بس ياع
بندر يقاطع .. مشعل هو طلب منك لا ترده
ابو بندر.. ايه وافق ترى اول طلب اطلبه منك
مشعل.. طيب ياعمي مايصير الا الي يسرك
بندر بفرحه .. واخيرآ قدرنا نقنعه
مشعل يضحك
ابو بندر.. يله مشينا البيت نطمن امك انك بخير
راحو البيت ومشعل معاهم عشان يكلم بندر ان غازي رجع الجامعه وصلو دخلون المجلس وابو بندر راح يطمن ساميه ان بندر بخير
مشعل.. اقول بندر انت عارف ان غازي رجع الجامعه
بندر.. قول والله
مشعل.. والله عمه ابو جراح هو الي رجعه وهدد المدير انه بيطرده
بندر.. الله يلعنهم خبيثيين وش الحين لو يعمل فيك شي وانا مو موجود
مشعل.. المدير كلمني اقلك ترجع الجامعه
بندر.. حتى لو كيف برجع ويدي كذا على الاقل اسبوع كامل ماباروح الجامعه
مشعل.. ليش توجعك قوي
بندر.. لا بس مابي حد يشوف يدي ويقولو ان غازي قدر علي
مشعل يضحك.. لو شفت وجهه غازي اليوم كان مت من الضحكه
بندر.. وش فيه
مشعل.. خريطه ولونه بنفسج على اخضر ولكل يتضحك عليه بس هوا مطنش
بندر يضحك على كلام مشعل .. يستاهل على الاقل انا ماقرب من وجهي
مشعل.. ايه يله استاذنك باروح للمزرعه اكلمهم ماعاد بشتغل عندهم
بندر.. طيب يله من بكره العصر بنروح انا وانت الشركه اعلمك
مشعل.. ويدك
بندر.. مابتوجعني وبعدين بشركه ماحد عارف اني اتشاكلت مع غازي
مشعل.. هاه طيب
راح مشعل للمزرعه ولكل زعل ؛ يحبو لانه من وهو صغير وهو عندهم اتعودون عليه وحبوه ؛
رجعت الشقه جلست فوق الكنب تفكر لو غازي يسوي فيها شي وماحد بندر لازم تشوف حل ؛
اممم خطرت على بالها فكره ..
اتصلت لمدير الجامعه
مشعل.. السلام عليكم معك مشعل بن عبدالعزيز
المدير .. وعليكم السلام ياهلا
مشعل يسوي صوته شاحب .. والله اتصلت اقلك احح احح
المدير .. بس الله اشرب ماء وش فيك
مشعل يحاول يكتم الضحكه.. اتصلت استاذن منك اني بغيب اسبوع لانو مريض
المدير .. وش عرفك انك بتكون مريض اسبوع الله عاد احنا في البدايه مسرع الغياب
مشعل تلعن غبااها .. لا بس مريض قوي لما احس نفسي احسن بروح الجامعه
المدير .. شوف هاذه الحركات ماتمشي معي
مشعل .. اي حركات اقلك مريض مقدرت اقوم
المدير .. طيب طيب مع السلامه وسكر
مشعل يضحك اف واخيرآ صح اني ماابي اغيب عشان احقق حلمي بس سلامتي اهم ..
اليوم الثاني.
راحت مشعل لبيت بندر الصباح وقفت في باب البيت واتصلت عليه
بندر.. ياهلا
مشعل.. انزل لباب بيتكم
بندر.. ليش
مشعل.. انزل انا في الباب
بندر.. ليش مارحت الجامعه
مشعل.. انزل نتكلم
نزل بندر وسلم على مشعل
بندر.. ليش مارحت او خايف
مشعل.. لا ليش اخاف اخذت اجازه
بندر.. ليش
مشعل.. قلتلهم اني مريض كذب عشان اقدر اكون معك اسبوع كامل من غير مزرعه وجامعه
بندر.. حسستني وكاني حبيبتك تكلمني كذا
مشعل يضحك.. اكثر من حبيبه
بندر.. بلاه الاحراج
مشعل.. وش رايك نروح نفطر
بندر.. طيب يله
مشعل راح يفتح السياره ؛
وقفه بندر
بندر .. بلاها السياره المطعم قريب وش رايك نمشي
مشعل.. فكره حلوه
مشو سوا بخطوات بطيئه وهم يسولفو ويضحكو ؛ وبندر مركز نظره على مشعل كيف يتكلم ويضحك اخخ وش ذا العيون من كبرهم اشوف صورتي وسطهم ولانف الحاد ولفم الصغير الوردي ولبشره البيضاء كان يناظر كل تفاصيل وجهها ويدينها الورديات من البرد وشعرها الناعم يطير من الريح مدري ليش لما اشوفه مابي ابعد نظري عنه بل ذات في عيونه ؛ انا وش قاعد اقول اوصف جمال ولد وكانه بنت انتبه على نفسه لما سمع صوته يقول
مشعل.. مضيع شي بوجهي
بندر.. لا بس اشوف ليش للان ماطلع لك شنب ولحيه
مشعل بتلعثم .. مادري يمكن لما يصير عمري 20 مثلك
بندر.. بس انا لما كان عمري 19 كان معي شنب
مشعل.. مادري
بندر.. ليش ماتخفف شعرك شوي طويل باقي شوي ووصل لعند رقبتك
مشعل ماتبي تقص شعرها تبيه يطول بس وش تسوي بيبان شكلها بنت اذا طول اكثر من كذا ردت
مشعل.. ايه حتى انا قلت كذا لما افضى بروح للحلاق
وصلو المطعم وطلبو فطور
مشعل تاكل.. بندر وش فيك ليش ماتكل
بندر.. مقدر اكل بل يسرى تعال اكلني
مشعل.. طيب
قربت الكرسي لجنبه واخذت لقمه ووجهتها لفمه وهو فتح فمه بس رجعتها واكلتها هي وهي تضحك
بندر.. مشعلوو ترى جوعان عند الاكل ماف
مشعل يقاطعه بلقمه كبيره لفمه
مشعل.. طيب يله كل بلا فلسفه
بندر يحاول يبلع بسبب القمه كبيره
...........يتبعع
