The Land of Miracles ((အံ့ဖွယ်များနှင့် နယ်မြေ))

Chapter 43+44

Chapter 43 : Routines are all routines...
အစဉ်အလာက အစဉ်အလာပဲ ...

"ထုတ်ပေးလို့သာရရင် အခုချက်ချင်း ကျွန်တော် ပါး နဲ့ မား ကို ထုတ်ပေးတယ်.. ပုလဲကို ကျွန်တော်အရမ်းလိုချင်နေတယ်များ ထင်နေတာလား? နဲနဲလေးအာရုံစူးစိုက်လိုက်ရုံနဲ့ တစ်ယောက်စိတ်ထဲဘာဖြစ်နေတယ် ၊ ဘာတွေခံစားနေရတယ်ဆိုတာကို ဖုံးကွယ်လို့မရ ၊ တန်းသိနိုင်နေတဲ့ အခြေအနေကြီးနဲ့! အဲ့ဒါကြီးက ကောင်းတဲ့အရာလား??ကျွန်တော်ကြင်ယာ ရခဲ့ပြီပဲဆိုကြပါစို့... ဟိုတစ်ယောက်က ကျွန်တော်ခံစားရသမျှ သာယာမှုအကုန်ကို သူပါလိုက်ခံစားမိနေမှာလေ!! တွေးကြည့်မိရုံနဲ့တင် ကျောပါစိမ့်တယ်!! တကယ်ပါပဲ...ကျွန်တော့်အတွက်ဆိုပြီး blind date ကြင်ယာတော်ရွေးပွဲတွေ ထပ်မဖန်တီးပါနဲ့တော့ မားရာ... ကျွန်တော် တကယ် စိတ်မပါနိုင်လို့ပါ.."
လန်ကော ဝမ်းနဲစွါ ငြီးငြူးပြနေတော့ ရှင်းယွမ် သက်ပြင်းတစ်ချက်ချပြီး သူမရဲ့သားကို ပုခုံးကနေသိုင်းဖက်ကာ -
"သားတော်လေး စိတ်ထဲအဆင်မပြေ ခံစားနေရတာကို မား နားလည်ပါတယ်... သားပြောသလိုဆို ဒါက တကယ့်ပြသနာပဲ... ဒါပေမဲ့လို့ တစ်ဖက်ကနေ လှည့်တွေးကြည့်ရင်...ဟိုကောင်လေးရည်းစားရခဲ့လို့ သာယာနေချိန် ၊ သားဖက်ကနေ သူ့သာယာမှုတွေကို ခံစားမိမှာပဲလေ... ဘဲစားဘဲခြေပေါ့ .. ကိုယ့်ဖက်က ရှူံးတယ်လို့တွေးပြီး စိတ်ဆင်းရဲခံမနေပါနဲ့.."

လန်ကောရင်ထဲ နမိတ်မကောင်းသည့် ခံစားချက်တွေ တဖွားဖွားပေါ်ပေါက်လာပြီမို့ ... သူ့အမေရဲ့ လက်ကနေ ထွက်ပြေးဖို့ကြိုးစားချင်ပေမဲ့ .. ရှင်းယွမ် က အဆင့်-၈ လေဒြပ်စင်ထိန်းချုပ်သူ! အဆင့်-၆ လန်ကော အနေနဲ့ ဘယ်လိုမှ ပြေးမလွတ်နိုင်ဖူး..

ရှင်းယွမ် မျှော်လင့်ချက်တွေအပြည့် ၊ စိုရွှန်း​နေသောမျက်ဝန်းတွေဖြင့် သူမရဲ့သားတော်ကို မော့ကြည့်ပြီး -
"သားတော်လေး... မင်း မေမေ့ကို မချစ်ဖူးလားဟင်??"

လွတ်လပ်သည့်နိုင်ငံတော်ရဲ့ ဘုရင် .. လန်ရှင်း ... ဒီလိုမြင်ကွင်းမျိုးကို ခဏခဏ မြင်ခဲ့ရလွန်းပြီမို့ ဘာတွေဆက်ဖြစ်တော့မယ်ဆိုတာကို ကြိုသိနေပြီး ဆက်မကြည့်နိုင်ဖြစ်ရကာ ၊ မျက်နှာကို တစ်ခြားဖက်အသာလှည့်လို့ထားတယ်...