Chapter 96 : Tiger Demon King...
ကျားမိစ္ဆာဘုရင် ...
"နှာခေါင်းနဲ့ပဲစကားပြောတတ်တယ်"
အနီရောင်ဘုရင်မ ရဲ့ တုံ့ပြန်မှုတို့က အေးစက်စက် ..
တုနှိုင်းမဲ့ပုလဲပုံရိပ်ယောင်နယ်မြေ ထဲကနေ ပွဲကြည့်ကောင်းနေသည့် လူသားနှစ်ယောက် ... တစ်ယောက် ကို တစ်ယောက် လှည့်ကြည့်မိကြရင်း -
"မိစ္ဆာရိုင်းမြို့တော် က ကျားမိစ္ဆာဘုရင်ကြီးလား!?"
ဘုရင်ကြီးပြောခဲ့တဲ့စကားထဲမှာ 'သမီးတော်တွေ' ဆိုပြီးပါခဲ့သည်မို့ သူတို့ ထိုသို့ကောက်ချက်ချဆွဲလိုက်ခြင်းဖြစ်တယ်..
အခုအခြေအနေအရဆိုရင် အနီရောင်ဘုရင်မ က သူတို့ကို အမဲလိုက်ရင်း ရောက်လာခဲ့ခြင်းဖြစ်ပုံမရ ၊ ကျားမိစ္ဆာဘုရင်ကြီး လိုက်တိုက်ခိုက်လို့ ခုခံထွက်ပြေးရင်း ရောက်လာပုံရသည်...
လန်ကော တက်ကြွစွါဖြင့် -
"ငါတို့ ကံကောင်းနေတဲ့ပုံပဲ!! မြင်ရတဲ့အတိုင်းဆိုရင် အနီရောင်ဘုရင်မ က ကျားမိစ္ဆာဘုရင်ကြီးရဲ့ ပြိုင်ဖက်အနေအထားမှာ မရှိနေဖူးလေ!!"
ဖာ့ဟွားက -
"အဆုံးရောက်မှ အဖြေပေါ်မှာ ... အနီရောင်ဘုရင်မ ဆိုတာ ရှူဟိုင်တွေ နှစ်ပေါင်းထောင်ချီ အမြဲသတိထားခဲ့ရတဲ့ မြေအောင်းပုရွတ်ဆိတ်နတ်ဆိုးမျိုးနွယ် ... သူမ က သာမာန် မဟုတ်ဖူး"
"ကမ်းလှမ်းချက်ကို သဘောမတူရင်တော့ မင်းသေရလိမ့်မယ်"
ခံစားချက်မရှိ ၊ အေးစက်စက်လေသံဖြင့် ကျားမိစ္ဆာဘုရင်ကြီး က အနီရောင်ဘုရင်မ ကို မျက်စိထဲတောင်မထဲ့သလို .. လက်နောက်ပစ်ရပ်နေလျက် .. သက်သောင့်သက်သာ သာရှိနေ၏..
အနီရောင်ဘုရင်မကလည်း -
"အဆုံးမဲ့ပင်လယ်ပြာထဲက ရေဘီလူးဘုရင်နဲ့တိုက်ခိုက်ခဲ့ချိန် ငါဒဏ်ရာရခဲ့လို့သာ ... မဟုတ်ရင် ငါ့ကို နင် နိုင် နိုင်မယ်များထင်နေလား?? အရှက်မရှိတဲ့လူသားနှစ်ကောင်သာ ငါ့နှလူံး ကို မခိုးသွားခဲ့ရင် .. ငါ့ရှေ့မှာ နင်အခုလို မလေးမစားတွေလုပ်ပြနိုင်မယ်ထင်နေလို့လား?? ငါ့ကို သတ်ချင်နေတယ်ပေါ့? စိတ်ပါရင်ကြိုးစားကြည့်လိုက်လေ"
စကားအဆုံး သူမရဲ့ လက်တွေကို ဆန့်ထုတ်လိုက်ချိန် အနီရောင်အငွေ့အသက်တွေထုထည်သိပ်သည်းသွားပြီး စက္ကန့်ပိုင်းအတွင်း - ကျိုးပဲ့နေခဲ့သော လက်တံတွေ ၊ ကွဲအက်နေခဲ့သော ချပ်ဝတ်တွေ .. အကုန်လုံး မူလအခြေအနေ အကောင်းပတိ အတိုင်း ပြန်ဖြစ်သွားတယ် ...
ဖြူနုနုမျက်နှာပေါ်မှာ သွေးရောင်တချို့ပါ လွှမ်းသွားသည်မို့ 'ရှက်သွေးဖြာနေသော မိန်းမပျိုလေး' လိုပိုလို့တောင် လှသွေးကြွယ်လာသည်...
YOU ARE READING
The Land of Miracles ((အံ့ဖွယ်များနှင့် နယ်မြေ))
FantasyTwo young men Encounter the Destiny. Can they break their fate or ??? Magic & Fantasy ((Both Unicode & Zawgyi Available)) ကံကြမ္မာ၏ စီမံမှုဖြင့် အလိုဆန္ဒမပါပဲ တစ်ဦးနှင့်တစ်ဦး နှစ်ကိုယ့်တစ်စိတ်လို ချည်နှောင်မိချိန် ... ကျိန်စာလား ? အကျိုးပြုစေမဲ့ ချ...
