السلام عليكم
رواية في عداد الأعمار
الفصل الثاني
نورا ناصر
∆∆∆∆∆∆∆∆∆∆∆∆
الحب لا يجمع المتشابهين
الحب يجمع المختلفين دائماً
كأثنين بينهما فارق في العمر
او احدهم يعشق الإهتمام والأخر يحتويه البرود
او قد تغير نفسك من أجل شخص بينما هو لايغير ساكناً
اثنين احدهما له ماضي والأخر يحب لأول مرة.
∆∆∆∆∆∆∆∆∆∆∆∆∆∆∆∆∆∆∆∆∆∆∆∆
بيدي الدفتر وگعدت على الجرباية مالته ومبتسمة
وافكر شلون اقنع سعود يتزوج غفران
وشلون اخلي غفران تحبه
انفتحت الباب ودخل سعود لابس قميص ابيض وبنطرون رصاصي تعبان ووجهه مبلل مبين غسل قبل لا يصعد وجم خصلة من شعره منثوره على گصته وتلمع لأن مبللة
هو شافني وانتبه عالدفتر بيدي صيح بعلووو صوووته ولللج ليش تلعبين بغراضي
من خوفي شمرت الدفتر وطاح عالكاع وهو زاد صياحه رجعت نزلت خذيته وسفطته بيدي
خذاه مني بسرعة وظل يڰﻜلب بي
ضحك كال هاا هذا عبالي ذاك
كتله بشك ليش شبي ذاك
رگعني بالدفتر على راسي كالصحت متوجعة وقلصت رگبتي اخخخ
وهو كال مابي شي وبعد لا تلعبين وتبحوشين بغراضي مايصير احترمي الخصوصية
اييي ابو الخصوصية ليش هيج تطڰني على راسي مو كالت أمي لا تطگ عالراس يسووي عمى
جاوبني وهو يشمر روحه عالجرباية ويتمدد على ظهره
هاي من اطگ ياسر تكول هيج انت من اطكج عادي ماتحجي شي
تجاهلت حچيه ورحت گعدت يمه
اكلك سعود انت ليش راسم غفران؟
عكد حواجبه يا غفران؟ هاي الي بمرحلة ثانية الي عدهه شوارب فوك عيونهه؟ منين تعرفينهه
طكيتها ضحكة ولك لا اااا
كال لا تكولين ولك ولوالة تولولج
كلت اوووو ورفعت ايدي ونزلتها هسه ليش رسمت غفران بت ام اسعد الي اليوم الصبح اجت عليه واحنه جاي نتريك انه وياك؟
ظل يفكر ورا شويه كال والله عليج سوالف طايح حظها كوومي طلعي خل ابدل كوومي
ظليت احوس يمه لاا عفية كول ليش كوول حبوبي
صاح بغضب اووووو شفت عيونها متفخة من النوم مبينه نايمة من الستة العصر اجاني الهام ارسمهم
هاا يعني موو شي ثاني؟
وغمزتله
رگعني على ظهري بيده
انحنيت من الصدمة والالم وصحت اخخخخ
شكبرها ايدك عبالك كرك
كال ووجعااااخ كومي طلعي برى يله حاطه عينج على ايدي تروحيلهه فدوة
أنت تقرأ
في عداد الأعمار
Romanceأعرفُ أنكِ فتاةٌ باردة تشبه الجنازة، تشبه الوطن، وتشبه نفسها أيضاً إنكِ روحٌ لا يستطيع الكل فهمها، وما لا نستطيع فهمه، مقدّس..
