වේගෙන් ආව දිලිසෙන කළු පැහැති අති සුඛෝපභෝගී මෝටර් රථය හරිහැටි නතර කරන්නවත් වෙලාවක් වැය නොකර වාහනෙන් බැස්ස නම්ජුන් ආරක්ෂකයින්ගෙ ඩිෆෙන්ඩර් රථයෙන් බැහැලා දොර වැහැව්ව ජැක්සන් අතට යතුර විසි කරලා මැන්ශන් එක ඇතුළට දිව්වා....
වටපිට බලන්නවත් මහන්සි නොවී ලිවින්ග් රූම් එක පහු කරගෙන ගිය නම්ජුන් කලබලෙන් වාගෙ තමන්ගෙ කාමරේ දොර ඇරියෙ ඇතුළෙ තත්වෙ මොනවගේ ඇතිද කියලා හිතාගන්න බැරි ව....නම්ජුන්ට මේ වෙලාවෙ වැදගත් වුණ එකම දේ වුණේ එයාගෙ මූන් හොඳින්ද කියලා දැන ගන්න එක විතරයි...හ්වාසා මේ සිද්ධිය පිටිපස්සෙ ඉන්නවා කියන්නෙ ඒකි ජින්ව ඇමට තියලා නම්ජුන්ව දුර්වල කරන්න උත්සාහ කරනවා....ඒ නිසයි නම්ජුන් බය වුණේ යුජන්ග් ගැන දැන ගත්තාම කලබල වෙන මූන්ට හ්වාසා අනතුරක් කරයි කියලා....
ඒත් කලබලෙන් දොර ඇරගෙන ආව නම්ජුන් දැක්කෙ එයා දවල් එළියට යද්දී තිබුණ විදියට ම හරි පිළිවෙළට තියෙන කාමරයක්...වොශ්රූම් එකෙත් ලයිට්ස් ඕෆ් කරලා....ඇඳෙත් කවුරුත් නෑ...සෝෆා එකත් හිස්....
එතකොට කොහෙද එයාගෙ මූන්?
"ම්-මූන්?"
නම්ජුන් කටහඬ වෙව්ලන එක අමාරුවෙන් නතර කරගෙන ටිකක් සද්දෙන් කතා කළේ එයාගෙ මූන් අනිවාර්යයෙන්ම ඇතුළෙ ඇති කියලා හිත හිතා....ටිකක් කාමරේ ඇතුළට ආව නම්ජුන් දැක්කෙ ඇඳ ළඟ බිම ඇඳට හේත්තු වෙලා වාඩිවෙලා නවාගෙන ඉන්න කකුලෙ දණහිස වටේ අත්දෙක ඔතාගෙන ඇඳට ඔලුව බර කරගෙන ඇස් පියාගෙන ඉන්න එයාගෙ මූන්ව....ජින් ඇඳගෙන හිට්ය ලා දම් පාට වැලමිට ළඟට අත් නවපු කමිසෙ පපුව සීමාව තෙමිලා තිබුණා....
මූන් අඬනවා...
නම්ජුන්ගෙ ඔලුවෙ වැඩ කරපු එකම දේ ඒක වෙද්දි එයත් නොදැනිම ජින් ළඟට දිව්ව නම්ජුන් ජින් ඉස්සරහ බිමින් දණගැහුවා....
නම්ජුන් දැක්කා නින්ද ගිහින් ඉන්න ජින්ගෙ ඇස්වලින් බේරුණ කඳුළු කම්මුල් දිගේ ගලාගෙන ගිහින් ජින්ගෙ පපුව ම තෙමලා තියෙන විදිහ....ජින් නිදි බව නොසලකාම උරහිස් දෙකෙන් අල්ලලා ජින්ව තමන් ළඟට අරගෙන නම්ජුන් ජින්ගෙ කොණ්ඩෙ එහෙ මෙහ කරලා ජින්ව ඒ මේ පැත්තට හරව හරවා බැලුවෙ ජින්ට තුවාල වෙලා ද කියලා...ටිකකින් ජින් ඇහැරලා කියලා දැක්කාම නම්ජුන් ජින්ගෙ මූණට එබුණෙ ජින් නම්ජුන්ගෙ ඇස් මඟෑරලා අහක බලා ගනිද්දී....
YOU ARE READING
The Misplaced Teddy || TK
FanfictionFrom the day you disappeared from my life....I lost myself my love