[Unicode]
လေထုထဲတွင်ရှက်ရွံ့သည့် အငွေ့အသက်များဖြင့်ပျံ့နှံ့သွားသည်။
ကျင့်ရှီဝူသည် ထိုင်ခုံနှင့်စားပွဲကြားတွင် ပိတ်မိသွားပြီး နဖူးမှနေ၍ ချွေးများစီးကျလာကာ သူ့အသက်ရှုသံသည်လည်း မတည်ငြိမ်တော့ပေ။သူ့ရင်ဘက်သည်လည်း နိမ့်ချေ မြင့်ချေဖြင့် အလွန်အမင်းအတက်အကျမြန်လျက်ရှိနေကာ သူ့မျက်နှာဝိုင်းဝိုင်းလေးထံတွင်လည်း အထိတ်အလန့်ကြောက်ရွံ့မှုများနှင့် ပြည့်နှက်နေပေသည်။
ကျင့်ရှီဝူသည် အချစ်စာကိုသူ့နောက်ကျောတွင်ကွယ်လိုက်ကာ,
"ရှန်..ရှန်ချန်း"ရှန်ချန်းသည် သူ၏သွယ်လျလှပသော မျက်ခုံးများကိုကျုံ့လိုက်ကာ အေးစက်စွာပြောလိုက်သည်။
"မင်းငါ့ပစ္စည်းတစ်ခုခုကို ခိုးထားတာလား""ကျွန်တော်မခိုးဘူး!"
မတရားဘူး!ဒါလုံးဝကို မတရားတာပဲ!
ရှင်းရှင်းပြောရရင် ဒါကသူ့ပစ္စည်းသူပြန်ယူတယ်ဆိုတာထင်ရှားနေတာပဲ...
ကျင့်ရှီဝူ၏အညိုရောင်မျက်လုံးဝိုင်းဝိုင်းများသည် ရှန်ချန်း၏ခံစားချက်မဲ့နေသော အနက်ရောင်မျက်လုံးများဖြင့် ဆုံတွေ့သွားသောအခါဝယ် သူ့ဝိဥာဏ်ထဲထိတိုင်အေးစက်မှုကိုခံစားလိုက်ရသည်။
ထိုခံစားချက်က သူ့ကိုအနည်းငယ်တုန်လှုပ်သွားစေပေမယ့် သူ့မှာအပြစ်မရှိကြောင်းကိုတော့ ရဲရဲဝံ့ဝံ့ ပြန်ပြောလိုက်သည်။
"ငါမင်းဆီကဘာမှမခိုးခဲ့ဘူး!"ထိုစကားပြောပြီးနောက် သူအနည်းငယ်စိတ်ဆိုးသွားကာ သူ့ခေါင်းကိုငုံ့လိုက်သည်။သူသည် ရှန်ချန်းထက်အရပ်ပိုပုသောကြောင့် ယခုပုံစံသည်ငုံးငယ်လေးတစ်ကောင်နှင့်ဆင်တူလေသည်။
ရှန်ချန်းအံ့သြသင့်စွာဖြင့် သူ့မျက်ခုံးများပင့်သွားလေသည်။
အတိတ်တုန်းက ကျင့်ရှီဝူသည်အလွန်အမင်း စိတ်ကြီးဝင်ကာ ပွင့်ပွင့်လင်းလင်းမပြောတတ်ပေ။သူသည် ချက်ကျလက်ကျဖြင့်ပွင့်ပွင့်လင်းလင်းပြောရမည့်အစား လူဆိုးလေးတစ်ယောက်လိုအော်ဟစ်ငြင်းခုံနေတတ်သည်။
YOU ARE READING
သံသယကြီးလွန်းတဲ့ဇာတ်လိုက်၏ဇနီးဟောင်းအဖြစ် ပြန်လည်ရှင်သန်လာခြင်း
RomanceTitle : Reborn As the Ex-wife of the Paranoid Male Lead AssociatedName(s) : 重生为偏执男主前妻 Author(s) : Zhi Tang / 稚棠 Genre(s) : Comedy, Romance, School Life, Slice of Life, Tragedy Status in COO : 122 Chapters + 2 extras @This is just fun translation. Cr...