بارت 2

53.1K 2.5K 393
                                    


محَد يحترگ
گلبة عَليه؟
ويمد أيده
ويطفي النَار بيه
إذا الـَ بيتي ضدي
شحَال جاري؟
يلم فوگي حطب
وتزيد نَاري

    🟤 الاحـداث المتسلسلـه تـبدأ مـن بـارت 5 🟤
[البـارتات الاولـى الـ 3] غـير مناسبـه لعـقول الـجميـع
اقتـضى التنـبيه ....

_________

لالـي..

كاعده على اعصابي لو ما الحظور ولا ادخل للكليه
منتظره دكتور يخلص علمود اطلع الشرح معقد ويحتاجله تركيز واني نوم منايمه اكل اتعاجز اسوي الي واكل وهاي الشباب كاعدين وراي واحد مشغل طوبه ويشوفها لو ثاني يصور بنفسه لو واحد كاعد يسولف ويه جماعته لو اكو واحد ظال عيونه على وحده يتأملها

والله فارغين واني بس اريد ارجع للبيت وانام خوب هذا الكاعد بصفي بزعني يجيب ويسولف صديقه على واحده مدري يامرحله عاجبته وهي لابسته

خليت ايدي على خدي وانتظره يكمل مجرد ما غلق داته شو يعني خلص انتهت المحاضره
بسرعه اخذت جنتطتي وغراضي ولابكوت وطلعت علاقتي شبه محدوده ويه طلاب والطالبات
ما احجي ويه احد بس من اريد شي عن الماده مالي خلكهم ابدد
احسهم مجتمع منافق ميناسبوني كعداتهم عباره عن نفاق لو طلعات وصرف فلوس على ناس متسوه

تمشيت لحد ما وصلت على مكان توكف بي الفورتات
صعدت وظليت كاعده انتظرها تنترس حتى يحرك دفعت الكروه ولبست الهتفون باذني شغلت اغاني وفصلت عن دنيا كلها لحد ما وصلت

دخلت سويت غده ل امي ونمت ماكعدت للعصر
بدلت ملابسي مالي خلك اخلي مكياج بس رفعت شعري ذيل حصان وطلعت

تمشيت للصيدليه القريبه عليه عندي تدريب بيها
ولان اني ذكيه او بالاحرى محتاجه تعلمت على علاجات بسرعه وخليته يحسب الي راتب يعني مو بس ادرب اشتغل هم .........

_بعد خالتج انطيني هالاعلاج

قريت الوصفه واكو كم شغله معرفتها لان بعدني طالبه ف رحت للصيدلاني كبير بالعمر انطيته الوصفه شرحلي عنهن انطيتهن الها

_مشكوره بعد خالتج يحفظج شبابج

اهلا وسهلاً عيوني

طبكت سياره تاهو كدام صيدليه ونزل منها واحد لابس لبس رسمي طول وهيبه لحيته محدده عضلاته اوڤر مو من طبعي اركز بس شكله جان ملفت

دخل للصيدليه وباوع عليه

_اريد حبوب .... وقطره..... عدكم متوفرات لو لا

نعم اكو

_انطيني

اني بكل غباء رحت طلعتهن اله وخليتهن كدامه

الصيدلاني الكبير بالعمر مسؤول عليه جان جوا دا يحضر خبطه لمريض واكف ينتظره ....

عزيزي ممنوع تدخين داخل صيدليه

الـكارمـاحيث تعيش القصص. اكتشف الآن