مو تاكل بروحي بكل وكت
وتشرب وياي حجايتك
صدكني ما يمشن عليّ
ومبينه جانت غايتك
مادام ناوي إعلة الهجر :
شد رايتك .. و انه الأسكت للحچي ،
ولتسوي منية وفضل جاملتك وميت برد
من گلت دافي بصايتك !........................
حجه هالكلام وراح صعد بسيارته ...
ما رديت عن اي كلمه حجاها
احس روحي مو الي الخمول مسيطر عليه بشكل فضيع اتعب مجرد اخطي كم خطوه
مختنكه بدون سبب
كارهه نفسي
رفعت رجلي وخليت راسي عليها مابيه اكوم
ليش هيج دا يصير وياي
ليش مداكدر اسيطر على نفسي
ليش مدا اتحكم بدموعي
دموعي داتنزل وحدها بدون سبب
دموعي من تنزل تچوي گلبي وروحي .........
ليش مدا انام عدل ولا دا اصحى عدل
تجي ايام بس سهرانه وتجي ايام بس نايمه ....
ايامي مخربطه
فكري مشتت ....صار وقت الاذان والمؤذن صوته ملئ المكان ...
خليت ايدي على اذني اريده يسكت
كااافي كاافي الشعور البشع الداعيشه
روحي بقوقعه ....صوت الحجيه وهي تناديني زعجني أكثر .....
فتحت الباب وكفت فوك راسي ..
_ بنيتي كومي صلي ركعتين بلكي ترتاحين ..
ذكري الله ..
استغفري ربج ليش هيج حالج نكلب فجأه ...
كلشي بهالدنيا دين والدايصير بيج دين ...
كل يوم نفس الكلام اسمعه واكثر روحي تضيق عليه اكثر واكثر ..
رفعت راسي الهاخاله عوفيني تعبانه
محجت شي بس باوعت عليه بنظره مقهوره وراحت ....
تلفوني ب ايدي بعده ضوا مشتغل
طفيته ودخلت جوا .....
تقريباً الساعه راح اصير ب 6
دخلت للغرفه لكت عهد كاعده تلعب بالتلفون
باوعت عليه_اريد اسألج سؤال ولو ادري مو وقتها
شلون هيج ايدج تلمع ومابيها شعر وانتي صار فتره طويله يمنا وما سويتي الهن اي شي
اني روحي طافره وهاي بهالفجريه تسأل هيج
جاوبتها من ورا خشمي
مسويه ليزر
_مو يكولون غالي
واذا غالي ميهمني
بالنسبه الي سعره مناسبشمرت نفسي على سرير وغطيت راسي بالبطانيه اغصب نفسي على نوم
لفت انتباهي كلمات عهد هي وتحجي منفعله بصوت ناصي
_ حبيبي لاتزعل مني مو شغله ما اثق بيك لو على حجيك وما اثق جان ما دزيت الك صوري
استحي ادزلك صورتي بدون حجاب
هسه انت مو عندك صورتي لابسه حجاب دزيتها الك قبل فتره
أنت تقرأ
الـكارمـا
Mystery / Thrillerوَدُون أن أَدرِي ، كُنْت أَهوَى بِـ كلمَتي لِنَفس اَلموْضِع اَلذِي هوى إِلَيه إِبْليس حِين رأى أَنَّـه خَيْر مِن آدم . لا احـلل اخذ الروايـه ونشرهـا وغيـر مبـري الذمـه ...