"Lut ila kan ngaihtuah vek che ania", tiin ka kut chu ka kaih theih tur in min rawn pe a kai ta mai lo chuan "He lai pangpar huan ah hian hmanah chuan ka nu nen kan kal thina, pangpar tui kan pe dun fo thin he pangpar huan hi ka tan chuan ka nu ka hnaih theihna awm chhun ani tawh thil dang zawng chu ka pain a hal ral vek tawh" ka ti a Zorina chuan ka thusawi chu ngawi reng hian a ngaithla
"Ka pa in he pangpar huan hi a roh lutuk he huan enkawl tu bik hi anei a ka pa hian a theihngilh ngai lo che ahmangaih lutuk che", atih chuan "a nupui thi tawh tana atih ve reng tur anih chu kha leh chen alo enkawl tawhna ah ka ngaihsak ang", tiin ka tho thar, Zorina pawh nghak lo chuan ka kal hmasa a ka hnungah min rawn zui ve tih apen thawm atangin ka hre thei.
In chhungah chuan kan in zui lut a sitting roomah chuan an lo thu thap a, min hmuh rualin "bawihi itha em kan ngaihtuah lutuk che a, ipa pawh in angaihtuah lutuk che engmah pawh ala ei lo chaw ei ka lo siam ang che u aw", Nu hruaii chuan atia.
Ka pa chu ka en a ameng khup lup a, ahmel atang hian dam lo te pawh a ang. A fanu ka nih na ang in ngaihsak hi ka tih tur anih laiin harsa ka ti tlat ang lawi a, he tia ka tih hian ka nu phuba ka lak sak ang ah ka in ngai a dem ka hlawh hle bawk
"Ka ril atam lo, chuan ka puitling tawh keimah in ka in ngaihtuah thei", tiin ka room lamah ka chhoh san a, ka room ka thlen hma chuan Zorina chuan min rawn kal pelin ka hma ah tak arawn ding a, min chhuk melh run a, zam lo ang taka langin keiin ka melh chho ran thung.
"Kha kha nangmah lo ngaihtuah tu nangmah hmangaih tu te i chhan dan tur ani em ni. Chaw ei kha thil harsa pawh ani em ni", atih chuan chhang lo a ka room a luh san mai ka tum a mahse ka kalna tur takah chuan ading zel a chu chuan ka thin tertek akai tho "awm sawn rawh", rum deuh a melh chung hian ka tia ngaipawimawh lo zet hian "i nungchang hi keimah hian ka siam tha tawh ang", a rawn tih chuan thinrim zet hian ka en a
"I zam lo ve at at hle mai i thu lo ber awm ang chu. Ka nungchang hi ka duh lutuk pialral ka thlen pui tur nungchang anih hi. I duh leh babe no zet zet a ti thin i bialnu nungchang kha va siam tha rawh", tih pahin a ngalah chuan ka chhuih a ain ring lo bawk nen a ke chu akhai kang zawk a chu mi rem chang chu lain roomah chuan ka lut zui thuai a.
Nikhat lek pawh rilru thawveng deuha awm ni ka nei lo, rilru ipik leh tawt reng reng in kawm a, fate tan in chhung hi vanram an ti thina ka tan chuan hremhmun te nau ani mai.
College ka pu phal lo chung ka kal tan leh tawh a, khami ni ka pa ka tawngkhum atang khan kan chhungkaw boruak chu arit leh zual in ka hria, ka pa nen kan in be ngai lo a, in be tur pawhin ka in hmu ngai lo hna akal hnuah te ka chhuah loh leh hma deuhah ka chhuak thin. Nu hruaii'n ka that leh that loh min hmuh chang apiangin min zawt thin a, bung deuh deuhin ka that thu ka sawi mai zel. Sentei nen chuan kan in kar ala ngai reng a college ah pawh Lawmsangi, Sentei leh keimah kan in zui chawt ber a,Malsawma'n a changin min zawm thin ka pa ka tawngkhum dan kha Sentei hian ahriat vek a vangin ka lak ah a in thlahrung em em a, in thlarung lo tur leh ka pa huat avanga sawi mai mai ka nih thu ka hrilh tawp anih kha
Steptember tha tir kan chuang kai tawh a, vawni hian ka ban tum na phelh turin damdawiin ah Ka pu in min kal pui a, doctor kan nghak mek. Rei lo teah doctor chu alo thleng a ka ban an tuamna chu aphelh nghal zung zung a ati ti siam siam bawk. Aphelh zawh chuan "adam that tawh hmel viau mai ngaihthat nan X-ray zu ti leh ula Casualty ah in lo kal pui dawn nia vawin chu casualty a ka duty ni ania", atia ka pu nen chuan X-ray na room lam chu kan pan a
Mi nghak an lo awm ve nual a, nghah phahin ka phone chu ka khawih a, WhatsApp ah chuan ka lut a ka ni massage chu ka open a "ipa in a ngaihtuah lutuk che a, han zin rawh u min tia, i thian te kan lo zin an chak ve sia, October thla ah kan lo zin dawn anih hmel. Lo tuar fan fan la kan rualin i haw ve dawn nia", ka nu ang mai a ka en hnen atanga ngaihsak thu ka dawn chiah chuan ka mittui parawl pam a ka pu hmuh hlau takin ka hru fai vat a ka ni te an lo kal dawn chuan ka mal tawh biklo ang chu.
ΔΙΑΒΑΖΕΙΣ
I Love My Step Brother
Μικρού Μήκους"Ihre lo ami ka duh che ka tih chu, Zorinpui i beng a ngawng em ni? Ka duh che ka tih chu", ka theihpa tawp a ring chuan ka ti a, ka hma a mipa ding mipa a zawng a ka duh ber mai sang tha tak leh zaidam ber mit mengah chu ka chhiar thiam lo. Min ten...
