Nizan zan khua in zorina vangin ka mu hil thei lo dar 6 arik in ka muhil ve chauh a dar 8 ah Senteiin min lo kai tho a kan first period kan nan hman tawh dawn loh avang leh class dawt leh chu dar 11 ah daih anih vangin millenium ah kan kal kawi a tum loh deuh in t-shirt senteiin alei ka duh zawng ka hmuh loh vangin ka lei ve lo thung. Ka pum ri kal rawih rawih chu ka hup vat "va in ei puar hamsa ila", sentei chuan ati chiah reng a "imm ka pumah hian buh mal fangkhat a awm a chu chu rulhut hian ain chuh luih luih mai an in kawp kim turin ei teuh ang", ka tih chuan dawr nghak tu nu chuan mak tih hmel deuh in min en "puar peng pawng in va ei ang aw", nuih sen sen phah hian sentei chuan atia. Ka tawngkam thenkhat hi chu min dil lo in ahawh ve thin
"Khawiah nge kan kal dawn saw lai saw ei tur a awm saw", tiin kan piah a restaurant lo awm chu ka kawk a "mi an vei hut huta i ei theih ka ring lo a", atih chuan "ka ei thei vek ka pum akhur ka ril atam tawh", tiin kan piah a restaurant ah chuan ka pawt phei a "he lamah lo thu rawh u", an tih vangin an kawhna lam ah chuan kan thu a "ei tam vak suh aw hmun dangah ka hruai ang che", Sentein atih "awle" ka ti ve mai a.
Steam momo leh chow ka chah a sentein chuan momo chauh a chah thung rei nghah ngailo in kan thil chah chu alo thlenga ka riltam tawh em vangin ka ei zui nghal mawlh mawlh "ei thuai thuai teh", senteiin arawn tih chuan hriat thiam loh hmel zet in chow thial tawt tawt chung hian ka en a
"U remremi leh mipa khat in zui ka hmu", atih leh phei chuan ka thil ei lai chu ka tawp hmak. "khawiah nge i hmuh", ka tih chuan "kan piah ah sawn nia escalator ah sawn an chhuk", atih chuan ka ding hluia "kal ang", tih pahin momo pa hnih chu ka hmawm a "ehe i ka ah aleng ami ei zo phawt la", atih chuan lu ka thing a zai zir in kal ang ka ti a ei man chu kan pe a Remremi te kalna lam atih ah chuan kan kal ve nghal. Ka hawi kual a hmuh tur erawh an awm lo "hrep tak hian", tiin ka phun chhuak hluk a Sentei chu ka bul a lo kal in "lo kal rawh ka hmu", tiin min kai dawr dawr a kawngpui kan kan a footpath ah tlem kan chhuk hnu in step kawm kil ve deuhah min chho pui a rei chho ngailo "enge in ei ve duh ang le", counter lo nghak tu nu thau ve lam pang fel hmel deuh hian atia kan awmna chu restaurant ani tih ka hre chawp chilh ve nghal an dawr awmna hi abiru in an in hralh thei dawn emaw ni ka tih laiin "mushroom soup pa 2 leh lasi no 2", senteiin atih chuan arilrua lang lang asawi enawni ka ti hial "in chhungah thutna ala awm em", a tih zawm zat a "aw awm e dindin bawihi te pahnih hi in chungah han hruai rawh", ati lang langa customer tih dan athiam in tawngkham tha aui lo ka ti mai.
In chung lamah chuan kan in zui chho a, kan chhuah rual chiah chuan thifim in min rawn chhem nghal "he tah hian thu ru aw", tiin thlang lam pang thut naah chuan kan thu a "saw lai saw", tiin sentei chuan amit mei in kan sir chu a melh a ka hawi phei ve vat Remremi chu min hnung chhawn zawngin a thu a dawhkan a akut dah chhuah chu amipa kal pui chuan a vawnsak ran bawk.
Ka phone phawrhin aruk thei ang ber in an thla ka lak sak a an thusawi hre phah lo mahila an pahnih sawn an in haw lo tih a chiang reng. Kan thil chah chu an rawn dah a mushroom hi ka ngaina lo Sentei lah chuan a chah vek tawh si a tui ti takin a ei pak pak a keiin lasi in pahin Remremi te chu ka melh leh zeuh zeuh thin "soup kha hawp ve ta che Lasi ringawt i in chuan i luak a chhuak ang", a soup hawp lai chawl meuh chuan a tia.
"Ei rawh nangman nichin khan ka ei teuh hman alawm", ka tih pawhin ei tura min tih luih tlat vang in hreh deuh chung in tlem chu ka hawp a "ka duh tawk", ka tih chuan "i ngaina vak lo ani maw ka hman hmawh lutukin an menu tar a ka hmuh hmasak ka sawi ve tawp a", in thlahrung hmel deuh chuan atia. "Aho lutuk ka ei teuh tawh kha", ka tih rual chuan Remremi te chu an rawn kal pheia min hmuh hlau tak in kun chal chung hian soup chu fian chuan ka chawk kual a min hmu lo aniang min kal pel rual chuan ka thaw chhuak hawk mai
"Remremi kha phone teh khawiah nge i awm ti la", ka tih chuan a phone chu a phawrh a a call zui a a ngaihthlak vang vang hnu ah "ala duh lo", atia. Kan piah lam ah chuan ka kal puia kawngpui leh millenium center chu chiang zet hian a lang a "call leh teh khu lai khu an awm", tih pahin ka phone ken lai chuan vedio in Remremi te in kai chunga kawng an cross lai chu ka la a ka zoom bawk "a la duh chuang lo", thinrim hmel zet hian sentei chuan ati a "atawp nan call leh teh alak duh loh chuan ti tawh lo mai rawh", ka ti a Remremi chuan atawp tawp ah chuan ala ve ta tih hriat takin "u remrem i buai em", sentei chuan atia lehlam atanga a chhan letna ka hriat ve theih loh vangin Remremi te che tla chu vedio in ka la reng thung "in college bul lawk ah ka awm a ilo hman tak mial in ka tia mahse office ah in buai bawk si chuan ka ti buai lo mai ang che", atia ka lo ner sui sawk mai "ni dang ah ani mai", tiin sentei chuan phone chu adah a
ESTÁS LEYENDO
I Love My Step Brother
Historia Corta"Ihre lo ami ka duh che ka tih chu, Zorinpui i beng a ngawng em ni? Ka duh che ka tih chu", ka theihpa tawp a ring chuan ka ti a, ka hma a mipa ding mipa a zawng a ka duh ber mai sang tha tak leh zaidam ber mit mengah chu ka chhiar thiam lo. Min ten...
