"Tunah khan eng chiah nge i sawi i hria em i harh fim meuh amaw", chang fak chuan atia min en run bawk. "Heng tiang ang reng a harh fim hi ka la nei ngai lo", ka tih chuan mit khat miah loh hian min en a mahse ahma a min ngaihsak na mit meng erawh abo hmak thung. "I harh fim hunah i lo haw dawn nia", ti nghut in a in her a "i beng a ngawng em ni, ka duh che ka tih chu Zorinpui ka duh che ka tih chu", ka theihpa tawp a ring chuan ka ti a, Zorinpuia kal tur pawh rawn hawi letin "û nau kan ni chu chu hrethiam ta che", a ti nghut dawhtheihna atla chham tawh hle ani tih atawng ka chhuak atang pawh in ahriat theih
"Thisen in zawmna pakhat mah kan nei lo û nau kan ni lo", ka tih chuan arum nghut a athawchhuak hak bawk "Hrep tak che hian ithuak ah khan enge i ngaihtuah thin ni", thinrim zet hian atia. "Ka thluak hian hna chu tha tak a atawh vang alawm ka duh che", ka tih chuan "ka duh ve lo che engtik ah mah ka duh ngai lo ang che chu chu i hrethiam em", seh chilh rak a tih chuan ka rilru ati ana "Remruati chauh hi em ni i duh a i hmangaih", ka tih chuan a ngawi reng a chhanna min pek tum pawhin alang lo "nangmah phatsan tu che chu ila thlang tho a maw mimawl pa" vin zet a ka tih chuan "i leili hriam tak kha veng tha rawh", a ti hmuk a ruah asur nasa bawk nen ka mittui tla pawh chu ahmuh theih ka ring lo ruah ka do miau a.
"Min hnaih suh ka tih lai khan min hlat tur a ka hrilh lai che khan ti nge min hnaih luih ni. Ka thinlung hi ka veng seng bik lo Robot ka ni lo a lung atanga siam ka ni bik lo", ka tih chuan Zorina mit meng chu ka chhiar thiam lo min tena te min huatna te a lang chhuak zut zut ni ber hian ka hria in her ngut in min kal san a ruah sur kar atang chuan a kal liam thleng chu ka thlir a ka nu thlan bul ah chuan thingthi in rawl chhuah meuh chuan ka tap a mahni in khawngaihna te chuan ka khat ni ber. Tu ma duh ve loh hnawl nih reng bik nun hi a hreawm in ka kham tak zet ruah sur ban thleng chuan ka nu thlan bulah chuan ka awm reng a vawtin min tham er er bawk zawi muanga tho chhuak in ka nu thlan chu ka thir vang vang a "nu awm vela chuan thinlungna tawrh dan azia awm deuh tur", tiin ka phun chhuak sepa thawk la vang vang in ka thaw chhuak leh hak a "mangtha phawt aw ka lo kal leh ang", tiin ka nu chu ka mang tha a, khua athim chhah in current a awm lo nge Street light awm ve te chu an thim thap zawi muangin ka chho hnak hnak a kawngpui ka thlen chho rual deuh thaw chuan current a awm ani ngei ang chu lai hmun vela ain awm te chu a rawn eng sap sap hlawm a ka bike dahna lam pan in ka ti nunga ka vawt ti chu ka khur beuh beuh bawk durtlang ahaw ka tum lo a ka puin in min lei sak lam chu ka pan a hmangaihna ka dawn ve theih lohna hmun a awm reng chu ka tan natna ti tam tu mai ani.
Zorina pov.
Ka hna bang in ka thlen chuan dar 7 a ri tawh a ka roomah chho in ka in bual nghal a, vawin chu emergency a dam lo admit an tam vangin kan buai azual deuh a ni dang aiin ka haw tlai daih. Chaw ei tur a ka chhuak thlak chuan dawhkan an lo kil thap tawh a, Tei hmel hmuh tur a awm ve lo thung ruah sur lah chu atam phian leh nghal a "khawihah nge Tei", ka tih chuan ala haw loh thu an sawi a "i pu te inah chaw a ei anga a riak nghal dawn anih ka ring", ka pa chuan atia chaw chu kan ei zui ve nghal.
"Ka pa chuan a rawn phone miah lo che ami ni dangah chaw a ei dawn chuan a hrilh ziah che kha", a chaw bar tulh meuh a ka pa melh ran chung in ka nu chuan a ti a "phone miah lo" ka pa chuan a ti ban charh mai. Ka pa hian Tei hi a hmangaih tih ka hria mahse lan chhuah tir dan a thiam lo mai zawk ani kum tam tak a awm bo a nungchang maksak tak nen alo let leh a ka pa tan chuan tih vak ngiahna awm lo ani.
Chaw ka ei kham chuan sitting room ah ka thu a, kapa pawh ka ep chiah ah a thu ve ran tun hnai ka mu tlem in Remremi nen kan boruak atha lo a abialpa hlui alo hmu kual vel nen kan buai deuh hrep a chiang taka ka man hnuah ka then fel thlap min zar buai erawh asim chuang lo kan in ah te hian ala rawn kal ngam hi mak ka ti zawk ka mitmei tha pawh ahmu lo a, kan in then tih ka chhungte ka la hrilh lo bawk. Remremi nen hian vawikhat chiah sex kan hmang a, a virgin hawngtu erawh ka ni lo kha ti chung khan pawi tihna ka nei lo a ka duh in ka hmangaih em em tho mihring te chuan tlin lohna leh fel lohna kan nei vek a felfamkim kan awm lo bawk. Alakah ka thikthu achhiat ang bawkin ka lakah pawh athikthu achhia a mahse tunah chuan atawp vek tawh in phatsana hi ka thil huat ber ani.
YOU ARE READING
I Love My Step Brother
Short Story"Ihre lo ami ka duh che ka tih chu, Zorinpui i beng a ngawng em ni? Ka duh che ka tih chu", ka theihpa tawp a ring chuan ka ti a, ka hma a mipa ding mipa a zawng a ka duh ber mai sang tha tak leh zaidam ber mit mengah chu ka chhiar thiam lo. Min ten...
