سداد وبنت العرب

إيضاح

إيضاح
مساء الحب والعافية عليكم حبيباتي

أولآ/  نزلت هذا الايضاح يعني بس أريد أعرف شنو معناها بعدني هستوني بديت انزل بالقصه وبدت رحمة الله ليش تگولين منغولين على المتلازمة الداون حبيبتي الشعب العراقي كلهم يگولون على  المتلازمه الداون منغولين يعني من نزلت القصة الزهيريه صارت تتنمر عليهم وتفاجئتوا بهذا المسمى واني يمكن ألف مره گلت اني من أطرح قصه لا اتنمر على شخص او فئة  لهذا لا تالفون من يمكم

ثانيًا/ أكو القاب اگولها على نزار وزوجته نضال كلهم يسألون هاي شنو هاي الالقاب لقب شارون هو آسم رئيس وزراء اسرائيل سابقًا اما گولده ماهير كذلك چانت رئيسة الوزراء الاسرائيلية لهذا أقل تشبيه لنزار وزوجته

ثالثًا/ اني من گلت البطل كردي وعنصري الا ياخذ كرديه اني ما عممت على الأكراد كلهم اني خصيت البطل واهله وإرجع وأكرر واعيد اني ما انتقد مكون او أهاجم محافظة كل محافظات العراق على راسي من شماله الى جنوبه

ورابعًا وهاي اهم نقطة بالايضاح وهي كل مره أنزل بيها قصه تسالوني حقيقة لو خيال وراح اعيد للمره الإلف اني ما عندي خيال واسع حتى اگعد انسج قصه من خيالي لان عندي دوام وما گاعده أي قصه أطرحها حقيقية ورجاءً إلي تعلق خلي تعليقچ لو نصيحه لو كلام لطيف ماكو داعي للفشار لهذا ياريت الي ما يعجبها طرح قصصي تلغي متابعتي والله وياها

تحية لكم من القلب الى القلب
اختكم الكاتبة الزهيريه الزهيريه