لعبة القدر (بالدارجة المغربية)

الجزء 2

💖لعبة القدر💖
الجزء 2
حتا أنا محتاجة الفلوس باش نشري لخصني لقراية ولكن بابا مزال مجا مسكين خدام علينا موضف بسيط فلامارين يتكون عندو لاكارد بيليل كامل ينهار كامل😟..أنا صراحة كنفضل لبابا يخدم بنهار باش ينعس ويرتاح بليل ... وخا لمكانش في دار كنتعدب بزاف 🥺 ولكن راحة بابا هي الأولة ...والمصروف لعطاه ليا خدات منو ماما كتقول ليا عونيني فخوتك ...دكشي لبقا ميقدني نشري حتا دفتر دبا اشنو غندير ياربي باش نشري الكتوبة وحتا الحوايج ديالي كاملين تشركو وبقا عندي صباط واحد حتا هو تحك 😓ولكن ماما كتشري كلشي لختي سلمى وانا لا وخا كطلب منها ولا مكطلبش كتعاملها مزيان وأنا لا ياربي بعد المرات كتجبني الغيرة منها ولكن كنقول أعود بالله من الشيطان الرجيم مهما كان هديك أمي وأختي ضروري مغدي تهلا فيها وحتا خويا صغير ولكن مغيبقاش ليا الفلوس أنا ديما كنت كندير حجج نقنع راسي .. نرجعو  لسلمى بنت زوينة بزاف ومكملة بالمكياج كدير غير  الغالي الواعر كتعطيا الأم فلوس كتيرة كتشري الحوايج ماركات غاليين وسبابط الواعرين والريحات بالمقارنة مع ياسمين مدقولوش خارجين من نفس الدار عندهم نفس الوالدين...مهم ياسمين مسكينة كتخرج قبل موعد الدخول لقرايتها بنص ساعه حيت مدرسة بعيدة شوية على دار ولكن مكتمشيش هي وختها سلمى حيت الأم منعا سلمى تمشي على رجليها قالت كتخاف عليها من شفارة وشماكرية ديال صباح وياسمين مسكينة 🥺 تمشي بصباح وليل كتقول الأم نتي كبيرة قادة براسك ولكن ربي حميها غير من أفعالها زوينة ..كل صباح كدي الحليب لواحد القطيطة فدريبة عندهم فسطح للعمارة لساكنة فيها دايرة ليها كرطونة ومفرشاها ليها حاطة بونجا ومانطة صغيرة وكتبقى توكلها هي وليداتها ...  صراحة القطط كعجبوني بزاف هما أصدقائي الأعزاء كاين لولو هي الأم وإيسكوبار الأب وعندهم وليدات صغار كنربيهم ولاجات عائلة تديهم بشرط غير تهلا فيهم متعطيني لا فلوس لا والو غتجيكم غريبة ولكن هد القطط هما لكنشكي ليهم همي ونجي عندهم كل نهار كنبكي عليهم ولكنت فرحانة كنفرح معاهم حيت الأب ديالي أغلبية الوقت مشغول وماما كندوي معاها غير بالوقت مكتخلنيش نبقى معاها أغلبية الوقت كيبقاو هي وختي سلمى مجمعين يخرجو مجوج يمشيو الحمام لسوق مجموعين في الويكاند كتديها فين مبغات  صراحة كيبقى فيا الحال وكنقول علاش ماما عازلاني عليهم هي وختي اما خويا مزال صغير مفاهم والو