لعبة القدر (بالدارجة المغربية)

جزء 10

💖 لعبة القدر 💖
الجزء 10
لولدي يونس لقبلتو بينا مكرهناش نبقاو ديما عائلة وحدة ".. سلمى فرحات قالت أنا وياسمين تصدمات وحدرت راسها
لالة فاطمة "أجي ياسمين حدايا "مشات وهي كترعد "بغيت ياسمين لولدي لقبلت بينا ...تصدمت صدمة حياتي حيت ميمكنش ياك عندو حبيبتو ..صدمة الأكبر ناضت سلمى كتبكي كتقول ميمكنش انا حسن منها وخرجت... الأم بعصبية بغات ضرب ياسمين حبسها سي حسن ويونس "ميمكنش نتوما خصكم تخطبو بنتي أنا سلمى هي لزوينة هد المصيبة ديما واقفة فسعدنا ".. ياسمين كتبكي ماما شنو كتقولي وأنا ماشي بنتك ...
خديجة "لا نتي ماشي بنتي هادي هي الحقيقة  نتي مصيبة فحياتي من نهار بدتي تكبري ونتي سبابي خلافاتي مع راجلي ودبا حتا بنتي ضاع ليها حلمها بسبابك كنكرهك فوق متصوري ندمت على نهار لقبلت نربيك "..
ياسمين كتبكي 😭"لا ماما متقوليش هكا أنا كنبغيكم بزاف نتي وختي مديريش معايا هكا "
خديجة "واش مكتفهميش انا ماشي مك ومعمري بغيتك فحياتي مك ماتت فهمتي "..سي حسن شدها من يديها وخرجها لبيت وسد عليها ..لالة فاطمة بقات مصدومة ويونس بقات فيه ياسمين بزاف بغا يعنقها ويواسيها مقدش قدام باها تحكم فراسو بزز ..لالة فاطمة بعد مفاقت من صدمة "أجي بنتي وعنقتها متبكيش غتكون ماماك مقلقة شوية دبا تبرد وترجعو تصالحو ..جا سي حسن سيادنا سمحو لينا بزاف على هاد شي ..لالة فاطمة نخليوكم دبا مرة اخرى ونرجعو يونس خارج وعينيه غير على ياسمين غير خرجو جا عندها باها عاود ليها كلشي عطاها صورة مها الحقيقية وعينيه عامرين دموع "هدي هي ماماك حب حياتي كنت كنبغيها بزاف ولكن غير ولداتك ماتت كانت كتحلم وقتاش تشوف وجهك ولكن مكتابش ليها جيتي كتشبهي ليها بزاف وانا تزوجت مرة اخرى باش لقا المرا لتربيك أحسن تربية ولكن غلطت ابنتي حيت مقلتش ليك حقيقة من لول سمحي ليا "ياسمين غير كتبكي قالت "بابا تخنقت بغيت نخرج" "سري ابنتي كنتيق فيك ولكن متخلايش عليا راني نموت بلا بيك "...يونس مشا لدار وهز تيلي كيصوني ليها والو مجاوبتش طلع سطح باش يرتاح وينسى الصدمة لقا ياسمين كالسة حدا القطط وكتبكي معنقاهم كتعاود وتبكي"علاش كيوقع ليا هدشي كنت كنبغي ختي وماما لكانت ديما كضربني وتعايرني هدا هو سباب علاش كانت مفرقة بيني وبين خوتي "..يونس شافها مقدش يصبر قال ياسمين ومشا كلس حداها على الأرض عنقها وحتا هي دورت يديها عليه وبقات كتبكي وهو كيبوس راسها ويمسح دموعها