لعبة القدر (بالدارجة المغربية)

جزء 8

💖 لعبة القدر 💖
الجزء 8
يونس "مكهمنيش بغيت نطلب منك السماحة على البارح "..ياسمين "مسامحاك هانية موقع حتا مشكل "..يونس "بصح من قلبك أنا ندمت حيت صرفتي فينا غير الخير "..ياسمين "اشمن خير بالعكس انا لفرحت حيت تعرفت عليكم ولبغيتي شي حاجة مرحبا".يونس "بغيت ناكل من يديك أي حاجة طيبيها وجيبي ليا شوية عجبني طيابك وعييت من ماكلة الزنقة  "...ياسمين" مرحبا بكل فرح"...مشات طيبت العشا وجابت ليه حقو شكرها وقال لها يبقاو أصدقاء ديما ..فرحت فخاطرها وقبلات ..
نرجعو عند الحاجة فاطمة لحمقتها ياسمين عجباتها بزاف وصلت لدارها تلاقات راجلها وعاودت ليه كلشي وقالت ليه "تمنيت ديك البنت لولدي ولكن مغديش يوافق راسو قاصح غندير واحد الخطة على الأقل غير يمشي يخطبها "..الأب "لا افاطمة خصو هو ليختار

الأب "خصو هو ليختار"... فاطمة"ومالي انا نبزز عليه ندوزو فترة الخطوبة لمعجباتوش بلاش وأنا وياك شكون جمعنا من غير ماماك الله يرحمها يارب ودابا غتعاوني ولالا "..
الأب "وخا لالة واش نقد نرفض ليك شي طلب انا نتي حياتي اشنو ندير دبا"..    فاطمة قالت ليه على الفكرة ديالها ..سي حمد راجلها بقا كيضحك وخا لالة
ويونس مزال كيفكر فياسمين وضرافتها برائتها ورزانتها مكتحيدش من بالو كيفاش البنات كتلهفو عليا باش يدويو معايا ولا تكون شي حاجة بيناتنا وهي لا العجب ..ولكن صراحة زوينة بزاف يونس دير عقلك نتا أصلا مواعد سمية وكتبغيها خصني نحيدها من بالي
ياسمين تاهي بقات كتفكر فيه ولكن كتقول هو عندو حبيبتو حنا مجرد أصدقاء ميمكنش يكون معجب بيا وحتا انا ماشي من حقي نفكر فيه . أما سلمى جاب لها تمام ولات كتسطى على يونس ولكن هو معارفهاش واش كاينة ..
في الصباح كيف العادة يونس خرج يتسنى ياسمين باش يصبح على وجهها ويشم ريحتها لكتحمقو  عاد يمشي الخدمة ..خرجت سلمى قبل "صباح الخير البارح صيفطت ليك مكتجاوبش "
يونس "مشغول مع الخدمة سمحي ليا ".. سلمى"ماشي مشكل ",..يونس بحال باغي يجري عليها باش يتلقا بياسمين بحدو "سيري دبا تعطلي على دراستك "...سلمى مقلقة "وخا بسلامة "..شوية وهي تبان ليه ملاكو خارجة سابقاها ريحتها لكترد فيه الروح .. ياسمين"سلمى سلمى تسناي نمشيو بزوج مسمعتهاش صباح الخير يونس لباس "...يونس "لباس الحمدلله ملك شنو بغيتي سلمى"
ياسمين "بغيت نمشي معاها ساعة يمكن غتقبط طاكسي بحال ديما وغنمشي بحدي بسلامة خفت نتعطل ".. يونس"وخا سيري
بقا متبعها بلوطو حتا شاف واحد.وقفها "الزين منتعارفوش عطيني نمرة "وهي غير غادة وساكتة ..حتا معرفت منين جات يد وقبطت ليه فعنقو "أخر مرة دور بساحتها فهمتي غبر ".دارت ياسمين لقاتو يونس حشمت هو شافها هكاك قاليها هدي هي طريقي دوزي نوصلك ياسمين"لا بلا منعدبك ".قلت ليك دوزي بلا متزيدي معيا الهضرة ركبها وصلها .. تما غادي وكيفكر ي البراءة ديلها حتا شوي كيصوني ليه تيلي "الو بابا كيدير لبولدي ماماك جاتها كريز ديال سكر ووالو بغات تشوفك