أمرأة بلا قيود

الـبـــــــــــــارت 3

فضلاً يرجى التصويت على بارتات القصة 🥰🤎+ ترك تعليقاتكم على فقرات القصة ... 🤎

بعد وفاة والدي .....
كلنا بحالة صدمة !
طيب شلون بوقت قصير خسرنا أمي وابوية ..
اباوع على اخواني يبجون مامصدكين ..
بيبي ادهورت صحتها كان هذا الخبر صعب عليها وصعب تتقبلة ..خسارة اولادها اثنين بفترة وجيزة .

الان وبعد وفاة والدي انتلقنا للمرحلة الاصعب من حياتنا .
رسمياً اصبحنا 4 ايتام تحت ايد زينة وظلمها وجورها ..

بيبي اعتمدت عليها بكلشي ..
صارت مسؤولة علينا وكلشي تسوي بينا محد اله حق يكول ليش او يعترض !
زينة صارت الكل بالكل بالبيت وكلامها يتنفذ بالحرف الواحد
بس للأسف زينة تسلطت علينا بظلم ما راعت امامها ايتام لا حول ولا قوة ! بالعكس قست علينا بكل ما تكدر ... بحجة (( انتن بنات شلون اعوفجن غير تصيرن دايحات وكحا. ب بالشوراع ))

بعد ما خلصت السبعة ..
وكل المعزين رجعوا لبيوتهم
بقيت مصدمة جنت اضحك ! ما معقولة ! شنو أخسر امي وابوية بوقت واحد ...
جنت من اشوف النسوان بالفاتحة يصرخن ويبجن ! احط ايدي على أذني مااريد اسمع شي مليت من الصراخ والدم ! شنو ذنبي حتى تكون حياتي بهاي القباحة .. تمنيت ولو بأستطاعتي انهزم منهم مااريد هاي تكون حياتي اريد اعيش مثل كل البنات داخل أسرة تحتضنهن وام حنونة واب طيب !
طيب ما شفت هيج اهل بس ليش ماتوا ! ميخالف كانوا ظلام وماسمعت منهم كلمة طيبة طول حياتهم وياية بس وجودهم فوك راسنا افضل من ان نبقى تحت ايد زينة ....

بيوم السبعة طلعوا كل النسوان ..
بقينا احنه وبيبي .. بيبي جانت تبجي وتنعي طول الوقت ..
احنة نكعد يمها كلنا
دخلت زينة عصبية وعيونها تريد تطلع !
حطت موبايلها بصدرها وكالت ::-

كافي تبجون يله كومن المطبخ مكلوب على راسنا

أخواتي بسرعه كاموا من مكانهم ..
شافتني ما كمت اجتي علية جرتني من ايدي حيل ..

_ مو اكلج كومي نظفي شنو حضرتج خدم جوة ايدج

_لاا بس تعبانة والله رجلي توجعني

_وعساها بالبتر هم ! يله كومي ماكو دلال يمي يله شوفي شغلج لا اطيح حظج ..

بلشت الم الاستقبال ..
اخواتي كل وحدة بيهم على شغلة
حتى امل عمرها ثمان سنوات ! وهي أصغر وحدة بينا جانت تشتغل لان زينة ما تقبل بحجة !(( تتعلم من هسه وتصير سباعية خما تصير جايفة مثلجن ))

_ثاني يوم كعدت الصبح على صوت صراخ قوي وبجي ..اسمع امل تبجي بقوة ..
كمت من فراشي وشفت زينة تضرب بيها حيل بالصوندة لان امل ماتريد تروح للمدرسة ...

__ليش تضربيها عوفيها

__ولج شنو تعلميني شسوي وتدخلين بيه ! اني اعلمج
عافت امل واجتي شايلة النعال بأيدها تضرب بية على وجهي