أمرأة بلا قيود

الـبـــــــــــــارت 11

دخلت المرة كلش عصبية
دفعتني حيل للكاع واجتي صارت فوكاية
لزمتني من راسي حيل وتجر بشعري ..
تصرخ بوجهي ..

___ ولج كلبة ... كحب.ة .. ساقطة تضحكين على ابني مو ..

(( فتحت عيني انصدمت هاي ام وسيم ...عزة اكيد راح يموتوني ...))

__ خليتي يتزوجج مو ! ولج كح بة شمدرينا من يا خيسة جاية ... كعدج ابيت ضحكتي علية مو ولج ...واللة اليوم محد يخلصج من ايدي ....ياريت تسوين لج لنعال وسيم ماتجين ...اكطعج بأيدي وصلة وصلة شسوي بيج ولج شسوي بيج جاوبيني ..((( اني جنت بس ابجي .. مستحيل اكدر ادافع عن نفسي ..اشوفها هي كلش قوية وصلفة مااكدر عليها ... ))

___ والله مااسكتلج .. شلون ابرد كلبي ..شلوت اخلي جم كو.اد يني....ا ويذبها بالجول .... اكيد مكيفة بوسيم مو ..! اكيد مامصدكة وين لاكيه هيج بيت وخير ورجال يسوة راسج .. (( سحبتني من ايدي سحل ودخلتني للبيت .. كل هذا هي تغلط وتفشر عليها ماسكتت ابد ..جانت صلفة وتتجاوز حتى على زوجها ... دخل ورانة للاستقبال وسد الباب . هي ضرب راسي بالحايط وباوعت على زوجها ..))

__ خابرة لابنك .... يلة خابرة يجي يشوف حل... هسه يطلكها... بسرعه خابرة يجي ... ممنوع هاي الزركة تبقى على ذمتة ...

(( ابو وسيم كان لابس قاط ... مد ايدة بجيب سترتة وطلع موبابلة ..اتصل على وسيم ... رد عليهم بسرعة ...صوت الجهاز كلش عالي كدرت اسمع كل المكالمة ...

__ ها يابة اني طالع لبغداد (( ام وسيم اخذت الموبايل بسرعه من ايد زوجها ...))

___ لك وين رايح شعندك لبغداد من عرفنا بيك متزوج هاي المزبلة طفرت مو ! تجي يعني تجي

__مااجي يمة والله مااجي اني راجع راجع لحد يكلي تعال

__ ولك وين راجع ! تجي تفض هاي المهزلة ! صير رجال ولك وتعال حل هاي المضرطة ..

__من بغداد راح ارجع لالمانيا مااجي يمة ماارجع والله ..

___ وهاي السودة القذرة شنو مصيرها تجي اطلكها وروح سافر !

__ خلوها يمكم يمة وديروا بالكم عليها اني ماارجع بعد ((سد الخط ...))

((معناها وسيم هم اتخلى عني ... اختار يهرب للديار البعيدة على ان يعلن زواجنا ... مااستغربت اني اعرف وسيم كلش زين .. يفكر بنفسة ومصلحتة ... اعرف بأي لحظة يتخلى عني ... المشكلة مو هروبة وسفرة ..! خبر عادي لمسامعي ! مااهتميت ولا بمقدار ذرة ! بس تلمست بطني بهاي اللحظة ! طيب شنو ذنب هذا الطفل ... شنو مصيرة ! ايي مستقبلة مجهول .... اب سافر وتخلى عنة ! ام مثلي ماعدها حائط تسند نفسها علية بهاي الحياة ! عيال مجرمين واضح من اولها الام ماتفرق عن عمو حازم وزوجتة ! ياربي ساعدني ... تعبت ..هالمرة ماراح اكدر اقاوم ... هالمرة راح استسلم ...كل تحركاتي مقيدة ومحدودة ! وياية طفل ! روح ! مو وحدي ......))