أمرأة بلا قيود

الـبـــــــــــــارت 10

.....

وسيم ... انتي مفتوحة ومو بنية ؟؟

رحمة .... ايي

وسيم ....صدك تحجين ؟؟ ويامن نمتي قبلي

رحمة .... هسه احجيلك

وسيم .... شتحجين انتي !!!

رحمة .... اني تعرضت للأغتصاب من كنت طفلة

وسيم .....منو اغتصبج

رحمة ... عمي

وسيم ..... دنجبي لج جذابة ! كح.بة ! تضحكين علية !!!
(( تقرب علية ولزمني من شعري حيل ... يصرخ بوجهي ويجر بشعري ماينطيني مجال احجي ))
لج فوكاها دتجذبين مو ! وين اكو عم يغتصب !

رحمة ...بس عوفني ! لا تجر شعري والله جاي تأذيني ! ...

وسيم .... ساقطة ! ام الولد ! شبعانين بيج قبلي مو ! وصرتي شريفة براسي (( دفعني عالجرباية ... ضليت املخ بشعري وابجي واصرخ ...لدرجة فقدت ماعرف شلون لازم ابرر وادافع عن نفسي ! ماعرف بأي طريقة لازم اثبتلة اني شريفة وبحياتي ما خطأت وسلمت نفسي لرجل ثاني !))

رحمة .... لا تغلط علية اني مامسوية شي والله كل حياتي ماسويت خطأ ماشية عدل ! طول عمري بعيدة عن الحرام ليش تحجي هيج ليششش شنو ذنبي كل مكان اروحلة اتعنف وانظلم !

وسيم .... اشششش كومي وعوفي هاي المسرحية مالتج يلة ...خوش فنانة برافووووووو ! (( ضل يصفق ويضحك مستهزء بية ))
باعي لج ..(( اجة يركض علية وجر اذني حيل وصرخ بوجهي ))
هسه تحجيلي كلشي ... لازم اعرف كلشي فهمتي لو لا !

رحمة .... والله ردت احجيلك ! اكثر من مرة اكلك وسيم لازم احجيلك وانت رافض ... ! انت مانطيتني مجال احجي اني ماضميت شي عنك جنت مستعدة اي وقت تريد احجي كل شي صار وياية الك !

وسيم .... احجي يلة ...ليش مفتوحة ! يلة احجي شجابة عمج عليج وشوكت !

رحمة .... والله احجيلك بس اهدء ..بس انطيني مجال احجي ولا تقاطعني صدكني ماراح اكذب عليك بحرف !

وسيم ....يلة سامعة بالمثل ليكول ! الحك الجذاب لباب الدار ! يلة راح اجي وياج بكل الطرق اريد اسمع قصتج شنو بلكي تكون مقنعة !

رحمة .... وسيم اني بعمر 8 سنوات تعرضت للاغتصاب (( حجيتلة كلشي صار وياية ... كل حياتة السابقة نقلتها لوسيم ماضميت شي ...حتى زواجي وطلاقي من طه كلتله علية ...كملت كلامي وصولاً لهروبي للسليمانية وعملي داخل مطعمهم ....طول مااني احجي وسيم ساكت وعينة بالكاع .. ويهز برجلة متوتر وقلق بشكل مو طبيعي ...كملت كلامي ...عم الصمت بأرجاء الغرفة ..باوعت علية واني خايفة ...هز راسة وضحك تك خد مستهزء ... صفق ايدية ايد بأيد بكل قوة وكام وكف على حيلة ))

وسيم ..... جذابة !!!! واكبر جذابة هم ... كرهتج .. وطلعتي من عيني ... ضميتي علية شي جبير ... شي مااكدر اتقبلة ...