جمعتنا وصية

البارت الخامس:فوضى!

حصه :ش رايكم نسوي سباق
احمد كيف يعني
حصه ننقسم واللي يوصل العزبه اول هو الفايز
حمد :والله ماعرف الشور عندك احمد
راشد:يلا غايته عمي
عبدالله :يلااااا
احمد :يلا عيل بس عادي من اي درب ما في درب محدد
انقسمو حمد وحمد ف دراجه واحمد وعبدالله ف دراجه و مهره وراشد ف دراجه و ميره وحصه فالبقي
حمد :احمد
احمد :هلا
حمد:البنات تمو رواحهم عادي؟
احمد :هي ما عليك بنت جاسم لعباتها هالسوالف
حمد بس عيل
كلهم بصوت واحد:3 2 1
وماتشوفون الا غبااااااار
ميره :حصوووه غربلاتج شوي شوي بتموتينا
حصه :افا وانا بنت جاسم لعبتي البر
طبعا حصه تعرف درب مختصر بس هالدرب كله دراجات واولاد
ميره :حصووه
حصه :شوو
ميره :في بقي فيه ولدين من زمان يلحقونا
حصه :حلفيي،عطيهم اكبر طاااف
وجان تدح بريك زين ما طارو من البقي
حصه :اعمى انته ما تشوف غبي شو اقولك
نزلو اولاد متلثمين
مجهول1:اوف اوف اوف ولسانج طويل
مجهول2:خلهم يا ريال ش تبا بهم
ميره ساكته هي وايد تتوتر فالمواقف
حصه :انا اقول اسمع كلام ربيعك وحرك احسن
مجهول 1:وااي خوفتيني ،اقول انزين الرقم
حصه :انته ايييي ماعندك خوات احشم عمرك نحن ف مكان كله عرب
مجهول 2:قوم خ نروح ابوي مالنا خلق مشاكل
مجهول 1:والله لو انها ما تبا هالشي جان ما يت هالمكان
حصه :انته بتسكت ولا انا اعرف كيف اسكتك
وهو كل شوي يالس يقرب من البقي مالهم
مجهول 1:انزين ليش الحلو زعلان ليش كل هالعصبيه يا حلوه انتي
وشو ما دراجه طيران يايه صوبهم و كان حمد هو ما ركز منو هاييل لان كان مسرع
ميره تصرخ باعلى صوت:حمددددددددددددددد
حمد وقف:ها مو صوت ميروه وتم يتلفت لين ما جاف البقي ماله وع قولتهم ياك الموت يا تارك الصلاة
حمد نزل ووقف مجابل الولد وشو ما يعطيه بوكس ويوم طاحت الغتره هني كانت الصدمه
حصه:منصوووور
حمد:منصور يالحمار وطاح فيه ضرب لين ما حصه صارخت
حصه:بسسسسسسسسسسسسسسس وتمت تصيح
وميره تهديها
منصور:تشوف اللي كنت احبها هاي هي هاي هي بنت خالتي حصه اللي كله تكلم شباب وتعطيهم ويه اتمنى انك عرفتها ع حقيقتها
حصه من كثر القهر اللي فيها راحت وعطته طراق
حصه تزاعج:ش تقول انته ش تخربط منو اللي يكلم هاا
حمد معصب خلاص ما يروم اييود عمره جان يصارخ :حصهههه اركبي يلا ولا كلمه
هني حصه توها ترجع لوعيها و كملت صياح فالبقي
حمد :انت حسابي وياك بعدين وميره خذي الدراجه وتجدمي العزبه ونحن وراج
راحت ميره حمد ركب وهو فل عصبيه
حمد:يودي هالماي و غسلي ويهج وبندخل ولا كانه استوى شي
حصه:انزين ترا مو
حمد قاطعها:ادري يبنت العم ان هو الغلطان ماله داعي تبررين وادري انج ما تكلمينه من فتره ولا بتكلمينه ف لا تحاتين
حصه سكتت
من دخلو العزبه و مزاج حصه متعكر وما تبا تسوي شي
بعد ما الكل نامو كانو يالسين حصه م وميره عند الحطب
ميره :شفيج حصه من ردينا و انتي مو ع بعضج قوليلي ش فيج و منو منصور
حمد كان يتمشى ويدندن جان يشوفهم وراح شوي شوي يبا يخوفهم جان يسمعهم ووقف مكانه يوم حصه رمست
حصه :شوفي يا ميره هالكلام انا ما قلته حق حد ولا كنت افكر اني اقوله لان كانت بتستوي مشاكل فالعائله بس خلاص انا ما اروم اسكت وانا ما بقول الكلام اللي بقوله الا اني اثق فيج
ميره :قولي وانا اوعدج اني ما اقول حق حد
حصه :سلمج الله هاذا منصور يكون ولد خالتي ومن نحن صغار كانو يقولون ان حصه لمنصور و منصور لحصه انا ماكنت اعطي هالكلام اي اهميه بس هو لا هالكلام ف مخه لي ما كبرنا والكل نسا الموضوع الا هو كان يقول انتي لي و انتي حبيبيتي وانا ريلج وانا المسؤول عنج وعن تصرفاتج وتخيلي في مره بس مره طلعت ويا احمدو بدون ما اخبره تخيلي شو سوا
مد ايده علي تخيلي ان لا اخوي ولا ابوي ف يوم مدو ايدهم علي ايي هاذي يمد ايده علي وتخيلي انه كان ياخذ صوري من عند اخته ويهددني فيهم تخيلي انتي بس ويقول عني ارمس شباب لي ما مره اخوي احمد سمعنا نرمس وحتى ما خبرته بالسالفه بس ان قاله لو قربت منها بيصير شي ما يعيبك والحمدلله ان بعد عني بس ماعرف اليوم من وين طلع وشوه صورتي جدام حمد وتمت تصييييييييح
حمد واقف وهو خلاص بيموت هاذا منو الليى جي يسوي ف بنت عمه بس حب يلطف الجو جان يطلع اصوات تخوف
وشو ما حصه تلصق ف ميره صح ان حصه لسانها طويل بس تخاف جان يطلع حمد ويقول :بووووووو
ميره ركضت وحصه بدون ما تشوف جان تدوس عالحطب شوي بريلها واصارخ زياده وكلهم يقومون
جاسم و خالد :ش مستوي ايييه منو يصارخ
حمد:يالوهقه ،حصههه انا هاذا حمد
حصه وهي تصيح:غربلاتك يالسبال دست عالحطب اااااااي ريلي
حمد :انزين وين اروح ابوي وابوح يايين مالي خلق هزاب من الصبح وانا انهزب
حصه وهي بعدها دموعها تنزل :انزين ويت
جان تزاعج :ابويه عمي مافي شي ردو نامو نحن بخير
خالد وجاسم :اكييد
حصه:هي
ميره يت :طلعت انته حمد
حصه تقلدها:تلعت انته حمد 😤،كله منج بالسياله ليش تروحين و تهديني
ميره :والله لو ادري انج عميه ما تشوفين نار هالكبر حطب كل واحد اكبر عن الثاني جان ربطتج فايدي
حصه :بس يالمليقه تعالي جوفي ريلي
حمد :ميروه عاوني حصه وتعالو وراي بنشوف شي حق ريلها
حصه :في دوا مال حرق و شنطة اسعافات اولية فالمطبخ
حمد :يلا نزين
وراحو المطبخ حمد فتح كل الكبتات يدور
حمد :واخيرا حصلته
واول ما وقف
حمد:اهخخخخ
كلهم يضحكون وهو من القفطه ضحك وياهم "دق راسه "
ميره حطت حق حصه الدوا ولفت ريلها ودخلو داخل
الصبح كلهم قامو الا حصه طبعا تمت تصيح طول الليل من الويع و ما نامت الا بعد صلاة الفير
تريقو وشوي شوي يلسو يجمعون الاغراض
حصه راحت تسكر الاشيا وتقفل البيبان جان يرن فونها وكان رقم غريب و سحبت عليه لان مالها خلق عوار راس و مزاجها كان خااااايس