جمعتنا وصية

انا غلطان ومتاسف يا ريت تسمعني وتصالح

حصه كانت ترمس حمد لأنه حمد حشرها من هم دخلو وهو يكلمها حصه : خير اخوي ش بغيت
...:تعالي شوي ابيج بشي بقولج شي
ميره : وين اتي وياك عندك شي قوله هنيه
حصه طلعت سويج الموتر: ميره روحو الموتر أنا بدفع وبي
اليازيه : أنا دفعت
ميره: حصه قومي نروح
...: الحين انتو ش تبون روحو الموتر
حصه : اول شي تكلم باحترام ثاني شي ما يخصك فيهم ترمسهم جيه منو تكون انته
ميره واليازيه راحو الموتر
حصه والولد طلعو من الكوفي ووقفو ع صوب وفي مسافه من بينهم
حصه : فكني قول ش تبا
الولد: ش أبا بعد أباج انتي
حصه : احلف انته بس
الولد : عطيني رقمج ش بيستوي يعني
حصه رفعت أيدها : ما تشوف الدبله يعني
الولد : ويعني عادي ترا مال اول اللي متزوجات  وما يرمسون شباب
حصه كانت ماسكه فونها
الولد : ترمسين منو انتي
حصه : ش دخلك المهم قلت تبا رقمي صح سجل عندك 05.......
الولد : والله انج سهله
حصه : يلا أنا بروح تأخرت ع البنات
الولد : وين رايحه
حصه وهي ترمس تلعب فالفون: بعدك هنيه صح
الولد: هيه
حصه: بنزلهم وبي
الولد : تمام
راحت حصه الموتر
ميره : ها ش يبا
حصه: رقمي بعد ش يبا
اليازيه : كيف صرفتيه
حصه : عطيته رقمي
ميره بصدمه: هاااااااااااه
حصه : بسم الله ميره بلاج جيه تصارخين روعتيني بغيت ادخل فالموتر اللي جدامي
ميره : انتي صاحيه تعرفين حمد لو عرف ش بيسوي
حصه وصلت البيت : يلا نزلو
ميره : وأنتي الشيخه حصه وين رايحه
حصه : عندي شغله بخلصها وبي
اليازيه : لا يكون بتروحين له
ميره: حصه حطي عقلج ف راسج وانزلي والله لو حمد خلي حمد اخوانج لو عرفو ما بيطوفون السالفه
حصه : ميره هالكثر فيني مخ سيرو انتو الحين
نزلو عنها وحمد اتصل ل حصه
حصه : هلا
حمد بانفعال: انتيي وييين
حصه ببرود: انت اللي ويين
حمد : تعالي مريني أنا ف"....
حصه : تمام
راحت حصه عنده كان ياي ب تاكسي
حمد راح فتح الباب : نزلي أنا بسوق
حصه : نزين
نزلت حصه وركبت جدام حذاله
حمد : اول شي شو هالعباه هاي عباه ولا فستان
حصه : عادي ترا عباه لونها بيج
حمد : والله؟؟؟
حصه : هيه
حمد : ماعليه عقب بنتفاهم ع هالموضوع انتي عطيتيه رقمي صح
حصه : هيه
حمد : وليش ما دق للحين
حصه : لانا بنروح عنده الحين وأنته تفاهم معاه
حمد : بنزلج البيت وبروح
حصه : والله ما تروح روحك حمد
حمد : صاحيه انتي بنتفاهم نحن رياييل انتي ليش آتين
حصه : حمد لا تخليني اندم إني قلت لك بي وياك بس ما بنزل من الموتر
راحو القناه
حمد : اي كوفي
حصه قالت له أسم الكوفي
حمد : كيف شكله
حصه هنيه حبت تنرفز حمد : يعني كان متعصم وكان مرتب عصامته كانت شرات ما اقول لك دوم تسوي شراتها اطول مني ب شوي ضعيف اسمر بس مو وايد يعني اسمر على بياض
حمد : ماشاءالله وأنتي تميتي تتأملينه روحي تزوجيه بعد دامج جيه توصفينه
حصه : هيي صح وكانت عنده غمازه على خده صوب اليسار
حمد بعصبيه: حصهههههههه
حصه : والله اسولف ماعرف إذا عنده غمازه ولا
حمد : انزين وأنا كيف بعرفه من وصفج ان شاءالله
حصه : هاااذو طالع من الكوفي اللي لابس كندوره بنيه
حمد نزل وهو فل عصبيه
حصه فالموتر: ياربي هاذاك ربعه وياه عن يدقونه دق
حمد نزل ومسك هاك من كندورته وسحبه ع صوب
الولد بعصبيه: هاهاهاه وييين احترم عمرك انت منوووو
حمد بصراخ فضيييع : أنا منو هاااه ويا يبا يعطيه بوكس جان أيون ربعه
واحد من ربعهم : شوف انت ماعرف شو تتحسب عمرك انت واحد ونحن خمسه بندقك دقققق ف روح احسن لك
حمد خلاص وده يذبحهم
طبعا حصه فالموتر بس ما تشوف شي
الولد : انت الحين ش عندك ياي وجيه معصب خيير
حمد : انت اللي شعندك ش تبا من حرمتي ومن رقمها
الولد: انت ريلها وييييين حرام والله إنها طر ما تستاهلك
حمد يوده من كندورته صوب الرقبه وسحبه: والله ان يبت طاريها ع لسانك والله انك بتندفن
طبعا ربع الولد راحو شوي بعيد عنهم لأنه عرفو ان السالفه يعني من بينهم بيحلونها
حمد : انت ما تستحي ع ويهك تكلم وحده معرسه
الولد : والله لو هي صدق تباك جان ما عطتني رقمها
حمد : نزين دق لها خ نشوف
دق الولد ورن فون حمد
حمد يراويه فونه عطاه بوكس ع ويهه : مره ثانيه احترم عمرك وخل بنات الناس ف حالهم
الولد ساكت ما توقع ان حصه بتسوي هالحركه
حمد ركب الموتر وهو ساااكت
حصه متوتره الفففف تعرف انه معصب
وصلو بيت قوم حصه وحمد ما قال شي مووول ساااكت
دخلت حصه  وهي مصدومه لأنها تعرف حمد معصب بس مو من عادته ما يرمس دخلت وعطوا راحه غرفتها
ميره و اليازيه كأنو يالسين فالصاله
ميره : هاي بلاها راحت ولا عبرتنا
اليازيه : شدراني أنا بروح هاه أمي اتصلت فيني
اليازيه وهي يالسه تلبس عبأتها وشيلتها دقت حق أحمد وهي طالعه جافته فالحوي
أحمد : هااه وين وين
اليازيه : البيت بعد وين
أحمد قرب منها : يعني ما تبين تقعدين وتسولفين وياي ما اشتقتي لي🌚
اليازيه : والله مادري عنك اليوم من بيت بيتكم ماشفت ويهك ولا رمستني طلعت ويا الشباب انته
أحمد : نزين حتى انتي طلعتي
اليازيه : لا يكون خبرت حمد ؟؟
أحمد : لا ما خبرته وليش اخبره يوم بيستوي عرسهم ذاك الوقت إذا طلعت حصه لازم تخبره الحين إذا أبوي يعرف بس خلاص محد يحق له ان يرمس
اليازيه مطت خدود أحمد : وااي فديت ريلي المتفهم
وراحت عطول موترها
أحمد ضحك عليها و ع خبالها
عند ميره و حصه
ميره : يعني حمد عرف كل شي
حصه : هيي تخيلي شوفي من دخلنا الكوفي وحمد يرمسني جنه حاس ان بيستوي شي عقب يوم الولد يا أنا كنت فالجات مال حمد وهو كان يطرش ف كان يبين ان أنا اشوف وما ارد عقب قلت له ع السريع السالفه وعطيت رقم حمد حق الولد ع أساس ان رقمي
ميره : كيييف كييف
حصه : يوم خبرت حمد قالي جيه اسوي وقال انه ياي بوظبي ب التكسي وأنا مريت عليه عقب قال وديني عند الولد ووديته وتفاهم بعده بس اول ما ركب قبل ما نروح القناه علق ع العباه ان ما عيبته وقال عقب بنتفاهم بس تم ساكت ما رمس ماقال شييي
ميره : الله يعينج حمد مو من عوايده ان يتم ساكت يوم يكون معصب
حصه : هاللي خايفه منه أنا ماعرف ش اسوي
ميره : عاد توكم متراضين مداكم تتزاعلون
حصه : أنا ماعرفت شو اسوي لو ما خبرته عادي كانت السالفه تكبر واحين خبرته وتزاعلنا ماعرف ش اسوي
ميره : أنا بروح البيت
حصه : اقلج ترئي ثواني بسس
دخلت حصه سناب تشوف لوكيشن حمد شافته معلق اللوكيش
حصه : بعد معلق اللوكيشن ي حمد
ميره : اونهههه
حصه : تحسينه فالبيت؟
ميره : ماعرف تبيني اسال نهيان
حصه : لا ياخي بس أنا اعرف ان يوم يكون زعلان ما يحب يروح عند حد يحب يتم روحه
ميره : نزين ترا الساعه بتستوي 12 جريب
حصه : شرايج اي وياج
ميره : حياج
حصه : نزين بس بروح بخبر أحمد نتي ترييني ف الموتر
حصه كانت لابسه هاينك بس كت ويا جينز لبست فوقهم عباه سودا وكانت العباه خفيفه
دقت حصه باب حجرة أحمد
أحمد : دخلي
حصه دخلت : اقول احمدو
أحمد : عيونه قولي
حصه : عادي اروح ويا ميره بيتهم
أحمد : الساعه بتستوي 12 وين تبين
حصه : ترا بيت عميه
أحمد : لو بيت عميه مايصير
حصه بزعل : اوكيه
أحمد : نزين شو رايج نروح نشرب كرك
حصه حست أنها تبا تروح: اوكيييييي
قالت حق ميره إنها ما بتروح معاها وراحت معا أحمد
ركبو موتر أحمد "موتر أحمد صالون و كشف "
وهم فالدرب حصه ترتقل
أحمد : شو فيج مو لابسه عدل شوه
حصه : لا مو لابسه عدل
أحمد كان لابس فروه : شوفي ورا في فروة حمد اذكر قبل كم يوم ركب وياي ونساها
لبست حصه الفروه
بعد يومين شيما يت عند حصه كانت يالسه تشوف لها فستان العرس وجيه من الملل
شيما : ها حصه ش تسوين
حصه : ماشي ملل من الملل يالسه أدور فستان العرس اللي مادري متى بيكون
شيما : بعد شهر
حصه : ههههه ماظنتي
شيما : والله توا ساره كلمتني وقالت ان حمد قالهم العرس بعد شهر
حصه : هاذا حمد يستهبل صح وكيف ما يخبرني
شيما : المهم ترا ما في وقت لازم تبدين تجهزين
حصه : تمام أنا بتلبس وبنطلع وبشوف ميره وأنتي شوفي ساره لو بتي
شيما : اوكيه
حصه دقت حق حمد وما رد دخلت سناب تشوف وينه لوكيشنه كان ف البيت
دقت حق ميره
ميره : هلا والله بمرت اخوي هلا بالعرووس
حصه : اقولج حمد ف البيت صح
ميره : هيه يالس ف الصاله ويا أبوي أصلا مآخذ اجازه من الدوام اليوم لأنه قال ان يحس عمره تعبان
حصه : زين اقولج أنا وشيما بني نمرج عشان اخلص مشاوير العرس وماعرف إذا ساره بتي ولا
ميره : تمام بقوم أتلبس
حصه قامت ولبست عباه ملونه غياض ف حمد بس لبست لون بني شرات اللي لبستها يوم طلعو يوم الملجه
راحت عند شيما تشوفها وطلعو ب موتر حصه وصلو بيت خالد
حصه تكلم ميره : يلا ميروه نحن ع الباب
ميره : نزلو تعالو داخل أبويه يقول لان ساره يالسه تتلبس بعدها
حصه : حمد وينه
ميره : يالس عند أبويه ف الصاله
حصه : مب نازله أنا
ميره: وليش ان شاءالله ترا بقول حق أبويه انج ما بتنزلين لان حمد موجود وتعرفين أبويه
حصه : اف انزين
حصه : شيوم عميه يقول تعالو داخل لين ما ساره تخلص
شيما : تمام
طبعا حصه زادت الميكب شوي وتعطرت ونزلت
دخلو الصاله
خالد: هلا والله ببنتي اللي تتغلى هلا وغلا تو ما نور البيت
حصه : هلا عميه "وباسته ع راسه"
شيما راحت فوق عند ساره
طبعا حمد كان لاهي ب فونه بس من سمع صوت حصه قام بيطلع لأنه ما يبا يشوفها
قام وهو ساير صوب الباب ماشاف حصه حتى مسكه أبوه
خالد بانفعال: حمددددد كيف جيه تطوف وما تسلم ع حرمتك غير إنها بتستوي حرمتك تراها بنت عمك
حمد رفع راسه يشوف حصه تضايق يوم شافها لابسه عباه ملونه لأنه عرف ان هي لابستنه عشان تغايضه مع انه يحب ه العباه وايد عليها
حمد : السلام عليكم
وراح بدون ما يسمع ردها حتى حصه تضايقتتتتتتت لأنها عرفت شكثر هو زعلان منها بس هي الغلطانه بس ع قولتهم كبريائها ما يسمح لها إنها تعترف بالغلط
عمها راح عنهم
حصه راحت لي عند حمد كان راكب الموتر يبا يطلع
حصه ركبت جدام
حمد ساكت
حصه : حمد
حمد : هاا
حصه : هااااا؟؟؟؟؟؟
حمد : قولي ش تبين لأني مستعيل ما عندي وقت
حصه : ماعندك وقت لي ؟! تمام
ونزلت
حصه دخلت شافت ميره جدامها : مايسوى علي أني خبرته بس أنا الغلطانه ورايحه اعتذر له بعد بس ماعليه خ يتذكر كلامه اللي قاله من شوي لأني ما بنساه
ميره: ليش ش قال
حصه : تخيلي رحت بعتذر أنا أنا حصه رحت بعتذر تخيلي شو قال قال قولي اللي عندج لأنه ما عندي وقت
ميره : حصه لا تلومينه ترا زعلان وأنتي غلطانه وبعد فوق ها لابسه عباه ملونه اليوم اكيد بيعصب
حصه ودموعها ف عينها : بس ترا هو يحب هالعباه
حمد دخل ف هاللحظه لأنه كان ناسي تلفونه فالصاله وشاف عيون حصه متروسه دموع وويها احمرررر
حمد تضايق حس حركته كانت قويه شوي
حصه سحبت عليه وراحت الموتر تترياهم
ميره: حمد يسوى الموضوع انك تصيحها
حمد ساكت
ميره : ماعرف ش اقول انتو الاثنين ما تتنازلون لازم حد منكم يتنازل
حمد : بشوف
وصعد فوق دخل حجرته وانصدم شاف ورد ع السرير وعطره اللي يحبه شل الكرت وكان مكتوب فيها:
انا غلطان ومتاسف
يا ريت تسمعني وتصالح
من حصه
حمد يكلم عمره : والله انك ما تستحي ي حمد جيه سويت والحين نحن قريب العرس وصيحتها أنا والله إني حمار يعني البنت حست ع عمرها واعتذرت بس الحمار يتم حماااار
نهاية البارت