جمعتنا وصية

عايش سعييد❤️✨

( يلا هاذا تعويض عن البارحه)
حصه : حمد انته شو يالس تسوي
حمد : حصه ش تبيني اسوي عشان ترضين
حصه : اوعدني انك ما تشيش مره ثانيه
حمد : وعد والله وعد
حصه : خلاص سامحتك يلا روح
حمد انسدح ع الشبريه : وين اروح والله إني تعباااااااااان منتهي خلني ارقد هني اليوم
حصه تسحبه من ايده : يلا قوم ماشي لين بعد العرس
حمد : ماشي أمل يعني ما اكسر الخاطر 🥺
حصه : ماااشي
حمد : عيل باجر العرس
حصه : والله انك هب صاحي قوم روح ارقد ف حجرتك
حمد : حصه لا تزعلين مني مره ثانيه
حصه : انته اللي لا تسوي أشيا تزعلني
حمد يأشر ع عيونه : من عيوني
وطلع
حصه : اهخخخ شو اسوي وياك يا حمد
وراحت تنسدح ع الشبريه ووصلها مسج من حمد
حمد : تصبحين على ما تتمنين ي عيون حمد🩵
ضحكت وما ردت
رقدت وقامت الصبح راحت لغرفة ميره تدق الباب بس محد يفج يت تبا تدق لها شافتها مرمستنها
ميره : أنا نزلت اتريق مع نهيان سوريي🌚🌚
حصه : ش اسوي أنا الحيننن ماشي إلا مهروه
دقت ع مهره
مهره : هلاا
حصه : راقده شوه
مهره : لا قولي
حصه : بتين نتريق
مهره : انزين بس دقايق اغسل ويهي وجي حتى رشود وعبود قالو بيون
حصه : بروح أشوفهم لا تطولين
ياها حد من ورا ودقها ع جتفها
حمد : good morning ي حلوه
حصه : بسم الله حمد خرعتني
حمد : وين رايحه
حصه : كنت بتريق ويا ميروه بس الخايبنه سحبت علي وراحت ويا نهيان
حمد : خليييهم توهم مالجين حليلهم تعالي وياي أنا
حصه : لا شو قلت حق مهروه حرام قامت من الرقاد عشاني وأتريا رشود وعبود
حمد : اسمه راشد ترا الريال كبر
حصه : حمد لا تسو تسوالف ترا رشود أحسه شرات اخوي الصغير
دقت باب غرفة عبدالله وراشد
طلع لها راشد كان مروق حرفيا "بقولكم عن راشد دام انه كبر يعني صار عمره 17 هو مزيون يعني ضعيف وخشمه مو وايد طويل بس ان يعني حلو خشمه ضعيف بس مو وايد طويل شعره يعني عادي بس عنده غمازه اووووووف تطيح الطير من السما والحبيب مسوي الابتسامه "Hollywood smile"المهم ان كان حاط راشد الماجد ويتبخر يعني مروق ع الاااااخر
حصه تغمز: رشوووووود كل ها حق منو اعترف منو سعيدة الخط
راشد ما انتبه ع حمد : والله حصيص لو عندج وحده  طرشيها صوبي بس لازم تكون شراتج جي طر ماشالله
حمد تقدم صوب الباب : رشود ش هالرمسه بعد
راشد : ءءءء هاه اسولف دكتور حمد ريلاكس
حصه : المهم رشود مهروه قالت ان انت وعبود بتون تتريقون
راشد : هي بس انتو تجدوا أنا بلحقكم أصلا عبود نزل
مهره وصلت عندهم
حصه : برأيك مهروه يت عيل نحن نازلين
راشد سكر الباب
راشد : الوو
دانه : ها وين رحت
راشد : لا ماعليج روم سيرفس
دانه : اهااا نزين
راشد : دانو
دانه: عيونها
راشد : فديت عيونج بس ما يستوي اشوفج يعني ترانا ف نفس الفندق
دانه : ما اقدر والله
راشد : تمام عيل أنا بروح اتريق
دانه : تمام
" دانه وحده راشد تعرف عليها"
بعد أسبوعين ف بيت جاسم مسوين عزيمه ب مناسبه رجوع سلامه وعلي من السفر
فالميلس عند الرياييل
الأولاد يالسين يسولفون فجاه
حمد : اقول قومو نروح دبي من زمان ما رحت
زايد : هي والله
أحمد : هي والله بس ما نبا مول خ نروح d3
حمد: اوكي
احمد : ها علي معانا
علي : هي انتو روحو وأنا بي
حمد : زيود شوف نهيان من زمان ما شفناه
زايد : خ نحرك بدق له هو ف دبي اكيد ما بيروح مكان
عند البنات
ميره : ترا ملل
حصه : واااايد
اليازيه : ف خاطري اروح دبي
حصه : أوف يزوووي تفهمين
ميره: خ نسأل الشباب إذا ما عندهم شي خ يودونا أنا نهيان عادي عنده بس منو بيوديني دبي
حصه : أنا برمس حمد
دقت
حصه بدلع : الوووه
حمد قام وطلع الحوي : حصوه تعالي الحوي
حصه : اوكك
سكرت وطلعت
حمد : هلا والللههههههه
حصه : أهلين حمدد
حمد : عيونه
حصه : حمد ملانين نبا نروح دبي ملانين من زمان ما رحنا دبي
حمد : عاد أنا توي كنت ياي اقول لج نحن الشباب بنروح d3 تأمرين ع شي الغاليه
حصه : شلونا وياكم🥹
حمد : ما ينفع ي عيونه انتي بيون ربعنا بعد
حصه : اف ها  نحن بعده ما استوى العرس وجي تخون مابا زعلت منك
حمد : افاااا شكلج صدق زعلانه حتى ما قلتي ف حفظ الرحمن ولا شي
حصه وهي رايحه : مابا لا ترمسني زعلانه
طلعو باقي الشباب
وراحو صوب d3
عند البنات
حصه : أنا بطلع يعني بطلع
ميره : وين تبين تروحين يعني
حصه : سلامو وين
ميره : راحت دبي بيت أهلها
حصه : مو شرط نروح دبي خ نروح القناه
اليازيه : الللههههه والله الجو طر ينفع
ميره : صاحين انتو
حصه : مو هم ما ودونا دبي كيفهم يلا قومو
حمد كلم حصه ع سناب
حمد : حصوه قلبي أنا رحت ويا الشباب ب موترهم بس نسيت سويج الجي ف الميلس خذيه خليه عندج عن يضيع
حصه : ان شاءالله
لبسو وكشخو كشخه صدق
وحصه خاصة راحت لبست عبأتها البيج كانت طالعه طر حرفيا
طلعو فالحوش
حصه : وين رايحين تعالو
ميره: باي موتر بنروح؟!
حصه فتحت الجي : بموتر حمدو
ميره : حلفيييي وحمد يعرف
اليازيه : مو صاحيه والله
حصه : لا ما يعرف  بس بيعرف بس مو الحين يوم نطلع ترا خبرت أبويه وعميه محد يقدر يرمس
ركبو حصه تسوق وميره راكبه معيون واليازيه ورا
وحاطين أغاني ورافعين الصوت وحصه تدوس
حصه شلت فونها وصورت أيدها مع السكان و طرشت حق حمد
حمد شاف  و سيف الصوره
حمد : ع وين
حصه : القناه
حمد : حصه بلا استهبال
حصه : وألله أنا و ميره و اليازيه موتري ما كان فيه بترول ف رحنا ب موترك ما توقعت انك بتعصب إذا خذنا موترك
حمد : حصه مو سالفة انج خذتي موتري حلال عليج الموتر بس مو وقت القناه الحين المغرب وزحمه
حمد رد يشوف الصوره
حصه : عادي ما عليك انت حرمه حمد
حمد : بعدين تعالي تعالي انتي لابسه عباه بيج؟؟؟؟؟
حصه : هيه حلوه صح يوم بنوصل بصور لك أياها كامله توني مفصلتنها
حمد : حصه خذو لكم كوفي وردو ولبسي الدبله وما تفصخينها من ايدج ومن توصلين تكلميني لي ما تطلعين من هناك وأنتبهي ع عمرج أنا ما بعصب الحين لأنه بعكر مزاجي و مزاجج ع الفاضي وإذا قلت لج شي بتعاندين انتبهي ع عمرج وأي شي صار دقي رنه انا عندج
حصه : تمام حياتي انتبه ع عمرك
حمد : إنجوي
وصلو القناه وراحو كوفي جود
دخلو الكوفي وطلبو وفي شله يالسين يشوفونهم
حصه تكلمهم : اقولكم هاذا إذا ما شل عينه والله بروح وبدفنه
ميره : حصه ايلسي مو ناقصين مشاكل سحبي عليه
اليازيه : يعني هم اغبيه يشوفون ان كل وحده فينا لابسه دبله بعد يشوفون ليششششش
قام واحد منهم وراح صوب الطاوله
...: السلام عليكم
محد فيهم رد
....: السلام لله
اليازيه : خير اخوي بغيت شي
الريال اشر ع حصه : هي بغيت هاي
نهايه البارت