ومن غيري انڪسر؟
بقلمي: زهراء المحمداويـة
اللقب: زيــري
ليش ما فكَرت بيه
وليش ما خفت الله بيه
رخصِتلك كُلشي عندي
بس بعتني برخُص گلبك
الماصفة مرة أعَلىٰ نية ..
قرائــه ممـتـعــــــة
بسـﻤ الله الرحمـٰن الـرحيـﻤ
°•°•°•°•°•°•°•°•°•°•°•°•°•°•°•°•°•°•°•°• ♡
ايات: اي عفيه قاسم لاتعوفنا بقلق، يلا الله وياك مع السلامه، سديت الخط واستلمتني خالتي بالاسئله،
قمر حالتها خطرة لأن شامريها من باب السيارة وهي تمشي ويسوقون سريع وماخذها الشارع على التبليط قاسم يكول بحيث حتى ملابسها تشككت وسترناها باللحاف وهسه بالمستشفى لعل وعسى يطلع دكتور يبشرهم بخير
ابتسام : يمه ماكالج شلون صارت شمرتها على وجها راسها بطنها
ايات : يمه شامرينها وصايرة وكعتها بالشارع على صفحة ضهرها احتمال حتى تتعوق بس كومن نصلي وندعيلها
خالتي بقت تلوب وتبجي سحلتها كوة صلينا وقرينا قرءآن وكفنا ندعيلها،
ساعات مرت والوضع مكهرب ووجوهنه مكلوبة ننتظر خبر منهم
فهد : ساعات طويله وهي بالغرفه ومحد يطلع ويخبرنا بشي يشفي الكلب طلع الدكتور من الغرفه، دكتور حاجيني بيها شي دكتور
الدكتور : حالتها ممستقرة مااكدر انطيكم كلمه هسه
فهد : جا حالتها ممستقرة صارلك ساعه اطب وتطلع صايبك العباس، لزمته من ياخته احججيييي شنو بيها لو تخلوني ادخل اشوفنهاااا
شهاب : شفت فهد صار عصبي ركضت علي انا ومحمود وفاقد
محمود : بسك فهد بسك انتظر لحد ماينطونه خبر
فهد : اريددد ادخللل يمهااا
فاقد : مايصير يخوي مايصير
شهاب : ميكدرون ينطوك كلمه يخص وضعها هسه لحد ماتستقر حالتها مايكدرون يخلونه بأمل
ييسر : على كيفك خالي مابيها شي ان شاء الله
فهد : خالي نريد كلمه وحده حتى نوصلها لأمها المرة بقت بالبيت تلوب لايصير بيها شي هل فقيرة
قاسم : خابرتهم وكتلهم بعدها بالغرفه ماكو خبر عنها
فهد : بقيت الوب اروح وارجع نار مشتعله بصدري، محمود كدرتوا تلزمونهم؟
محمود : لا لأن من وكفنه كلنا كدروا يطفرون وراحت الدوريات ادور عليهم ماالهم أثر
فهد : والمكان الطلعوا منه قمر
فاقد : دزيت دورية هناك وحققوا بالمكان ماكو اي شي مكان مهجور مابي اي دليل يشهد عليهم
أنت تقرأ
ومن غيري انكسر؟
Randomالليل اصبح مهربي من ضوضاء المدينه وعائلتي، والفجر اصبح هدوئي مع الرياح الشتائيه، لم انسى أي ذكرىٰ كـانت في قلبي وعقلي، ڪاد الشتاء بالسير نحوي وبهِ جميع ذكرياتي الرياح والبرد القارص وقطرات المطر الصغيرة التي تلامس وجنتاي بهدوء وللطافه، نسمه رياح...
