ومن غيري انڪسر؟
بقلمي: زهراء المحمداويـة
اللقب: زيــري
تكول گمرة ( قمر )
نكسر مجداف عمري بزحمه الروج
وكف بيه الزمن يـم اليكرهــون؟
خفت همي تكشفة اسرار العيون
خيطت النظر عـن لايشوفون
وخفت حيلي يحدب يكسر العوز
ظهر شديت صبري لشيل المتون
وخفت شماتي تصرخ ، اي وكع طاح
وكفت رُمح علىٰ جرحي كبال العيون
قرائــه ممـتـعــــــة
بسـﻤ الله الرحمـٰن الـرحيـﻤ
°•°•°•°•°•°•°•°•°•°•°•°•°•°•°•°•°•°•°•°• ♡
حياة : كعدت الصبح مااكدر اتحرك من التعب كوة سحلت نفسي ، طلعت غسلت واليوم حنة الشباب وباجر العرس احس مغص صار ابطني
رحت للمطبخ لكيت البنات يسون ريوك ايات وزوجه اخوي وزوجه جابر وسارة وحتى احمد يساعدهن وينكز منا ومنا مثل اخته ، ابتسمت على منظرهم ، صباح الخير
سارة : صباح النور يلعرايس بعدجن ماعرستن وتبقن للظهاري تهي بهي بنات اخر زمن
حياة : جا غير تكعد گمرة الصغيرة
تخصرت وصارت تهز بنفسها نفس قمر نفس الحركات
سارة : افاااا وشبيها گمرة ولج خاف معاجبتج اخليها تجي تمددج هييننن
ايهم : لا عيني عاجبتنه هـيَ واختها واخوها
ضحكت بقهقهة والتفتت لأخو فهد مخلصها تحشيش علينا ،
حياة : لا خوية جاي تعلمنا
ايهم : اي خلي تعلمجن شكو بيها مو صح؟
حجاها وباوع لسارة
سارة : اي والله كـُلشــي مابيها متكلي شني نايمات للظهاري عود باجر من تعرسن نامن للظهاري ببيوت عماتجن ، تحجيي وتأشر بالجفجير
اجاانه صوت قمر من ورانه ساندها شهاب ،
قمر :شعدها ام صباح من الصبح
ركضت سارة تشتكي ومسوية روحها فقيرة بقيت فاتحه حلكي
سارة : ولج تعالي خية گمرة هاي تكلي تتأخرين بالنوم باجر عكبه من تعرسين هـمَ هيجِ تبقين للظهاري
قمر : صــدُك هل حجي؟
سارة : باوعت لأيهم غمزتله حتى يأيد كلامي وايات هـمَ ، اي شوفي شوفي
ايهم : اي خوية صحيح هاي حياة اكلت سارة وذبتها
حياة : يااا عزااا انااا والله قمر محاجية هـيَ حجت
ايات : لا حياة الحجت اكلت سارة وذبتها عظام
حياة : ولعباس ابو فاضل ياقمر ماحجيت شي دخلت وهـيَ استلمتني
باوعت لسارة ولزمتها من اذنها
قمر : ام اللسان عبالج هل سوالف تعبر عليه ترا بعدني حافضتج من تسوين مصيبه وتذبيها براس احمد
أنت تقرأ
ومن غيري انكسر؟
Randomالليل اصبح مهربي من ضوضاء المدينه وعائلتي، والفجر اصبح هدوئي مع الرياح الشتائيه، لم انسى أي ذكرىٰ كـانت في قلبي وعقلي، ڪاد الشتاء بالسير نحوي وبهِ جميع ذكرياتي الرياح والبرد القارص وقطرات المطر الصغيرة التي تلامس وجنتاي بهدوء وللطافه، نسمه رياح...
