القرابين السبع

part 9 | قَلبـي مَنزلك

مساء الخير مؤنساتي ألغاليات ..

#القرابين السبع
بـقلمـي أنا فَـطَم موَفـق

part 9..

لاتنسون ألنجمة ع البارت مُهمة
والحبشكلات بكُل فقرة حتى ادللكم 🙈
مُتابعتي على واتباد لا تنسوها خوووش؟(fatimalrashd)

لـ التواصل الأنستا : fatimalrashd
لـ التواصل تيليجرام : fatima_muwafaq1

" جَميع أعضاء الجسد قد تُخطِئ لكن القلب لا يُخطِئ "

البارت قصير أعوضكم بـ بارت السبت 💕

~~~~•~~~~

يوم 7 : 7 ...

شَمْس : بعد ما توفى والدي أو بعد ما أذاعوا خبر موته بقينا وحدناا بـ بيت كبير حيل ما بي غير أربع بنات مكسورات مُحطمات ، عاشوا لمدة سبع أيام وسبع ليالي تحت سقف ذاك البيت ومحد سأل عليهم ولا أحد أنبه ضميره وگال هالبنات وحدهم بدون سند بدون ظهر وحتى بدون قوة !

گالتها ونزلت دموعها گامت وگفت وصارت گدامهم :
- أنا ربيت ثلاث بنات ، أنا حميت هالبيت والبنات ألـ بي بالوقت إلي أنا منهارة ومكسورة أحتضنت وخففت وطبطبت عليهم بالوقت إلي أنا محتاجة شخص يضمني ويطمأني بـ " أنا سندچ لا تخافين " بَـس تدرون شنو إلي شفته بأخر يوم من هالأيام السبع ؟

أنطرق باب البيت إلي محد طلع منه ولا أحد دخله وزاره وسأل ؏ الي بي ميتين أو عايشين ! للحضة فكرت أخواني للحضة فكرت أخونا ألچبير أجه حتى يزورنا ويتطمن علينا بَـس تدري منو الي تذكر؟ ومنو إلي زارنا ؟ بَـس مُهراب تذكر ، بَـس هوَّ جا لـ هلبيت بَـس شلون زيارة كانت؟ طبعًا محد يعرف.

فتحت الباب ولأخر لحضة أنا ببالي أخوية أجه بَـس غلطانة ، تأكدت من شفت آخر شخص متوقعته يجي كان مُهراب نفس الضحكة على شفايفه إلي لطالما كانت هالضحكة ترعبني وتخوفني مو خوف منه لااا ابد أنا ما أخاف من بشر ، بَـس خفت على خواتي ..

مسكته من قمصيه وصرخت بي :
- أنتَ تعرف هالشخص شنو ؟ تعرف شنو يگدر يسوي ؟

أبتعدت منه وهيَّ تفرك صدرها ناحية قلبها من بعدها كملت : أنا أحترگ گَـلبي أكثر من شفته يتشمت بيَّ ويأكدلي أنُ ماكو شخص يحبچ گَدي حتى أخوانچ تركوچ بس أنا ما أتركچ أبد.

هددني بـ قطع قلبي إلي هم خواتي ، ضحيت بسعادتي وأحلامي ومُستقبلي ، ضحيت بكُل شيء حتى بشرفي لخاطر محد يلمس شعرة من شعر خواتي ، أنا ما بس ضحيت أنا ضحيت حتى بنفسي لخاطر أنفذ وصية أبويه ..

ألتفتت عليهم وعيونها تجدح :
- أنا ما واجهت أنسان يا مغوار حتى تحملني ذنب كل هذا أنا ما كنت بكامل قواي نقطة ضعفي أنتوا وكُلكم متأكدين من هالشيء ولو فد يوم أحد خيرني بينكم وبين الموت كُنت راح أختار الموت ولا يمسون شعرة منكم .