القرابين_السبع
بقلمي : فطم موفق 💜
لاتنسون التصويت + التعليق بين كل فقرة + متابعة لحسابي 💋.
" الفراشة عاشت مُقيـدة وراح تطيـر أخيـرًا "
⏛⏛⏛⏛⏛⏛⏛⏛⏛
رفع شعره بغرور وعدل قميصه : تهربين مني لأنكِ لا تقاومي جمالي وجاذبيتي، إعترفي .
دحگتله فاتحة حلگي : هاي صدگ تحچي؟
قبل لا يجاوبني أجه صوت الباب الخارجي للبيت يندگ قوي دحگتله مستغربة : شكو؟
زيبق : لا أعلم ما هُناك ..
مشينا سوى طلعنا للباب والكُل مجتمع والمغوار يصيح وميراس ميتة ضحك ومحمد متمدد بالگاع من الضحك وحكم حاضن حَنيـن لصدره مبتسم ... بألف يا الله يلا عرفت السالفة والمغوار يصيح : هذا الأدبسز يبوس بنتنا .
صاح بي حَكم : يول غير مرتي.
رفع النعال اجه يضربه وقفته خزره ويحچي بحرگة قلب : يول وتراب أُمـي أسويك ثريد ولك هاي بنتنا شني تبوسها اليوم اسويها طلابة.
بقيت كاتمة ضحكتي وميراس ومحمد واگعين ضحك مختنگين أردف الزئبـق بضحكة : وماذا هناك أنا أيضًا قبلت أُختك .
هوَّ گال هيچي وما أحس غير المغوار صاح : لحگولييي فضحونييي ولد عمي فضحونيي يولوو خزوني، يول محمدنا وگعوا عگال أخوك .
يضرب على فخذ رجلي بحرگة دم وأنوب ما بَس محمد وميراس يضحكون لااا الكُل وگعت ضحك، التفتت ع الزئبـق مخزرته كتف إيدينه مبتسم ويهز راسه بـ معنى لا تهتمين مزح ..
بالگوة هديت المغوار أنوب محمد صاح : يول لو منك أگضبهم أخزيهم مثل ما خزوك يول شني يبوسون خواتك، يبووو لو ديرتنا يسمعون بالخبر.
هوَّ گال هيچي والمغوار أنتفض بعصبية : اليوم تطلگون خواتي يولي مو ولد عم نعالات.
الزئبـق : أنا لا أُطلق زوجتي إنها حياتي.
المغوار : يول أنتَ بالذات لا تحچي لا أصخمك وأنعل سلفة سلفاك.
التفت على محمد وصاح بي : أگزح هين.
أجه محمد گضبه المغوار فطسه كتل وهذاك يضحك وبقينا كُلنا مختنگين ضحك، هدأو شويه والكُل گعدت وكُل شويه يدحگ لحنين إلي خاتله بحضن حَكم ويأشرلها بسيطة ..
گاموا البنات بعد هالضحك فرشولنا بالحديقة ومحمد جاب الدومنة والطاولي، طلعنا گعدنا هناك فرحانين مجتمعين لإول مرة بعد سنين، أتذكر قبل سنين طويلة حيل چنا نجتمع بحديقة بيت جدي ونلعب ختيلان لو نلعب حارة ..
واليوم بعد سنين أجتمعنا مرة ثانية لكن كبرنا حيل كبرنا وصار لكُل شخص حياة وتفكير وبنفس الوقت مسؤلية حماية نفسه وثم عائلته .. انا وحنين گعدنا يم أزواجنا والباقيين گعدوا مع بعض صاروا قسم يلعبون طاولي والثاني يلعبون دومنة ..
أنت تقرأ
القرابين السبع
Horrorبين ثنايا غياهب الحياة نُشج شيطان رجيم مُبهم الهوية والتفكير فـ هل ياتُرى مثلما يتخاطرُ في اذهَانُنا شيطان رجيم و عند شر عيناه نستعيذ؟! اَم انهُ ساحَرٌ مُشعوذٌ الى الدَجالينِ ينَتمي؟! كـ مُخادعٌ يغرقُ من حولهُ من الورى في الدجى سَدوفِ انيابه حادة...
