نبدي بسم الله الرحمن الرحيم
بَاچـر تهُون ونرجَع نـورِّد
_____________________________________
أسر : هسه اوصلجن للبيت وممنوع تطلعن لمده يومين احل هاي السالفه واشوف وين تاليتها حتى للدوام ممنوع تروحون مفهوم
إيناس : أسر باوع والله ما ندري بي تاجر مخدرات نحنه كل مره نروح ويا شايب بس هو..
أسر : خويه مايحتاج تكملين عرفت السالفه وغبي حتى أشك بيجن بس المدوخني ليش اعترف ضدجن
إيريم : عزااا أسر عليك الله اعترف ضدنا
أسر : احممم لا ماكو شي هيج لا تخافين هسه راجع علي واشوف شغلي
إيريم : ابتسمت بوجه باوع على أيدي وعكد حاجبه
أسر : هاي شبيها ايدج
إيريم : مابيها شي مجرد جرح
أسر : منووو سوه هيج
إيناس : اني اكلك هذا واحد من أخذ إيريم من السجن حتى يحققون وياها جرها من ايديها قوي وصار هيج
إيريم : صديت على إيناس وخزرتها.... أسر ماكو شي صدك.. من دون لا يسمعني لاف السياره وعروك ايده نطت وكف يم المركز ورفع الجام مال السياره وجان مضلل
أسر : هسه اجي ولا وحده تنزل مفهوم
إيريم : هزينا راسنا وراح.... لججج إيناس شكد غبيه هسه يسوي مشكله شبيج ليش كلتي
نور : متكدر على لسانها
إيناس : عابت شبيجن يربي ويجي حتى بعد ما يمد ايده على بنيه برئيه
إيريم : وهو شمدري اني بريئه افففف استغفر الله... تقريبا نص ساعه ورجع بس حرفيا اليكله سلام عليكم يموته اخذ بطل مي وراح غسل ورجع للسياره شغلها ومشينه ومحد حجه وياا
أسر : ريمتي اكو علبه يمج انطينياها
إيريم : عرفته عصب بس ما يريد يبين اخذت العلبه وكف السياره وصار يعقم بأيدي
أسر : تأذيج
إيريم : لا والله اصلا مايحتاج جرح بسيط.... كمل ورجعت العلبه جان بيها اسعافات أوليه
أسر : اذا سأل احد ليش تأخرتن كولن جان عدنا عزيمه اكل او السياره عطلت
إيريم : وصل البنات لبيتهم وبقيت اني وهو
باوعت علي وجانت عيوني مدمعه ركز بيهن وغمظ
أسر : ريمتي لا تباوعين هيج ينهد حيلي وعيونج اخذ حكج بس لا تخافين انتي تثقين بيه
إيريم : هواي
أسر : عجل بدون خوف هسه تروحين تاكلين وتنامين وكأنو ماكو شي احلها وعيونج خلي الموبايل يمج خاف اخابرج خوش
إيريم : تمام اني مو خايفه لان انت وياي وصلت ونزلت وهو راح دخلت للبيت و سلمت على ماما وحاولت ما ابين شي لان ماما إذا تشك بشي غصبا عن الواحد يحجي الحقيقه تغديت وصعدت طلعت قرآن وكعدت أقره تقريبا ساعتين واني أقره وقريت الدعاء
