نبدي بسم الله الرحمن الرحيم
لو باقين غربة ولالجمتك هاي
_____________________________________
إيريم : اي اني اشرلي اصعد صعدت ورا والطريق ما حجه بس الصدمني يندل بيت إيناس ونور اخذنه ورحنه للمستشفى حجيتلهن كلشي وانصدمن خلص الدوام طلعت واشوف أسر واكف يم السياره مرتجى عليها لابس كله اسود ومخلي نضاره والجكاره بيده تقدم يمي نزل النضاره وركز بعيوني وهمس..
اسر :وهم حطت كحل بعيونها الحلوات وهنه بلا كحل جتالات
_____________________________________
إيريم : دنكت راسي وابتسمت
أسر : طايحه الحظ شنو هاللبس هذا
إيريم : شنو شبي لبسي
أسر : استغفرالله العظيم اصعدي اصعدي متشوفين هالكواوي... يدحگون ريمه اصعدييي
هذا هم لبس دخيل الكعبه لابستلي خر..... حصرر ومبين الكائنات كلها كدامي بسرعهههه
إيريم : باوعت على البنات اشرلي اصعد واني الدمعه صارت بطرف عيني ليكلي بزز ابجي صعدت ورئ وهو خزرني ولا هتميت صعد وركع الباب قوي كلش صرت بالنص ونور علئ اليسار وايناس على اليمين
إيناس : إيريم ترا يغار وهيج حجه لا تضوجين
إيريم : هزيت راسي وكمت العب بأصابعي رفعت راسي شفته يباوعلي من المرايه بسرعه نزلت راسي ونزلت دمعتي شكد اكره ضعفي على اتفه شي اكوم ابجي دمعتي احسها رخيصه بسرعه تنزل وصل البنات وكف السياره
أسر : ريمتي تعالي اصعدي هنا
إيريم : ما مرتاحه هنا
أسر : تعالي يُبا خليني افهمج شغله
إيريم : نزلت ورحت يمه باوع عليه واخذ ايدي
أسر : ريمتي وعيونج اغار عليج ولج اني لو بيدي باب الشارع ما اخليج تطلعينه وعيونج اريد اكلج بعد ماكو دوام بس خايف تزعلين تضوجين اشتعل بنار من احد يشوفج وانتي اليوم لابسه هاي اللبس وحصر عليج متعرفين الكواوي.... شلون يدحجون عليج ريمتي اريد بعد ما تلبسين هيج لبس راح تكولين اني ما البس هيج اعرف بس ارجعي شلون جنتي تلبسين قبل جان لبسج يجنن خوش وخصوصا هذا اللون السمائي لا تلبسينه كدام احد غيري خوشش
إيريم : أسر اعرف والله بس هاي اول مره البس هيج وعد بعد ما تتكرر
أسر : خايبه اضحكي جعل محد غيرج يضحك
إيريم : ههههه تأدب
أسر : اني واحد فقير ترا
إيريم : والله كلها فقيره الا انت
أسر : احبج ريمتي
إيريم : احممم يلا وصلني للبيت
أسر : هيي كم يوم وانتي يمي وبحضني عود تحججي بعدين محد يفكج مني
