نبدي بسم الله الرحمن الرحيم
#الكاتبه :روز الدليمي
انتِ نَجمَتِي ومَجَرتِي انتِ لَيلِي وَحُلمِي
_____________________________________
ايريم : سألته خال عن مكان سلام عصر عيونه وكال
_سويتله جره اذن حتى يتأدب
ام أسر :ولكك يمه ما نريد مشاكل عوفه هو وربه ينجاز
أسر :وحك محمد ما اعوفه اذا ما يتأدب
ام أسر :يايمه تجفي الشر هسه امه تسويلك مشكله خلي يرجع لعائلته الله كريم انشالله ينعدل
أسر :وانييي اضلل حاطط ايدييي على خدييي استناه ينعدللل وين صارت هاي السالفه اليوم سوه هيج باجر أكبر يمه رجاء خليني اشوف شغلي
ام اسر :هسه اني شحجيت يايمه
أسر :رحمه لابوج يمه روحي واصله لخشمي
كامت خاله حتى تطلع كام صار كدامها وباس راسها وكال
_اعتذر يمه لا تاخذين على خاطرج مني
_لا حبيبي مو زعلانه سوي اليريحك بس بدون مشاكل وهسه شوف مرتك تره مو زينه
دار وجه عليه وكال
_شبيج ريمه
_مابيه شي
طبطبت خاله على ايده وطلعت راح سد الباب ورجع كعد كدامي ولزم أيدي وكال
_بيج شي
دمعت عيوني وحطيت راسي على صدره وحضنته وصرت ابجي
_اسفه أسر والله مو قصدي اني غبيه
_اشششش ماصار شي
بعدت عن حضنه وكلت
_مو زعلان مني
_اكو واحد يزعل من روحه
_بس اني غلطت
_عادي اغلطي شكد ما تريدين ما اعوفج وربج
ابتسمت مسح دموعي واخذني بحضنه تمدد على الجربايه واني بحضنه صار يلعب بشعري
_أسر
_راحته
_شلون عرفت صاحب الرقم سلام
_مايصعب عليه شي
_هو وينه هسه
_بالسجن
_عزااا أسر.....
_اششش خلي يولي مشتاقلج
_ضوجتك هواي اعرف هاي اول ايام زواجنه وهيج سويت اني جان لازم اكون واعيه أكثر جان لازم ا..
_اشش ريمتي كلشي صار وانتهئ وانتي السويتي جان حقج هسه عوفي الموضوع وكومي ناكل
_مو مشتهيه
_مو بكيفج يلا راح افوت اسبح واطلع الكاج جاهزه نطلع نتعشه سوه بس بالسياره ما ننزل
_لا باوع هسه اكوم اسوي اي شي مايحتاج نطلع
