Unicode
အပိုင်း ၉
ပွဲပြီးတော့ ရှိုင်းမြတ်တို့အဖွဲ့လူစုခွဲခဲ့ကြသည်။ ထိုနေ့သည် မမေ့နိုင်စရာကောင်းသောနေ့တစ်နေ့လည်းဖြစ်ခဲ့တော့သည်။
အိမ်ပြန်လမ်းတွင် ကျောင်းပေါက်ဝမှ ညမလေးအကြိုက် ရေညှိထမင်းလိပ်ဝယ်လာခဲ့သည်။ မေမေနှင့်သူအတွက်တော့ ကြက်သားပေါက်စီနှစ်လုံး။
ကျောင်းနှင့် မနီးမဝေးအရောက် အနောက်မှ ကောင်မလေးတစ်ယောက်၏ခေါ်သံကြားလိုက်ရသည်။
" ရှိုင်းမြတ် "
သူလှည့်ကြည့်လိုက်တော့ မြန်မာဝတ်စုံနှင့် ဆံပင်ရှည်ရှည်ကောင်မလေးတစ်ယောက်။
" ခဗျာ ကျွန်တော်ကို သိလို့လား "
" ဟောတော့ တစ်မေဂျာထဲ၊ တစ်ခန်းထဲ၊ တစ်နှစ်ထဲ တတ်လာတဲ့သူကို မသိဘူးဆိုတော့ ဝမ်းတောင်နည်းတယ် "
" အော်....ဆောရီးပါဗျ ။ ဘာကိစ္စရှိလို့လဲမသိဘူး ။ "
" အော် ဟိုလေ...တို့ကို ရှိုင်းမြတ်ဖုန်းနံပါတ်လေးပေးထားလို့ရမလား "
" ဗျာ...ဘာလုပ်မလို့လဲမသိဘူး "
" အော်...ကျောင်းနဲ့ပတ်သတ်ပြီးသိချင်တာရှိရင် ဆက်သွယ်လို့ရအောင်ပါ "
" တစ်မျိုးတော့မထင်ပါနဲ့ဗျ ။ အဲ့တာက ECကိုဆက်သွယ်လို့ရတယ်မလား..."
" အို...အဲ့ EC နဲ့က ဓာတ်ကြောသိပ်မတည့်ပါဘူး။ ယောကျာ်းကြီးဖြစ်ပြီးတော့ မိန်းကလေးတွေနဲ့လည်း ပြိုင်ရန်ဖြစ်နေတယ်လေ တည့်ကိုမတည့်ဘူး "
ထိုမိန်းကလေး၏ဆူပုတ်သွားသောမျက်နှာထားကိုတစ်ချက်မြင်လိုက်ရပြီး
" ကောင်းပါပြီဗျ ။ နောက်ရက်ECကို
ရန်မဖြစ်ဖို့ပြောလိုက်ပါ့မယ်။ ကျွန်တော် အရေးကြီးလို့ သွားလိုက်ပါအုံးမယ်ဗျ "
ရှိုင်းမြတ် ထိုမိန်းကလေး၏ ရှေ့မှ အလောတကြီးထွက်ခွာလာခဲ့မိသည်။
ကျန်ရစ်ခဲ့သော မိန်းကလေးမှာတော့ ဒေါသထွက်သွားပုံရသည်။
သို့သော် မတတ်နိုင်ပါ။ ရှိုင်းမြတ် ဖုန်းနံပါတ်ကို သူငယ်ချင်းအရင်းများမှလွဲ၍ မည်သူ့ကိုမျှမပေးနိုင်။ သူစိမ်းတစ်ယောက်မှ သဘောရိုးနှင့် လာတောင်းခဲ့လျှင်တောင် သူပေးနိုင်မည်မဟုတ်ပါ။ ယခုလို အနေအထားမျိုးနဲ့ဆို ပိုဆိုးသည်။ ဇာတ်လမ်းလာရှုပ်မှာမျိုးသူမကြိုက်။
YOU ARE READING
ရင်ခုန်သံ ရပ်ဝန်းလေး (Ongoing)
Teen Fictionချစ်ခြင်းရဲ့ကျော့ကွင်းအောက်မှာ ဒဏ်ရာဒဏ်ချက်တွေအပြည့်ရှိခဲ့တဲ့ကျွန်တော့်အတွက် ခံစားချက်ကိုမောင်းတင်လို့ အချစ်ဇုန်ထဲမည်သို့ခိုဝင်နိုင်ပါအံ့နည်း။သို့သော်တစ်စုံတစ်ယောက်ရောက်ရှိလာသောအခါ........ ခစြျခွငျးရဲ့ကြော့ကှငျးအောကျမှာ ဒဏျရာဒဏျခကြျတှအေပွည့ျရှိခဲ့တ...
