جبل بصدمه: ايه اللي انت بتقوله ده
هاشم :هي ديه الحقيقة اللي انا مخبيها واللي خلت الكل يكرهني
جبل بهدوء :وايه الدليل
هاشم :سبق وقولتلك اكيد لو كسبت ثقه وحب اختي هتقولك سبب موت اهلنا ايه واكمل بغل : وانا كان لازم انتقم ياجبل دول اهلي ولسه كله هيتحاسب
جبل وهو يقف بهدوء :لحد ما اعرف الحقيقة انا معاك
هاشم وهو يقف ويحضن جبل ويقول بفرحه:طول عمرك جدع وشهم ربنا يخليك ليا يارب وان شاء الله الثقه ديه مش هتضيع
جبل طبطب عليه لان اللي حكاه مكنش سهل :ماشي يا هاشم اما نشوف
وتركه ورحل
_____________
سلسبيل بصوت واطي وهي تتحدث في التليفون وتقول بسخرية:هو ده اللي هبات في العربيه وضحكت
جبل بضحك :علي فكره انا تحت
سلسبيل بضحك ايضا :لا والله بصيت عليك من شويه مكنتش موجود
جبل بضحك جامد :طيب بصي كده
سلسبيل بصوت واطي:اسكت ما صدقت ليليان نامت واطي صوتك
جبل بهمس مضحك :حاضر حلو كده
سلسبيل بعد ما قامت ضحكت :والله انت مسخره انت فين انا واقفه اهو
نزل من العربيه بطلته اللي تهبل وشاور لها سرحت فيه لثواني
وهو عمال يتكلم في الفون
علي صوته وقال :يابنتي ايه وصلتي لايه
سلسبيل بعد ما فاقت علي صوته :معاك اهو
جبل بضحك:لا واضح جداا ايه شوفتيني
سلسبيل:اه اهو وشاورتله
واكمل:بس امشي ياجبل عشان خاطري بلاش تحسسني بالذنب انك هتبات في العربية هتتعب
جبل : خاطرك غالي بس مش همشي ريحي نفسك لازم يكون حد معاكو عشان اطمن علي الاقل لما مامتها ترجع وبعدين مش هقدر اسيبك في بيت غريب
سلسبيل:ده مش بيت غريب علي فكره ليليان اختي ومامتها بتعتبرني بنتها
جبل :حتي لو اهلك اللي بجد مش هسيبك
سلسبيل اتكسفت وقالت :طيب يلا سلام بقي عايزه انام
جبل بضحك:اه يا واطيه هتسبيني وتنامي
سلسبيل بضحك:حد طلب منك تعمل جدع
جبل :والله ماشي يا سلسبيل سلام
سلسبيل بضحك :بهزر معاك متقفلش
جبل ضحك واتكلمو شويه وهي دخلت نامت علي الكنبه بقو بيسرقو لحظات مع بعض فيها مشاعر متناقضه جدا لحد ما سلسبيل نامت وهما بيتكلمو
جبل بهمس عشان حس انها نامت :سلسبيل انتي نمتي
ملقاش رد
اكمل :باي ياسو وقفل
قفل معاها وفضل سرحان شويه في التغيرات اللي حصلت في حياته وصمم انه لازم يصلح كل شيء
_______________
في الصباح الباكر نزلت سلسبيل لقته فعلا نايم في العربية وباين عليه التعب الشديد خبطت علي العربية هو قام بسرعة وفتح لها دخلت وركبت وقالت بأسف :انا اسفه ياجبل بجد
جبل بابتسامة:قولي صباح الخير الاول
سلسبيل بدلته ابتسامته وقالت :صباح الخير طبعا بس انت باين انك تعبان
جبل وهو يرجع الكرسي لوضعيته :لا ابدا انا جبل زي اسمي وضحك
سلسبيل بابتسامةوتوهان :علي فكره ضحكتك حلوه
جبل ضحك وقال :عشان كده مش بضحك كتير عشان محدش يموت هما بيموتو فيا من غير ما اضحك لو ضحكت بقي ايه اللي هيحصل
سلسبيل ضحكت جامد :لا والله ديه ثقه ولا غرور
جبل وهو يضع صوباعه علي انفها بحركه مضحكه :الاتنين يا سووو
سلسبيل:سووو مين
جبل :انتي
سلسبيل:اممم، طيب يلا اتحرك
جبل :شغال عندك انا مش كده
سلسبيل بغرور وهي تضع قدم فوق الاخري :ده شرف ليك انك تشتغل عندي
جبل وهو يرفع حاجبه:ده بجد، انتي عارفه لولا احنا في العربية كنت عملت ايه
سلسبيل:متقدرش تعمل حاجه انا معايا رياضات كتيره واقدر اتغلب عليك ياجبل يا شهاوي
جبل بهمس وهو يقرب منها :حصل وانا امضي وابصم بالعشره
سلسبيل اتوترت وزقته لورا شويه وقالت :يلا بقي انا جعانه تعال نروح نفطر في اي مكان اي رايك
جبل :ماشي ياستي وانا موافق
واتحركو لمقصدهم
________________
رؤي بعصبية :ازاي ده يعني ايه قلت الذوق ديه المفروض فيه معاد يعني يتزفت يجي في معاده ولا اكمن انا لوحدي وليليان و سلسبيل مش موجدين لا بقي انا قد المسؤلية واقدر اشيل الشغل لوحدي لحد ما يجو
نهال (واحده شغاله مع سلسبيل ) :اهدي بس يا رؤي هو قال انه اتاخر عشان كان مسافر ولسه نازل والطريق زحمه
رؤي بعصبية اكتر :ديه مشكلته مش مشكلتي اتصلي بيه وقوليلو المعاد اتلغي
:طيب علي ايه انا وصلت اهو انا اسف جداااا.
رؤي وهي بتلف :....
_________________
كانو قاعدين في مكان بياكلو وبيتكلمو
جبل :ليه اول ما اتقابلنا قولتي انك مش فكراني
سلسبيل بضحك:عشان ديه حقيقه
جبل :بطلي هزار وقولي
سلسبيل بهدوء :معرفش بس حسيت ساعتها اني لازم اعمل كده
جبل باستغراب:ليه
سلسبيل وهي تاخد نفسها : بابا كان دايما يقولي ماتبينيش لحد اهتمام خليكي عندك عزه نفس وكرامه وكبرياء كان دايما يعلمني ازاي ادافع عن نفسي وازاي اكون واثقه في نفسي علمني كتيرر اووي ربنا يرحمه
ونزلت دمعه من عينيها مسحها جبل وقال : عشان تكملي وصيته وتعليمه مينفعش تضعفي وتعيطي ابدا ياسو وقام وقال :يلا بينا
سلسبيل :علي فين
جبل :هوديكي مكان جميل جداا يريح اعصابك اعتقد انك هتحبيه
سلسبيل بابتسامة :انت بتحبه
جبل :جدا ولما بتخنق بروح هناك
سلسبيل وهي تسير بجانبه :خلاص يبقي اكيد انا كمان هحبه
جبل بضحك :ياواد يا جامد وراح ماسك ايدها وقربها منه ومشو سوا والغريب ان سلسبيل مسكت فيه اكتر
بعد مده وصلو وكان المكان عباره عن اشجار كتيره اووي ومكان مخصص للخيل سلسبيل اتهبلت اول ما شفتهم
سلسبيل بانبهار:بجد المكان جميل جدا جدا
جبل :كل ما الدنيا تيجي عليا او اتخنق اجي هنا علي طول
سلسبيل:وايه اللي خنقك
جبل :كتير
سلسبيل:مستعد تفتح قلبك
جبل بتنهيده:الحوار وما فيه اني شلت الهم بدري اهلي ماتو وسبوني لوحدي وانا بنيت نفسي بنفسي اتعرضت لخيانه كتير من اقرب الناس ليا كل اللي حواليا قصر عليا ومعظم الحاجات ديه حصلت معايا وانا صغير ف كبرت قبل اواني عملت حاجات غلط كتير وفي مره ثائر قالي قرب من ربك وان اللي بعمله غلط وانتي جيتي غيرتي حاجات كتير فيا وورتيني اكتر بشجعاتك وقوتك وتربيتك واللي واجعني اكتر ظلمي ليكي واني خطفتك واتجوزتك غصب سامحيني يا سلسبيل
سلسبيل:اولا انا مسمحاك ثانيا بقي وده الاهم انا لو مكنتش عايزه اتجوزك مكنتش هتعرف
جبل باستغراب:ازاي بقي
سلسبيل:حبيت اساعد اخويا يرجع زي الاول لكن فشلت وطلع الوسخ بيفضل وسخ سيبك من كل ده انت تقدر تتغير لو انت عايز وعندك امل في ربك
جبل وهو يمد يده لها :تساعديني
سلسبيل وهي تمسك ايده :موافقة
وقضو يوم سوا جميل جدا وده خلاهم يقربو من بعض اكتر واكتر
_______________
كانت تجلس في غرفتها تندب حظها علي حب حياتها وعماله تعيط التليفون رن برقم غريب ردت بصوت مهزوز وقالت :الووو
يتبع
أنت تقرأ
ادمنت قدري 🕊🥀
Mystery / Thrillerهي : قويه وعنيده لا تقبل ان يتحكم بها احد حققت كيانها بنفسها هو : اعند منها خدها تحدي له لكي يحقق ما يدور في باله ماهو هو ذالك الشيء وهل سوف يتم ام للقدر رائي اخر 🥀
