فى ألمانيا
فى قصر يشبه الجنه ندخل لاوضه جميله جدا فهى على الطراز الكلاسيكي والمودرن نلاقى البطله نايمه وفجاه المنبه يرن تصحى البطله وتاخد شاور وتؤدى فرضها وتلبس وتنزل تعمل رياضه وبعد ساعه تدخل البيت وتروح الاوضه تغير لبسها للبس كلاسيكى وتنزل على الفطار
اوركيد:
صباح الخير
الجميع:
صباح الخير
اوركيد :
إيليانا عملتى اى فى اخر صفقه مع عيله الراوى
إيليانا :
عيب عليكى طبعا الصفقه لنا
اوركيد :
تمام
زهور:
مش كفايه كده ي اوركيد احنا عايزين نعيش مرتاحين
اوركيد :
لا لازم ناخد حقك وحقنا ومش هرتاح غير لما ناخد حقنا ويعرفوا انك مخنتهوش
زهور :
ي بنتى انا عايزاكوا انتوا بس فى حياتى ودول فى الاخر عيلة ابوكى
اوركيد :
م تقوليش ابويا لانه مش ابويا ولا هيكون
اوركيد :
اريام اريان إيليانا يامن ايان يلا كله ورايا على الشغل قبل م اوصل
يامن :
طب أفطر طيب
اوركيد :
ياااااامن كلمه كمان وانت عارف هيحصل اى
يامن فى سره :
اى مفتريه
اوركيد :
ياااامن
وجرى يامن على شغله
بعد قليل فى الشركه الأم نلاقى اوركيد فى مكتب أقل ما يقال عنه أنه فخم
شويه ونلاقى كله داخل عليها من غير إذن
اوركيد :
اىىى مفيش باب
أريان :
لا فيه
اوركيد :
بره ومحدش يدخل غير لما اقول
اريام :
بس ي اور.....
اوركيد :
انا قولت اى
يخرج كل الشباب والباب يخبط شويه واوركيد تسمح لهم بالدخول
اوركيد :
فين أنس وأروى
إيليانا:
رنيت عليها وقالت .....
أنس:
ازيك ي كبير
اوركيد :
بردو فين الباب واى كبير دى انسسس اتلم
أنس :
حسبى الله
أروى :
اوركيد لازم ننزل مصر فى أقرب وقت عشان الصقفه الجايه والمشاريع اللى هناك
اوركيد بخبث :
اكيد طبعا لازم ننزل دا عيله الراوى وحشتنى اوى اوى اوى يعنى قوليلى اى اخبار المراقبه اللى على الباشا سمير
أروى بنفس الخبث :
كله تمام اطمنى انتى بس المهم هننزل امتا
اوركيد :
بعد اسبوع
أنس:
فى اى ي جماعه اى ي اوركيد مش قولنا ننسى اللى فات
اوركيد بعصبية:
أنس مش هنسى لازم ناخد حق امى وحق اخواتى
اريام واريان:
خلاص ي اوركيد احنا معاكى فى كل حاجه بس المشكله فى زهور
اوركيد :
ههه خليها تسمعكوا بتقولوا زهور
أريان:
ي ستى هى أول مره وبعدين دى مش امنا دى اصغر مننا دانا كنت ماشى معاها واحد جه قالى معلش هى الانسه اختك مرتبطه
اوركيد :
هههههههههههه فعلا صغيره مش عارفه احنا ولادها ازاى هههههههههههه
المهم يلا كل واحد على شغله ونشوف هنعمل اى ع العشا
وذهب كل واحد فيهم للمقر اللى بيشتغل فيه
ويفضل أورى وايليانا
إيليانا :
اوركيد هو احنا فعلا نازلين مصر خلاص وهنواجه
اوركيد :
ايوا
إيليانا :
تمام
اوركيد :
إيليانا انتى عايزه تقولى حاجه
إيليانا :
احنا كده كده عايشين هنا ومرتاحين يا اوركيد لى ننزل ونتعب نفسنا يعنى
اوركيد بعصبية :
انتى مش بتشوفى نظره الحزن والوجع فى عين زهور ولا اى لا يا إيليانا احنا مش مبسوطين ولا هى هى بتحاول تبين كده بس لكن من جواها زعلانه وللاسف لسه بتحبه
إيليانا :
خلاص يا اوركيد انا هروح اشوف شغلى
اوركيد:
تمام
ونسيبهم بقا فى شغلهم ونروح لمصر فى قصر الراوى
على سفره الفطار الجد قاعد على رأس السفره وعلى يمينه سما وجنبها صافى وجوزها ورائف وعلى شماله
رائف وباقى الاحفاد
الجد :
رائف عملت اى فى اخر صفقه على شركات الزهور
رائف بغضب مكبوت :
كالعاده ي بابا اخدوا الصفقه مننا
الجد بعصبيه :
يعنى اى اخدوا الصفقه دى مش اول صفقه ياخدوا منكم فى اى انا شكلى خليت الشركه فى ناس مش عارفين يديروها ولا اى
اسمعونى انت واخوك ولؤى صفقه كمان نخسرها مش عايز والا هسحب منكوا كل حاجه
رائف :
بس يا بابا
الجد:
ولا كلمه زياده يلا كله على الشركه وانتوا ي بنات ممنوع تروحوا الكليات من غير حراسه يلا كله يروح يشوف شغله
بعد ما الكل قام
سما :
فى اى يا قاسم بالراحه شويه على رائف انت عارف اللى بيمر بيه والظروف
قاسم :
هو انا اللى قولتيله شك أن مراتك بتخونك وصدق
هو صدق من غير ما يدور كويس ورا الموضوع
سما :
ربنا يهديهم
قاسم :
يارب
نروح بقا لشركات الراوى وبالأخص مكتب رائف
ساهر :
معلش يا رائف بلاش تزعل من ابوك انت عارف ان دى مش اول صفقه تروح مننا وياريتها شركات لا دا شركه واحده اللى قاعده تاخد مننا الصفقات كأنها مش شايفه غيرنا فى السوق
لؤى:
بس يا بابا شركه الزهور دى سمعت عنها كتير وانها مش شركه واحده دى مجموعه شركات على مستوى العالم بس فعلا لى مش شايفه غيرنا
وفجاه وهما قاعدين خبط الباب ودخلت السكرتيرة:
رائف باشا الظرف دا جاى لحضرتك
ساهر :
تمام روحى كملى شغلك
لؤى :
ياترى دا فى اى ومنين
رائف :
هنعرف اهو
وفتح الظرف وكان فيه رساله مكتوب فيها استعدوا ي عائله الراوى لجحيم الشمس الحارقه .
وبكده نكون انتهينا من اول بارت ويارب يعجبكم
نصيحه
*كن جميلا ترى الوجود جميلا *💞💞
