فى مقر شركات الراوى ؛ الجد قاسم مجتمع مع أولاده رائف وساهر وأحفاده نورين ولؤى
الجد قاسم موجها كلامه لنورين :
نورين الاجتماع يكون جاهز انهارده عشان الصفقه **** انا عارف أنه مش تخصصك وانك ماسكه قسم الهندسه فى الشركه بس لازم ناخد احتياطاتنا كلها
نورين باحترام :
تمام يا قاسم باشا الاجتماع هيكون جاهز وكل حاجه هتكون جاهزه على الساعه 4
الجد قاسم :
تمام يا نورين تقدرى تكملى شغلك ؛ وبالفعل خرجت نورين تكمل شغلها وتشرف على الاجتماع اللى هيظهر فيه انهارده الافعى السبب وراء تفريق الشمل
قاسم للؤى :
الملفات لازم تكون جاهزه زى ما احنا متفقين وكل حاجة لازم تكون تحت السيطره زى ما اتفقت مع سياده اللواء مش عايز اى غلطه يا لؤى فاهم
لؤى بتفهم :
فاهم يا قاسم باشا وكله تحت السيطره
قاسم بابتسامه داخليه وفخر على حفيده :
تعرف يا لؤى انت زىى بالظبط بتبين إن مفيش حاجه مهمه وانك مش عارف اى حاجه وهادى ولحد ما تخلى اللى قدامك هو اللى يجى يقولك على كل حاجه من الاخر تجاهل مع هدوء ودا ساعدك فى شغلك بتعرف تتطلع من اللى قدامك اللى انت عايزه بكل سهوله
لؤى بابتسامه لجده :
دا طبعا شئ يسعدنى
رائف وساهر بضحك :
اكيد طبعا يسعدك هو فيه شخص يكون زى قاسم باشا ومش يكون سعيد 😍😂دى شهاده منه شخصيا
لؤى بتأكيد :
طبعا المهم انا دلوقتى هقوم اروح المقر وارجع قبل الساعه 4 عشان الاجتماع
الجد قاسم:
تمام وخد كل الاحتياطات وسلاحك طبعا معاك مش انا اللى هاكد عليك يا سياده الرائد
لؤى بحب :
تحت امرك يا جدو وابتسم له برضا وبالفعل اتجه بطلنا للمقر يا ترى بطلنا هيعرف أن بطلتنا هتكون القائد عليه أو بتشتغل فى المقر ولا لا !
دخل لؤى للمقر وطلب الاذن للدخول للواء ادهم وبالفعل دخل لؤى وادى التحيه العسكريه
اللواء ادهم:
اتفضل يا لؤى اقعد
لؤى قعد قصاد اللواء :
شكرا يا فندم حضرتك طلبتى عشان هتعرف على الفريق انهارده اللى هيكون معايا فى المهمة
اللواء ادهم لسه هيتكلم فجاه الفون رن
اللواء ادهم:
الو
اوركيد:
ادهومى
اللواء ادهم بنفاذ صبر:
هتيجوا امتا
اوركيد وهى بتحاول تمتص عصبيته :
خلى الموضوع بعد اجتماع انهارده يا سياده اللواء
اللواء ادهم بحيره لانها قالت سياده اللواء :
سياده اللواء !🙄😶 اوك تمام يبقى فيه حاجه مهمه وهنعرفها تمام سلام
اوركيد:
سلام
وقفل الفون وطبعا لؤى مش عارف اللواء بيتكلم مع مين أو ممكن عنده شك ودا اللى هنعرفه مع الاحداث ووجه اللواء ادهم كلامه للؤى
اللواء ادهم :
سياده رائد لؤى الاجتماع اتلغى انهارده وهيتاجل لبعد الاجتماع اللى هيتم انهارده فى الشركه
لؤى باستغراب:
معلش يا سياده اللواء بس لى يعنى بعد الاجتماع
اللواء ادهم بتفسير :
لان زى ما انت عارف انت مش لوحدك اللى شغال على القضية دى وانت عارف ان معاك ناس تانيه فيها
وكفايه انك هتشتغل مع الشمس المحرقه ومش بقلل من دور باقى الفريق بل بالعكس كلهم أقوياء بس دماغها فى أنها تحل كل القضايا مش سهله بردو
و ممكن لما تعرف مين الشمس المحرقه والموضوع اللى متعلق بالقضيه تغير رايك وتتاكد
لؤى بتفهم :
تمام يا فندم
اللواء ادهم:
تقدر تمشى دلوقتى عشان تلحق الاجتماع
وفى مقر شركات الزهور ؛ الكل بيكون متجمع فى غرفه الاجتماعات وعلى رأسهم اوركيد
إيليانا:
لى لغيتى الاجتماع يا اوركيد ما لؤى كده كده هيعرف وهنتكشف دا لو انتى عايزه ولو مش عايزه ممكن نظهر متخفيين
اريام :
لو بتستنى نتيجه الاجتماع فانتى عارفه ومتاكده إن كله هيتم تحت الخطه
اريان بخبث :
تؤ هى عارفه كل دا هى بس مستنيه تعرف صدمه رائف باشا قبل اللعب على المكشوف مع لؤى لأنها داخله وناويه على كشف كل حاجه من البدايه
وبص لاوركيد قولى انى غلط
اروى بضحك :
قولى يا اوركيد 🙄😂
اوركيد بخبث :
صح كده لازم اشوف صدمه رائف باشا وهو راجع وشايف صديق عمره كده بيوقعوا الصفقه ويتاكد أنه عايز يورطهم معاه فى الشحنات بمعنى اصح رائف باشا عارف كل دا بس بيحاول يكدب نفسه لأن دا طرف الخيط اللى هيوصل لحقائق الماضى واحنا معاهم للآخر
وفى مقر شركات الرواى ؛ الكل بيكون قاعد فى غرفه الاجتماع وفجاه الباب بيخبط وبيدخل شخص وبتوجه ناحيه الجد قاسم
الشخص :
اهلا يا قاسم باشا
الجد قاسم:
اهلا اهلا يوسف باشا شرفتنا
يوسف بابتسامه خبث :
الشرف ليا يا قاسم انى هشتغل مع حضرتك وشركات بحجم شركات الرواى فى السوق
وطبعا كل دا رائف بيحاول أنه هيكدب نفسه أنه مش صديقه
يوسف موجه كلامه لرائف وبيمد ايده يسلم عليه :
ازيك يا رائف باشا من زمان متقابلناش ليك وحشه
رائف :
فعلا من زمان متقابلناش وانت اتغيرت اوى
يوسف :
فعلا كلنا اتغيرنا والزمن بردو اتغيرت الا اخبار المدام اى
رائف :
كله تمام
يوسف وهو بيوجه للكرسى اتمنى
رائف :
تقصد اى بتتمنى
يوسف :
اتمنى الصفقه تتم على خير
والكل اتوجه لمكانه وبدأت السكرتيرة توزع ورق الصفقه والكل قرأ الورق
يوسف :
تمام هنوقع امتا ممكن نوقع حالا
الجد قاسم :
مش تاخد وقتك فى التفكير داحنا هناخد 70%من الأرباح وانت الباقى يعنى الصفقه هتعود عليك بخسارة
يوسف :
كفايه انى هشتغل مع شركات الراوى يكفى اسمها فى السوق
وبالفعل وقعوا الصفقه ويوسف وهو ماشى سلم على الكل وسلم على رائف
يوسف لرائف :
ابقى وصل سلامى لمدام زهور
رائف بابتسامه باهته :
إن شاء الله
الجد قاسم موجه كلامه لرائف :
لو مش هتتعرف تكمل الصفقه معانا للآخر بلاش منها يا رائف واحنا هنكلمها
رائف :
لا هكملها للآخر عشان اتاكد أو بمعنى أصح عشان يكون معايا دليل قوى عليه ووقتها هوديه ورا الشمس
لؤى :
طب وطنط زهور هتعمل معاها اى
رائف بحزن واسى:
زهور 🥺مش عارف بس اللى اعرفه انها مش هتسامح بسهوله غير كده انا مش هسيبها غير لما ترجع ليا وتسامحنى هى وولادى كلهم .........
**💞💞مين قال إن مسامحتنا لحد وكلامنا معاه بعد غلطه فينا تخلينا نرجع الود اللى بينا
المسامحه دى حق ربنا اما رجوع المحبه حقنا احنا والقلوب ملك لله مش ملكنا أما التسامح فله الف باب واما الود فقد كسر بابه 💞💞**
**💞💞 الإلحاح روح اليقين واليقين قلب العوض فقط استمر 💞💞**
