دخلت زهور للصالون ومعاها ولادها وولاد امجد اخوها اول ما دخلت قامت صافى بدموع لزهور
صافى وهى بتقرب منها وبتحضنها :
زهور حبيبى وحشتينى انتى بخير
زهور وهى تبادلها الحضن بدموع :
انتى وحشتينى اكتر وانتى عارفه اللى حصل
صافى بقلق :
طمنينى عليكى انتى كويسه وحصل معاكى اى لما مشيتى
زهور بضحك :
أهدى انا كويسه
وكانت هناك عيون بتراقب الموقف منهم اللى فى حيره ومنهم الزعلان على اللى فات ومنهم اللى مشغول بالتفكير زى رائف
رائف فى نفسه :
هى ازاى لسه زى ما هى كده وبرغم كل اللى حصل وبتضحك كده هو ممكن اكون فعلا ظلمتها بس ازاى ظلمتها والدليل اللى معايا بس محدش مصدق وكله بيقولى دور تانى وكلهم مصدقينها هى
فاق من شروده على صوت سما وهى بتقرب من زهور وبتحضنها
سما بزعل وفرح فى نفس الوقت :
حمد لله انى شوفتك تانى يا بنتى ينفع كده يا زهور طول المده مش حاولتى بس تكلمينى ولى تخبى عنى اوركيد يا زهور ومين كل دول وهى بتشاور على إيليانا واريام واريان وايان ويامن
زهور وكل دا مش واخده بالها من الباقى والبنات وقاسم ورائف وساهر
زهور بضحك :
دول اللى هيموتونى قريب يا ماما
إيليانا بتمثل الحزن :
بقا يا ماما احنا هنموتك قريب طب انا زعلانه منك وهمشى اسافر لامجد والبت اروى وانس
اريام وهو بيضربها بالقفا بضحك :
تصدقى انى صدقتك هههههههههههه
أريان بضحك هو الآخر :
يا بنى سيبها تكمل فقره الدراما بتاعها
إيليانا بحزن مصتنع :
اهئ اهئ همشى
ايان وهو بيقرب من إيليانا:
اوعوا كده بلاش تترقيوا على اميرتى
إيليانا بحب :
انت اللى ليا يا يويو
ايان بقرف :
يويو
يامن بضحك :
تستاهل هههههههههههه
زهور بصريخ:
باااس فى اى
الكل بصلها بصدمه طبعا عيله الراوى مش عائلتها
زهور وهى بتكلم سما بتهكم:
شوفتى اللى انا من الولاد دول
سما بضحك :
طيب دول مين
اوركيد اخيرا اتكلمت وبكل هدوء وبرود :
إيليانا واريام واريان اخواتى ويامن وايان ولاد خالى وعايشين مع بعض
رائف بصدمه :
اخواتك ه هى زهور اتجوزت
اريام ببرود :
لا يا رائف باشا
رائف بغضب :
اومال ولادها ازاى
اريان ببرود :
ولاد رائف باشا الراوى
قاسم بهدوء :
احفادى يعنى هى كانت حامل فى اربع توائم
نورسين بصدمه :
يعنى القمر مرات عمنا ولادها الأربع قمرات دول
نورين وهى بتضربها بخفه :
اسكتى الكل بيبص عليكى
قاسم بهدوء :
زهور انتى ازاى خبيتى علينا وجود احفادى
زهور بحزن ودموع :
بابا انا اسفه بس انت عارف اللى حصل وانا مكنتش اعرف انزل مصر تانى بعد اللى حصل
رائف بهدوء ما قبل العاصفه :
لى خنتينى يا زهور
زهور بثقه وهى بتبص فى وشه :
انا مخنتكش قولت مليون مره معرفش حد غيرك بس انت اللى مش واثق فيا ولا حتى واثق فى نفسك روح دور مين بعتلك الصور و عدوك اللى عامل صاحبك
رائف بحيره :
تقصدى اى وبعدين بعصبيه انا معايا ادله انك خونتينى الصور والشات وبعدين لى خبيتى عنى ولادى ولادى هيعيشوا فى قصر الراوى وكفايه عليكى لحد كده
زهور بضحك وسخريه :
ولادك انت فاكر أن هما بيعتبروك باباهم اساسا وبعدين انت مش واثق فى نفسك عشان تثق فيا
رائف بزعيق :
زهور بلاش غلط
اوركيد ببرود :
صوتك يا رائف باشا حضرتك مش فى قصر الراوى انت هنا فى قصر الزهور
قاسم بهدوء :
اوركيد انتى بتكلمى باباكى ازاى كده
اوركيد ببرود وسخريه :
با اى اااه بابا لا محدش يستحق اللقب دا
رائف بحزن :
لى كده ي بنتى
اوركيد بعصبية :
متقولش بنتك انا مش بنتك بنتك ازاى هو انت كنت تعرف عنى حاجه ولا عيشنا ازاى واتربينا ازاى وببرود لا يا رائف باشا انا مش بنتك وبتوجه كلامها لقاسم اسفه يا قاسم باشا انى عليت صوتى فى وجود حضرتك
قاسم بهدوء:
ممكن نتكلم على انفراد
اوركيد وعادت لهدوئها وبرودها :
اتفضل معايا يا قاسم باشا على المكتب
صافى وهى بتكلم زهور وبتبص لطيف اوركيد:
زهور هى اوركيد لى كده
زهور بهدوء :
زهور شافت كتير هى واخواتها وعانت كتير وكمان كانت بتشوفنى وانا بعيط بالليل على اللى حصلنا اوركيد تبان هاديه بس هى بردو بتكتم جواها بس بردو طيبه انتى لما تعرفيها هتعرفى بقولك اى
سما بهدوء :
بقولك يا زهور انتوا هتيجوا تعيشوا معانا فى قصر الراوى
زهور لسه هترد اتكلمت إيليانا :
لا احنا مش هنسيب بيتنا صح ولا اى يا اريام
اريام بهدوء :
صح طبعا والقرار الاخير لاوركيد طبعا لو ماما عايزه تروح دى حاجه ترجعلها بعد طبعا موافقه اوركيد
نورسين بتهمس لنورين :
شايفه الواد عادى وقمور ازاى هى طنط زهور فعلا عندها ولاد قمر كده هيييييح
نورين وهى بتتكلم بنفس الهمس :
ولا اريان دا اللى يدخل القلب دايركت كده هييييح
انچل من جنبهم :
ما تتلمى انتى وهى وانتوا مش شايفين اللى بيحصل ولا مش واخدين بالكوا
نورسين ونورين فى نفس الوقت :
اسكتى
كل دا وبطلنا قاعد بيشوف الكل بيعمل اى وسرحان فى ازاى اوركيد كده وازاى بالقوه والبرود دا
وفجأة خرجت اوركيد مع قاسم من المكتب قاسم بهدوء :
كلنا هنفضل هنا والصبح لبسكم هيجى من الفيلا
