نولدت السيدة زينب بالمدينة المنوره وتربت على ايد فاطمة الزهراء بداية سنينها لحد ما وقعت المُصيبة اللي تفجع القلوب بـ مدى صعوبتها وهيَ استشهاد فاطمة الزهراء وگسر الضِلع 💔
جانت اول مُصيبة واذيه تشهدها السيدة زينب من بعد استشهاد الرسول
ومنا بدت مرحلة حياتها بدون أُمها
بعد السنوات المؤلمة ومن صار الامير علي عَ هوَ الخليفه على المؤمنين اخذها ويا للكوفة اللي جانت بوقتها هيَ عاصمة الدولة الاسلامية اللي يحكمها امير المؤمنين
السيدة زينب تربت بوسط حُب وحرص جبير من ابوها واخوانها
وجانت تحب مولاتي أُم البَنين كُلش هواي الى دَرجة جبيرة يعني تحبها لانُ ام البَنين هم جانت تحبها وتواسيها وتوكف وياها وتظهرلها حنانها بكُل شي يصير وياها
السيدة زينب عَ جانت حَسب ما يسموها دُرة عَلي گد ما يحبها الامام عَلي والامام الحَسن هَم جان يحبها هـواي وهيَ عزيزة الحُسين و هيَ كُلشي بالنسبة لـ الامام العَباس
هـي النَفس لاخوانها جانو يحبوها ويحافظون عليها كُلش
بحيث تخيلو الناس ما شايفين ظِل السيده زينب ولا حتى اثر رجلها
اكو رواية تكول مَرة السَيدة زينب " عليها السَلام " اشتاقت لجدها النَبي مُحمد فـ راحت للامام عَلي عَ وطلبت منه انُ ياخذها لقبر جَدها تزوره
فـ الامام عَلي قِبل انُ ياخذها وبَلغ اخوانها
طلعو هيَ تمشي والامام عَلي كدامها و الامام الحَسن والحُسين واحد ع يمينها و واحد ع يسارها
والامام العَباس جان يتبعهم ويمشي ورا السيدة زينب ويتبع اثرها
فـ بعد ما تم الامر وزارو قبر الرسول رجعت السَيدة زَينب
واحد اصحاب الامام الحُسين والعباس
اجى للامام العَباس وگال : اريد اسئلك سؤال
استجاب الامام العَباس وظَل ينتظر سؤال الشخص
فـ سئله : الامام علي يمشي گدام أُختكم و الحسن والحُسين على يسارها ويمينها مانعين حتى ظلها يبين … لكن انتَ ليش تتبعها
الروايه تكول هنـا الامام العَباس جاوبه بـ ثبات و قوة وهيبة والحُب والحرص والخوف على السيدة زَينب كُلها ظهرت من جوابة اللي كال بي : من تمشي يضل اثر رجلها بالتراب وانا اتبعها وامشي فوك الاثر اللي داست عليه حتى الناس ما تشوف اثر رجلها
داتتخيلون الموقف وتشوفون هاي الخوه شكد عظيمة بين اولاد عَلي الگرار
السلام على أمير المؤمنين واولاده 🤍
