ثأر الجموح (قيد التعديل)

البارت الخامس

#ثأر_الجموح

#البارت_5

بقلمي ملك الـمدني

ins:_mk_j97

لا تعاتب طير غادر بيتهم وبعيد طار
اللي يدوس النار يدري مو ثلج جواه نار
إحنا مثل الينتظر يمتى يموت
وتدري صعبه الأنتظار
ياهوى بغداد باله انطيني شمه
ليش غيري يشمك وانا غار

_شاعر خضير هادي

لاتنسون التصويت+لايك+كتابة تعليق حلو مثلكم

قراءة ممتعه انساتي🦋✨
_________________
جموح"

واكفه يم الثلاجه اشرب ماي سمعت احد يصيحني وكأن صوت سديم جاوبت بهدوء
_هاا سدومه...
سكتت واذكرت سديم ماكو وكع من ايدي الكلاص ردت اطلع بره شفت الباب مسدود ردت افتحه ماكو اسمع حس صياح وكعت على لارض وجسمي كله يرجف قويت نفسي وكلبي ورحت للهول جبت تلفوني ورحت للمطبخ اخذت جاكوج ورحت للجام كسرته مادري ليش كسرت الجام بس هيج فتحت الباب وطلعت إتصلت على كسار وكعت بالارض من جاوبني

كسار:-شكوو جموح.؟

جموح:-كسار الحك راح اموت هنا بالبيت ماكدر ابقه وحدي البيت بي احد كسار عفيه تعال
سده مني وكال جاي بلطريق خوف على رهبه حسيت راح اموت اختنكت حيل بقيت اجر نفس غمضت عيني وحسيت الباب راح ينخلع كمت فتحته شفته كسار سحبني لحضنه

كسار:-شبيج ليش هيج جموح شكو خوفتيني شبيج

جموح:-كسار اكو احد بالبيت جان يقلد صوت سديم وبعدين من سكتت ماجاوبت كام احد يصرخ كسار فدوه لتخليني هنا

كسار:-ولج اعوف روحي وماعوفج هنا ،البسي شي واخذي وياج غراض هم ملابس وهاي اني هنا

جموح:-لااا مادخل وحدي كسار عفيه امشي وياي
هز راسه ودخل ويايه رحنه للغرفه بدلت وسحبت الجنطه شلت شكو ملابس احتاجه جاي اسده رحت لغرفه سديم اخذت منه قميص ورحت للغرفه سحبت الجنطه وهوه اخذه مني نزلنه ورحنه للسياره مالته بقه يمشي طريق طويلل بده الدنيه تضلم هوه بعده شويه وكال

كسار:-وصلنه كيكايه

جموح:-هاي وين

كسار:-بيت خالتي

جموح:-ليش عدك خاله؟

ضحك
_ههههه أيي طبعًا عدي خاله بس مو خالتي اتصير خالة امي

جموح:-هاااا

كسار:-وجعاا يله امشي

هزيت راسي ونزلت وياهه اتمشى لداخل البيت وانا وياهه رحنه ودك الباب كم دكه وانفتح الباب شفت انسانه في قمت الجمال ما شاءالله عليه جميله كلش
ابتسمت الي وانا بادلته البتسامه كال

كسار:-يمه هاي جموح

وسن:-يا هله يمة هاي جموح الجمليه صلاوات على محمد اتخبل فوتو يمه فوتو