ثأر الجموح (قيد التعديل)

البارت السادس

#ثأر_الجموح

#البارت_6

بقلمي ملك الـمدني

ويه ملكاك شفت روحي
وين جنت بغيبه عني
مافكرت بكلبي.؟
هيج هين فراكي
ارجع مو الكلب بعدك
يوجعني ارجع مو النفس
ضاك بيه
اخر كلمه الي وياك
احبك لو اتصير الي موت.!

ins:_mk_j97
تلي:Maljonk
،،،،،،،،،،،،،،،،،،،،،،،،،،،،،،،،،
مروه"

اطرافي ترجف وكلشي بيه يرجف شفت جمر دافع سديم وهوه طايح ماخذ الطلقه عنه وكعت على لارض من الخوف والرهبه سديم بحضن جموح ولاكبر حاضن جمر شاله كسار واخذو للسياره واجه علينه اخذنه وياهه رحنه للبيت وهوه راح وره لاكبر

بقيت بحضن جموح ابجي وممصدكه انو طلعت مرت فتره واجو اهلي حضنتهم وابجي وخرت من حضن امي وراحت سحبت سديم من ايد جموح وتحضن بيه وتبوسه وانا بحضن ابويه راحت روحي وانا بس اناشغ ابويه يهدي بيه وانا ماكو ماكدر انسه ولا شي شهر انا بعذاب بس الله يعرف بي تعذبت وتعبت تعب بس الله يعلمه

حسيت نفسي اريد اتقيئ رحت اركض للحمام اتقيئ اجت جموح وراي ودخلت للحمام حضنتني وسدت الباب وقفلته حاجتني بهدوء

_لمسج مروه

سكتت معرفت شجاوب

_مروه كولي اتقرب الج .؟

_لاا جموح متقرب

_مروه احلفي

_والله ماشاف شي من جسمي

هزت راسه وبقيت بحضنه اجت امي تدك الباب طلعنه اني وجموح سالتني اذا اريد ارجع وياهم انا كلت لامي ماريد ارجع اريد ابقه ويه سديم وجموح خلوني على راحتي وسألوني اذا سوه بيه شي او حركني كلت الهم لاا راحو وبقيت شويه ودخلت للحمام رجعت بيه الذاكره لكلشي جروحي يحركني باوعت على الحرك اذكرت مره حركني برجلي باوعت على الحرك وتذكرت كلشي نزلت دموعي بس ليش مادري مشاعر متخربطه بيه .

Flash Back:-

كعدت وانا راسي يوجعني شفت نفسي بغرفه ضلمه والغرفه بارده ثلج سحبت رجلي الصدري وتجيت راسي على رجلي شويه وحسيت اكو حس دندنه وجهت عيني لمكان الصوت جان بسام كاعد على كرسي ترس الغرفه ريحت جكاره غمضت عيني بسبب المخدر القوي شويه وحسيت ايد على خدي يتلمسه حجه بهدوء وصوته رعبني اكثر

_شسويتي بيه وانتِ متعرفين

فتحت عيني بهدوء ونعاس ردفت
_شسويت الك بسام كلشي مسويت

_خليتيني بحصرت الحب الج

_ليش

_ماكدر اتقرب ولا اكدر ابتعد

_ابتعد للتقرب من النار بعدين تحترك

_انا محترك ميحتاج احترك اكثر