ثأر الجموح (قيد التعديل)

البارت التاسع

#ثأر_الجموح

#البارت_9

بقلمي ملك الـمدني

اتعنه المچان الي كعدته وياك.
مالكاك بس رايد اثر منك.
بلچن چلمه ما نكلها الريح.
الكاها وتچاوب بلنشد عنك
لو دور عطر منك بقه علـ لكاع
احط نفسي عليه افيش اشمنك
اچدامي من النشد
دوخن راس الكاع
يدورن اثر منك بس يتبعنك
عكده براسي فكري كلي حلها شلون
أيس لو اضل لـلموت انطرنك.

_عبدالله الشاوي

تلي:Maljonk
ins:_mk_j97

لتنسون التصويت + تعليق + متابعة الحساب 🦋🤍

قراءة ممتعة انساتي ✨❤️

،،،،،،،،،،،،،،،،،،،،،،،،،،،،،،،
مروه"

غمضت عيني ورحي تحترك كلهم راحو تعبت وانا اخسر ناس اعزهم وبروحي همه صياح بچي نعي كلشي موجود.!

منو؟ ليش ؟ شنو اله دخل ؟ ليش يدخلونه باجرامهم؟!!! شنو النه دخل بيهم ليش يدخلون اشخاص مالهم دخل !!؟ كله بسببه هوه !? اكيد هوه هيج سوهه منو غيرة چان يحاول يلهيني ايي هوه الي سوه هيج هوه قتلهه !.

Flash Back:-

اثناء حجينه سمعت صوت طلقه وكفت صافنه عليه وهوه هم فلت ايده مني وطلع وطلعت وراهه رحت وشفت الكل خايف وشفت اسوء شي بحياتي اكبر كاعد وسديم بحضنه الفستان كله دم چان ابيض بس اتحول لاحمر طحت على لارض واسمع صراخ جموح كسرتني سديم بروحته اريد اكوم اروح يمه ماكدر اساند نفسي حسيت خسرت كلشي اچه يمي حسين وساندني بچيت بحركه رحت يمه اريد اسحبه ماكدر اكبر متشبث بيه حيل صحت
_اكبررر عوفه حباب عوفه اريده عوفههههههه

علي اكبر:-مروه عوفيني وياهه الله يخليج

بجيت واهز براسي اجة حسين يمي وسحبني اله كمت اعيط احس اعصابي تلفت اضرب على روحي دفعت حسين

_سديمم كوم لجج كومي مو اتفقنه نبقه سوه سديممم مو هيج اتقفنه ليش ليش تخربين الشراكه كومييي يلههه سديمم عليج الله مو هيجج اسوين بيه ماكدر بدونج سديمممم

حضني حسين اكثر وانا بس ابجي سمعت اكبر يحجي وانا هدئت شويه اسمع يحجي بخنكه ودموعه على خدوده

علي اكبر:-هيج سديم بيوم عرسنه هيج ترحين ليش ليش تلوعين كلبي عليج يلهه كومي على حيلج لا تسوين بيه هيج كومي سديم

بجيت اجه كسار كعد يم اكبر ويحجي وياهه وكلنه نعرف انته الوقت وكلشي راح راحت اغله انسانه الي كلبي يوجعني .

كسار:-كوم اكبر يلهه خن ناخذه للمستشفى

علي اكبر:-اشش مابيه شي سديم هسه تكعد مابيه شي اسكتو نايمه لا تفز نومه خفيف

كسار:-اكبر بس خلي نشيله

علي اكبر:-لاا كسار لاا تكعد تفز كول لمروه خلي تسكت لا تكعد سديم