"هند يلا قومي البسي بسرعه فيه عريس متقدملك".
"ماما عريس ايه انا مش فايقه للكلام ده سبيني دلوقتي ونبي".
"انا بقولك قومي البسي فيه عريس متقدم وابوكي قاعد معاه بره".
[اتضايقت اوي بس مردتش اكتر في الكلام ولبست اي حاجه علي اي حاجه وطلعت].
سلمت علي العريس .
<واه طلع قمر وكل حاجه بس يعني انا يا جماعه مش فايقه للكلام ده انا قولت هخرج عشان ماما بس>.
قعدنا كلنا واتقدملي قدام اهلي وطبعا ماقولتش رأيي قدامه واول ما الكلام خلص دخلت جوه .
بابًا جه ورايا يشوف رأيي ..
"هند ايه رايك يا حبيبتي في العريس".
"مش عاجبني يا بابا وكمان انا مش عايزه اتجوز دلوقتي".
"ليه بس يا حبيبتي ده شكله بيحبك اوي ويعرفك من زمان".
"بس انا مشوفتوش قبل كده وبعدين يا بابا انا مبفكرش في الجواز الصالونات".
( قولت الكلام ده وبعدها سكتت معأن العريس كان عاجبني بس نفسيتي متدمره مش هعرف اخد قرار صح دلوقتي حرفيا).
بابا خرج وقاله رأيي..
"انا اسف يا بني بس هيا مش موافقه علي طلبك"
"طيب انا فيه حاجه مش عجباها ؟"
"العفو يابني بس ده رأيها انا محبتش اقولك انها هتفكر وارد عليك عشان معلقكش يابني في احبال دايبه .. انا اسف ".
اليوم خلص علي كده وخلاص مشي وانا كنت سامعه كل اللي بيقولوا وسكتت ونمت عشان ماما متفتحش الموضوع تاني....
تاني يوم ..
(نزلت روحت جمعتي وقابلت صحابي ولاقيتهم بيقولوا ان فيه دكتور جديد جه الكليه ).
"عادي يبنات يعني في ايه بطلوا اڤوره"
"يبنتي بقولك الدكتور الجديد ده مز وحكايه تانيه خالص بقا "
وقعدوا يهزروا وانا محطتش في بالي وحضرنا اول محاضرة وجه معاد المحاضرة التانيه لاقيتهم بيقولوا ان دي محاضرة الدكتور ده .
"اهلا بيكم معاكم الدكتور محمد عز انا الدكتور الجديد اكيد عرفتوني اتشرفت بيكم كلكم وحابب اتعرف عليكم اكيد بس بعد محاضرتنا"
انصدمنا انا وهو لما شوفنا بعض في نفس المحاضره " ايوه طلع هو هو الدكتور "..
(فضلت اكبر دماغي طول المحاضرة وهو بيبص عليا كل فتره والتانيه حاولت اركز اكتر في المحاضرة).
المحاضرة خلصت وجيت اطلع لاقيته وقفني بس بعد ما الشباب كلهم طلعوا..
"نعم يا دكتور ؟".
"انسه هند ممكن نتكلم شويه بعد ازنك".
"ليه حضرتك عاوزني ف حاجه ف المحاضرة ؟".
"انسه هند اكيد مش هنتكلم في المحاضرة انتي عارفه يعني اللي حصل وكنت عاوز اعرف منك حاجه".
"تمام اتفضل".
" روحنا قعدنا في المكتب ".
"اتفضل يا دكتور عاوزني في ايه ؟".
"دلوقتي انا بكلمك علي اني محمد مش الدكتور محمد تمام".
"تمام اتفضل".
"ممكن اعرف ايه سبب انك ترفضي طلبي ليكي بالجواز ؟؟!".
"حريه شخصيه عادي".
"معلش ممكن تقولي عايز اعرف".
".بصراحه انا مش عاوزه اتجوز بالطريقه دي عاوزه احس اني بنت زي اي بنت واحب واتحب وكده".
"وهو انا منعتك انا اه اتقدمت صالونات بس بعدين اكيد هنحب بعض ".
"حضرتك مش فاهمني ان..".
قاطعني وقالي .
"حضرتك ايه".
"انا مش قولت دلوقتي بنتكلم عادي من غير القاب ؟".
"سوري مش متعوده .. وده سبب من الاسباب لان انت دكتوري مش هعرف اتكلم ولا اخد علي الكلام بالطريقه دي
انا شخصيه عفويه جدا بتكلم بتلقائيه مش بعرف احط طربوش علي الكلام بمعني اصح ".
"انا عارف كل ده انا عايز اعرف سبب واحد وهو انتي ايه خلاكي ترفضي كل اللي قولتيه بالنسبالي مش سبب
حكايه آنك عفويه والكلام ده انا بحب كده وده شيء ظريف جدا فين المشكله".
"انا اسفه بس مش هعرف اخد قرار في حياتي في الفتره دي انا مضغوطه الفتره دي سامحني".
" قومت ومشيت وروحت البيت وكل اللي في بالي نظرته ليا وهو مستني سبب يخليني ارفض الجواز منه ".
"في بيت محمد ".
"مش عارف يا ماما بترفض ليه اه لو تعرف انا بحبها من امتا مكنتش عذبتني كده"
" يا حبيبي طيب ما تقعد معاها وتحكيلها ".
"مش هعرف يا امي مش هعرف".
"ليه يابني زي ما قعدته كده كلمها تاني
البنت بتحب اللي يشتريها واللي يحسسها بحبه ليها كلمها مره واتنين وعشره فيها ايه".
"يا امي انتي اكتر واحده عارفه انا ممكن اعمل عشانها ايه مش اكلمها مره ولا عشره".
"خلاص حاول تكلمها تاني وحاول تخليها تتعرف عليك".
"هحاول اعملها اي حاجه بس المقابل انها تحبني".
"ربنا يوفقك يبني باذن الله".
" في بيت هند ".
"ايه يا حبيبتي احضرلك الغدا".
"لا يا ماما شكرا انا داخله انام".
"هند استني يماما كلي وبعدين نامي وبعدين انا عايزاكي عايزه اتكلم معاكي في موضوع".
"ماما لو موضوع العريس فا انتي عارفه انا هقول ايه
انا داخله تصبحي ع خير".
[دخلت نمت وانا خلاص رميت كل حاجه ورا ضهري وقولت عادي عريس زي غيره كتير اترفضوا].
صحيت تاني يوم..
"ايه ده ينهااااااار ابيييييييض!!!!".
