"انا مش عارفه اقولك اذا كان اليوم عدا علينا ازاي
صعب اوي ان البنت تفقد ابوها تفقد ضهرها وسندها بتحس انها وحيده من غير حمايه ولا سند".
يوم العزاء...
"البقاء لله يا هند شدي حيلك خليكي قويه عشان مامتك متضعفش ".
"مش عارفه اتماسك يا محمد ابويا راح خلاص".
"اهدي بس كلنا هنموت يا هند الموت مش حاجه وحشه".
"لا وحشه دي حرمتني من ضهري وسندي".
"خليكي عارفه ان كلنا هنكون مكانه وانتي هتزعلي شويه وبعدين تفهمي الي بقوله دلوقتي".
"صعب اوي بجد (بتتكلم وهيا مفحومه من العياط)".
"انا حاسس بيكي حاسس بقد ايه الاحساس صعب فعلا بس اللي المفروض نعمله هو اننا نقاوم الهزيمه والزعل متسلميش وخلاص".
"مش قادره بجد مش قااااادره".
"اهدي بس ادعيله يا حبيبتي (خدها في حضنه) ".
"حسيت براحه في حضنه مقدرتش وقعدت اعيط مكنتش متخيله ان اليوم ده ييجي بدري كده".
"ماما دخلت فجأة ".
"انتي بتعيطي ليه يا هند ابوكي مش بيحبك تعيطي يا حبيبتي ابوكي دايما يقولي البت دي قلبي بخاف عليها من العياط ومن كل حاجه".
(بتكلمني وهيا بعيط) ..
"ابوكي هيزعل لو شافك بتعيطي يا حبيبتي اترحمي عليه كان اطيب قلب دايما خادوم ومعطي وعمره ما بيستني مقابل في الجنه باذن الله ي حبيبي".
"طنط ارجوكي اهدي ووحدي الله وخليكي عارفه انك بيزعل وبيبقي مش مرتاح وهو شايفكم كده".
"الله يرحمك ياحبيبي الله يرحمك".
(اول يوم عدا وتاني وتالت الايام زي بعض من بعده دلوقتي بس حسيت قد ايه كان مدي لحياتنا طعم وامان ودفا)...
"محمد جه يطمن علينا زي كل يوم".
(كل يوم كان بيجي ويقعد معانا اطول وقت ممكن حسيته عارفنا من زمان اوي)...
"عامله ايه دلوقتي يا هند".
"الحمدلله".
"مامتك اخبارها ايه".
"شويه تعيط وتقعد تترحم عليه وشويه تقعد تقولي متعيطيش يا حبيبتي".
"مبقتش عارفه مين المفروض يواسي مين والله احنا الاتنين نفس الجرح".
"صدقيني كل عياطكم ده غلط عليه".
"لازم نحزن ونعيط لازم نحس بكسره ووحدة".
"طيب بقولك ايه قومي خدي دش كده وتعالي نخرج نروح الكورنيش يلااا".
"مش قادره يمحمد".
"معلش قومي بس يلا".
(اتحملت ع نفسي وقمت مكنتش قادره اخطي بره البيت)".
روحنا وقعدنا نتمشي وخلاني قعدت اتكلم كتير اوي عن زعلي وخرج كل الطاقه السلبيه اللي جوايا.
ساعتها حسيت ان بجد ياااه لو محمد ميمشيش بعد ما ترجعله ذاكرته ياريت يفضل جنبي دائما...
"هننند روحتي فين يا ماما".
"ايه اه انا معاك اهو".
"ماشي مش يلا نروح ولا ايه الساعه بقت 9".
"اه يلا يا محمد"،
