(فضلت واقفه شويه وبعدين نزل واتحركنا بعربيته ).
"اتأخرت عليكي؟".
"لا أبدآ عادي".
"ماشي هنروح فين قولي مكان بتحبيه؟".
"امممم "قعدت افكر ".
"ياااا لو نروح دريم بارك نفسي اروحها اوي مع صحابي ونقعد نلعب سوا بجد هيبقي يوم جامد".
"خلاص يلا بينا علي دريم بارك ا اه عرفيني عنوانها".
"هبعتلك لوكيشن وافتحه عندك".
"طيب ابعتي".
( الوقت عدا ووصلنا )..
"يلا ننزل".
"طيب حاضر".
"دخلنا ولاقيته اول ما دخلنا من البوابه مسك ايدي".
"جسمي اترعش من لمسه ايده لاول مره يحصل حاجه زي كده معايا ".
حجزنا تيكت وقعدنا نلعب كتييييييييير اوي...
"اليوم جامد اوي اول مره احس اني مرتاح كده".
"فعلا راحه نفسيه كده".
"طيب ايه كفايه كده ولا نحجز تاني؟".
"انا عن نفسي عادي ".
"لا تعبت من المجهود اللي بنعمله واحنا بنلعب ".
"انتي ع طول مفرهده ".
"حرفيا انا معرفش امتا اخر مره كنت فايقه ونشيطه فيها".
(وقعدنا نضحك واليوم كان فعلا جميل اوي بوجوده جنبي حسيت احساس اول مره احسه معاه)
"يلا نتمشي شويه وبعدين نروح".
"ماشي يلا".
"نطلع ع الكورنيش؟".
"نطلع ع الكورنيش".
روحنا الكورنيش وقعدنا نتمشي و واحنا بنتمشي قال..
"احكيلي عن نفسك شويه انتي عارفه موضوع الحادثه مخليني مش فاكر اي حاجه عنك".
(وانت امتا عرفت اي حاجه عني اصلا هه)..
"هحكيلك بص يا سيدي".
"انا بنت وحيدة ابويا وامي تقدر تقول الحيله كده ههه عندي ٢٠سنه في جامعه معاك انت كنت دكتوري في الجامعه بس كده عايز تعرف ايه تاني".
"حبيتي قبل كده؟".
"سؤال غريب بالنسبالي انا محسيتش قبل كده باعجاب نحيت حد اصلا".
"خالص ؟؟".
"والله ممكن تبقي حاجه غريبه بس ده الي حصل".
"دي مش حاجه وحشه علي فكره دي حاجه كويسه اوي".
"اكيد .. انا محافظه علي قلبي ومشاعري للي هيكون من نصيبي عشان يبقي الاول والاخير احساس حلو بردو".
"اكيد ربنا يرزقك بابن الحلال اللي يستاهل قلبك وحبك ".
(قعد يبصلي بعدها بصات من تحت لتحت كده ههه)..
رضيت وانا باصه في الارض " امين يارب ".
"انت حبيت قبل كده؟".
"والله انا فاقد الذاكرة مش عارف اذا كنت حبيت ولا لا".
"ايوه صح عندك حق".
"عارف الحب حلو اوي بس صعب اوي بردو ان تلاقي اللي يحبك بجد دلوقتي كل الناس بقت تحب حب مصالح حب عشان هدف معين واول ما الهدف يخلص مش هتلاقي اللي بيحبك ده جنبك".
"انتي جربتي الشعور ده قبل كده".
"صاحبت ناس كتير قبل كده وكنت مقتنعه ان هما بيحبوني بس بعدين حصل ايه سابوني .. سابوني ومبصوش وراهم حتي".
"مش كل الناس اكيد زيهم فيه النضيف وفيه المؤذي".
"اكيد بس انا معرفتش حد مش مؤذي".
"وانا بالنسبالك ايه ؟".
