اشهد ان حضوركِ موت

البارت السابع عشر

#اشهد_ان_حضوركِ_موت
#فاطمة_العبادي

قراءة ممتعة كيكاتي 🖤.

لتنسون تصويت + تعليق بين الفقرات شكد ما تكدرون حتى نكمل تنزيل حسب التفاعل

رباب ..

گاعدين العصر ع تلفزيون اني و امي وبراق رجعت من المدرسة كالت تغسل وترتاح وتروح هية وامي لقيس ينظف الجرح ..

اندك باب البيت بقوة سحبت الشيلة من راس امي كالت اوكفي انه اطلع للباب

رباب :- عليش يمة اني افتح شسالفة ..

طلعت ركض للباب ما اعرف حجم البلاء الموجود خلف هذا الباب الحديدي الي عجز عن حبس الشر المكنون وراه ..

اختنك صدري وضاق وكلها لحضات فتحت الباب صار گبال عيني اكثر بشر امقته زيدان واكف بدشداشتة البيضة والسبحة بأيدة يفر بيها ..

فكيت عيوني بصدمة وگبل سديت الباب بوجها سبقني ودفعة ودخل للبيت ..

گال :- هلا بطليقة عدوي ومرتي بعد ايام ...

بلعت ريگي وارتديت للخلف ارتجف خوف ..

باوعلي ومد أيده للمصافحة بوجه مبتسم گال ..

زيدان :- شلونچ ياووجع گلبي .

خزرتة وبحركة لا اراديا ايديني صارن ورة ظهري
اول شي اجة ابالي لحضة اغتصابة الي .. حسيت الرجفة سرت بكل جسمي ، حچيت بعصبية ..

رباب :- تفضل اطلع برة زيدان هذا البيت يتعذرك .

شال ايدة وضحك تك خد .. رفع دشداشتة و گعد ع سور الشجرة المبني من الطابوگ ..

زيدان :- مو بكيفچ تطرديني انه ادخل للمكان الاريدة وبأي وقت .

مديت ايدي حكيت گصتي باوعتلة انتبه ع حلقة بأيدي لمعت عيونه وتحسر ..

رباب :- جاوبني شنو تريد من عدنة احنة شنووو سوينااالك ، شنو الألك يمنة؟ .

زيدان :- تغشمين نفسچ؟ .

رباب :- لا اني فعلا اجهل الشي لتريدة من عدنة كول شتريد خلي نخصمها .

زيدان :- شبيچ ترجفين تخافين مني .

رباب :- بظهري أسد ما اخاف .

زيدان :- وأذا صرتي انتِ فريستة الجاية ؟ .

رباب :- لا تكثر حچي ، يلة اريد ادرس .

هز راسة لف السبحة ع ايدة وقبضها بقوة مغصتني بطني ، باوعتلة بخوف و حچيت ..

رباب :- لا تستفز هدوئي .

زيدان :- جاي اطلگچ .

رباب :- تحلم .

زيدان :- ما تردين تعرفين خطيبچ شنو ضام عليچ ، الأسرار الضامها عنچ يمي .

سكتت ما جاوبت .. نصيت راسي جريت نفس
وگف ع حيلة وگال ..