#اشهد_ان_حضوركِ_موت
للكاتبة #فاطمة_العبادي
قراءة ممتعة كيكاتي 🖤.
لتنسون تصويت + تعليق بين الفقرات شكد متگدرون 💙🖤
تفاعلو حبايبي سوولي واهس ✨..
....
براق ..دگ مبايلي ثالث يوم عرسي ركضت سحبته شفت ام قيس تتصل جريت نفس عميق اخر مرة حجيت وياها جانت جاية الفاتحة امي وثنيناتنة منهارات بذاك اليوم مادري شنو كتلها جفصت ما جفصت كلشي مادري ..
فتحت خط وحطيت المبايل على اذني طلعت جاي تباركلي ضلت تدعيلي بالراحة وباركتلي اكثر من مرة ..
اني جريت نفس عميق وكتلها ...الف مبروك خطوبة قيس وليدچ
ردت ...الله يبارك بيج يمة والله من اتذكر يوم الخطبة نفسه الماتت بي الغالية تچز نفسي
براق ...بعد شنگول وشنسوي خالة ذاك اليوم المشؤوم ما راح ننساه بي هواي جروح
ام قيس ...سلامتج من الجروح يمة طمنيني عنج شلونج رجلج شلونه وياج
براق ...الف الحمدلله زينة ورجلي زين
ام قيس ...ورباب اختچ شلونها؟
براق ...زينة اذا ماتعرفين هية تزوجت ابن عمي قبل وفاة امي بفترة
ام قيس ...يااااا شلون
براق ...هههه هو كان بس عقد محد يدري هاي حتى عمتي من عرفت هيج رد فعلها
ام قيس ...الله يوفقها ويسعدها سلميلي عليها هواي وديري بالج على رويحتج
نهيت المكالمة وياها هاي المرأة كلش طيبة بس ابنها عار ابن عار ..
خليت مبايلي على الشحن ورجعت اقرأ شوية انفتح باب الغرفة رفعت راسي شفته ثائر دخل ...
ابتسمتله گال ..كواج الله
...يگوي حيلك .. كمت اله اخذت من ايده العلاكة حطيتها على الميز وحچيت ...اجهزلك الحمام
ثائر ...لا بوية رجعي درسي انه اخدم روحي
براق ...لا سيد خليني احضرلك الحمام ارتاح انتَ
راح گعد وگال ...رحم الله والديج ..
اخذتله منشفة وملابس حطيتهن بالحمام دخل سبح وطلع
باوعلي واجة وكف فوك راسي يشوف شنو اقرا رفعت راسي كتله ...سيد انتَ دارس حوزة؟
هز راسه بـ اي ..
ثائر ...تغديتي بوية؟
براق ...اي وانتَ متغدي لو اصبلك غدة
ثائر ...خليچ هنا شوية واصعدلج .. عافني ونزل كملت لميت ملازمي ونزلت فتت للمطبخ شفته كاعد بالكاع ياكل باوعتله وابتسمت ...منو صبلك غدة
...انه صبيت الروحي .
براق ...والله سيد خوش نادر ومحمي الاكل اني من ارجع من الدوام اتعاجز احمي اصبة بارد واكلة ومرات بالجدر
ضحك ورفع راسه گال ...منا وهيج نرجع للبيت سوية انه احميلچ الاكل
براق ...صاعدة انام محتاج شي؟
هز راسه بـ لا .. اجيت اصعد رجعت فتت للمطبخ كتله ...انتظرك اغسل المواعين واصعد
YOU ARE READING
اشهد ان حضوركِ موت
General Fictionقل للجميلة بالقميص الأسودِ .. ماذا فعلتِ بعاشقٍ متمردِ؟ ( رواية باللهجة العراقية )
