اشهد ان حضوركِ موت

بارت 28

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

لتنسون تعليقات بين الفقرات بارت طويل اليوم 💜🖤 غير مراجع كل عادة 😂

لعياء ..

حمايـة حور من تنفيذ الحكـم بمساعدة بابا ، وفصل سهـام من الشركـة مع التستر عليها والقاء اللوم على سلمان وحده بهذه القضية .. ما هوَ الا ظلم

ليش حور الي قتلت ولدها بطيشها وعدم مسؤوليتها ما تواجه مصيرها وتتعاقب ، ليش سهـام الي أغرت رجل و سببتلة مشاكل تنفصل بدون مشاكل وكأنما شيء لم يحدث ولا عبالك هيَ وحدة من الاسباب الي خلت حور تنهار وتقرر تنهي حياتها وتضرب سيف وتعتبره سبب ربطها بأبو وان هو عثرة بطريقها ..

حور عند أهلها لا سلمان مشتهي يشوفها ولا هيَ تريد تشوفه اخذتها امها بموافقة بابا حتى تطلعها من هذه الصدمة وتداريها ..

واليوم مر شهر على وفاة سيف رجع عزيز بالليل متخربطة اوضاعه معصب والنار تطلع من عيونه ..

هنا ركضت علي بخوف سجاد وگف على حيله وصاح :- شصاير عزيز؟

عزيز :- هاي الكلبة بنت الكلب الكشخة والمكياج والعطر من باب المول ينشم تفرفر متونسة ولا چنها اموتة ابنها ..

هنا :- تقصد حور ؟

عزيز :- غضب الله على راسهاااا ان شاءالله .. غضب لعياء لعيااااااء

مديت راسي من باب المطبخ صحت هاا؟ گال ..

عزيز :- التسجيل عندچ اريدة

لعياء :- يا تسجيل؟

عزيز :- أعتراف سهام والله اخذه واسمعه الأهلهة وافضحها وافضح حور والعب لعب بيهن اليوم الكح** عايشششات حياتهن وطاگات الدنيا بعرررض الحايط واحنة ناكل برواحنا اكل من القهررررررر ... عض اصبعه بغضب

لعياء :- لا والله مو عندي هو بنقال سلمان وبابا سحبه منة ضمة يمة ورزله وطيح ابو حظه وعاف اول المذنبين يصولون ويجولون اول مرة اشوف بابا مو عادل وظلم سلمان هواي ..

رفس سندانة برجلة خلة طشارها ماله والي وتفلشت هنا قضمت اظافرها بخوف وكرصت يمي ..

سجاد واگف يباوعلة بدون اي رد فعل ..

زمجر بغضب وهوا يرفس شكو شي گدامه :- البرا*** يقتلن القتيل ويمشن بجنازته ولا چن صار شي وابوي مايعرف غير يذب اللوم على سلمااان وحدة ولا عبالك حور متهووورة كتلت ابنها بطيشهااا وراحت عاشت حياتها لا بعينها ولا بحاجبها وذيججج الثانية انسترت وگعدت ابيتها ولا لاحها شي من هاااي المصيييييبة زيييين ليششششش حق سييييف ضاااع ليشش ابوي ضيييع حق هذاااا الطفلللل المظلووووم .. ولچن قطعةةةة زرگة غسلته جسمة ازرگ وراسه مخيط فاتح حلگة ابيضضض لسانة ولثته زرررگ ضااع حقه ضاااع ..