اشهد ان حضوركِ موت

البارت التاسع عشر

#اشهد_ان_حضوركِ_موت
#فاطمة_العبادي

قراءة ممتعة كيكاتي 🖤.

لتنسون تصويت + تعليق بين الفقرات شكد ما تگدرون + متابعة لحسابي FFATEMA__

گعدت الصبح جسمي عرگان وشباك الغرفة مفتوح نزلت رجليني من الفراش حكيت رگبتي وگمت على حيلي باوعت لنفسي بس بالكيمونة وتيشيرتي على طرف السرير ..

استغربت وخانتني ذاكرتي ماگدرت اتذكر اذا اني نازعتة لو هنا منزعتني التيشيرت حتى اخذ راحتي بالنومة ..

تمغطت شوية واحس عظامي متكسرة ، حسيت بوجع فوگ صدري الأيسر باوعت على المكان وفتحت عيني منصدمة شفت المكان ملطخ بالدم وصاير خريطة ..

تقربت من المراية اتحسس المنطقة بيهة وجع فركت وجهي وكلت بتساؤول بشنو جارحة نفسي بدون ما احس ..

رجعت اباوع على المنطقة بالمراية ولمحت برگبتي طگع زرگ كأن احد بايسني فكيت عيني على وسعهة ركضت اغسل بالمنطقة البيهة دم واطيح الدم الناشف امسح بالمكان وركضت للمراية مرة ثانية وأباوع اشوف جرح على شكل X صغير فوك صدري ...

أنهارت كل قواي بهاي اللحضة والرجفة لزمتني من راسي حد اخمص رجلي ضليت اختض من الرهبة والقلق ..

قضمت اظافري بخوف وتقربت من الشباك عيوني تتفحص المكان لگيت على حافة الشباك اثار حذاء بي تراب رطب مجلب بالگاع وبطرف الشباك طين ..

ركضت فتحت الباب الزجاجي مال البلكونة وطلعت اتفقد البلكونة مالكيت شي رجعت مديت راسي من شباك الغرفة لگيت درج خشب محطوط بالگاع ..

ارتعش گلبي ورجليني بادت كلبي ضل يدك بكل سرعتة هيج يرعش رعش ..

ما حسيت غير ايدي تلزم المبايل برجفة واطلع رقم عقاب ناسية الخلاف الي صار بيناتنة والزعل وشامرتة وراا ظهري واطلب منه المساعدة ..

جاوبني صاح هلااا بالزعلااان ومية هلا هاا راحت الطنگورة ..

رديت بصوت يرجف :- عقاب تعال للبيت ولا تحسسهم صاير شي من تصعدلي افهمك .

عقاب :- صاير شي؟ رباااب بيها شي؟

فركت عيوني و صحت :- لاااا عقاب استعجل تعال فدوة الله يخليك محتاجتك وياي بهاي اللحضة .

عقاب :- ولچ هديتي حيلي اكووو واحد منكم بي شييي احچي گولللي .

لعياء :- لاا محد بي شي بس اني اريدك بموضوع مهم .

عقاب :- لولو حبيبتي عندي اجتماع يطول نص ساعة اگدر احضره ومن يخلص اجيچ لو الموضوع مستعجل كلش ما ينتظر اكثر؟

غمضت عيني اجمع قوتي گعدت على طرف الجرباية و گتلة :- كمل شغلك وتعال اني بأنتظارك بس لا تتأخر ، فدوة اروحلك ... حجيتهة بصوت ناصي متوسلة بـي ..