مساعدات واتبادية

تصنيف المغـامرات

_
_
_
_

السلام عليكم،
النهاردة هنتكلم عن احد التصنيفات ال نادراً م يكون حد كاتب فيها على الواتبـاد،
و ده كان اقتـراح

user33437989

شكرا ♡

يلا نبدأ

عشان نكتب قصص مغامرات في شوية حاجات لازم نعملها...

١ قراءة قصص و روايات و افلام فيها مغامرات، يعني نكتسب خبرة.

٢ خط سير البطل : يعني هيبدأ رحلته منين لفين عشان ايه ده لازم نحدده عشان نبدأ مينفعش يروح مغامرة عشان ولا حاجة .

٣ في كل خطوة يخطيها البطل لازم يكون فيه عقبة ولازم يكون في شرير بيمنعه انو يكمل، لو بصينا في افلام المغامرات هنلاقي ان دايماً في اشرار.

٤ شخصية البطل لارم تتكتب صح يعني مثلاً واحد قرر يخوض مغامرة يبقى لازم يكون شجاع و اكيد عنده نقاط ضعف.

٥ صديق/ة البطل او شلة مع بعض : يكون في حد مع البطل ميبقاش لوحده
"الصديق قبل الطريق"

٦ الاحداث: دايماً يكون في احداث لأنها مغامرة مينفعش تبقى مملة.

٧ مننساش طبعاً ان البطل انسان محتاج اكل و شرب و نوم فلازم توفرو كل ده و تحدد هيجيب الاكل ازاي و هينام فين و امتى.

٨ في النهاية لازم البطل يكون اتغير اطور حصله حاجة غيرت تفكيره و ده كان الهدف من المغامرة.

ملحوظة: المغامرة مش بس في الغابات لأ في مغامرات في اماكن كتير و في انواع كتير.

و دي شوية افلام ممكن تشوفوهم عشان تاخدو خبرة و تغذية بصرية
Jumanji
Pirates of the Caribbean
Journey
Jungle crouse
Uncharted
The adam project
Indiana Jones
Harry potter

و بس كده
_______________________________

اهلاً ،
الحمدلله نجحت و بقيت طالبة فنون جميلة، شكرا بجد ليكوا  ،
و استنو قريب فصول كتير ده اولهم،
لو حابين اعمل مسابقة اكتبولي
سلام ♡♡