مساعدات واتبادية

أسباب فشل الروايات و عدم قرائتها

احم احم
السلام عليكم ورحمة الله وبركاته

شابتر جديد بعد غياب طويل

شكراً لدعمكم و وصول الكتاب حوالي ٣٠٠ قارئ تقريباً

نبدأ..

فكرة الشابتر من  narin_678i

شكراً لاقتراحك

هتكلم النهاردة عن اسباب تجعل الرواية فاشلة و لن تُقرأ..

و الشابتر ده مكنش هيكمل الا بمساعدة الكاتبة الكبيرة الرائعة HanaAhmed8

شكرا بجد 🖤🖤

لستُ بناقدة محترفة لكن فقط أُبدي رأيي

1  الغلاف: مش من الأسباب اوي لكن بالنسبة لبعض الأشخاص و ال انا منهم بينجذبو للكفر،
يعني لو الكفر حلوووو اوي هيقروا الرواية.

2 لو اسم روايتك بلغة تانية غير العربي و الانجليزي
مثلاً : فرنساوي أو اسباني أو إيطالي أو كوري
محدش هيدخل يشوفها اوي لأن الاسم مش مفهوم

3 الفصحى : اللغة العربية جميلة مفيش جدال لكن لو الالفاظ اللغوية إلى استخدمتها صعبة فالقراء مش هيكملو لأن مش هيفهموا اوي.

4 تفاصيل غير مهمة  : و الي هيا زي : استيقظت على صوت المنبه المزعج أو زقزقة العصافير أخذت حماما دافئاً برائحة الفراولة التي اعشقها و ارتديت تيشرت ازرق اللون و بنطلون اسود سرحت شعري على شكل كعكه مبعثرة و شربت قهوة من ستاربكس و اتصلت بصديقتي من هاتفي الايفون آخر إصدار في السوق
كل الكلام ده راح زمانه و التفاصيل الكتير ملهاش لازمة خلاص مش هتفيد القارئ في حاجة.

5   التحديث البطئ : لو الكاتب / ة اتأخروا في التحديث القراء هينسوا الرواية و أحداثها و بتتكلم عن ايه فمحدش هشوف الرواية و القراء هيقلو.

6 الحبكة : ان الكاتب ميبقاش عامل حبكة مظبوطة، وتبقى فكرتها ضعيفة جدا او بسيطة جدا ويقعد يمُط فيها ل30 او 40 فصل، فا بيبقى حشو ملهوش لأزمة.

7 عدم دراسة جوانب الرواية :ان الكاتب ميبقاش عامل دراسة كويسة لروايته ويكتبها لمجرد انها طقت في دماغه فجأة فيكتب و خلاص.

8 الفكرة المكررة :  مفيش مشكلة ان الكاتب يختار فكرة رئيسية مكررة، ولكن المشكلة بتبقى لما الكاتب يختار فكرة رئيسية مكررة والاحداث كلها تبقى متوقعة من الألف للياء، ساعتها مش كل الناس هتهتم تقرأ.

9 ان الكاتب ميفكرش في اغلب ال highlights بتاعة الرواية فا يتوه في النص وميبقاش عارف يظبط الأحداث.

بس اتمنى تستفادوا
و تبدأو تكتبو روايتكوا

اقترحوا الموضوع ال حابين اساعدكوا فيه و لو في حاجات مكتبتهاش انا اسفة جدا
بس لو عارفين حاجة اكتبوها..

وبس

سلااااام 🖤