"ကျွန်တော့် နန်းဆောင်ထိတောင် ကိုယ်တိုင် ရောက်လာတာ ဘာအကြောင်း ကိစ္စများ ထူးလို့လဲ ဦးရီးတော်"
ဂျီအွန်း၏ နန်းဆောင်သို့ နန်းတွင်း အတွင်းဝန်တစ်ဖြစ်လဲ ဦးရီးတော် ယူ ရောက်နေခြင်းပင်။ ဂျီအွန်းကမ်းပေးလိုက်သည့် ရေနွေးကြမ်းကို တစ်ငုံသောက်ရင်း ဦးရီးတော်က ရယ်လိုက်သည်။
"ဂျီအွန်းကြည့်ရတာ ဦးရီးတော်ကို မကြိုဆိုသလိုပဲ"
"ထင်လို့ပါ ဦးရီးတော်"
"နန်းတွင်းရေးရာတွေကော ဘယ်လိုလဲ အဆင်ပြေရဲ့လား"
"ခမည်းတော်က သေချာ ဦးဆောင်နိုင်ဆဲပါ။ ဒါပေမဲ့လည်း မမြင်ရတဲ့ အန္တရာယ်တွေကိုတော့ သတိထားရတာပေါ့။ မဟုတ်ဘူးလား ဦးရီးတော်"
"အွန်း ဒါပေါ့ သတိထားရတာပေါ့"
ဂျီအွန်း၏ အဓိပ္ပါယ်ပါပါ စကားတွင် အတွင်းဝန် ယူ၏ မျက်လုံးများသည် အတော်လေးကို လှုပ်လှုပ်ရှားရှားဖြစ်သွားရသည်။ အတွင်းဝန် ယူသည် ဂျီအွန်း၏ နန်းဆောင်မှု ပြန်လာပြီး အကြံတို့ အိုက်နေရသည်။ ဂျီအွန်းက ရိပ်မိနေတာလား။
သူဟာ ယခုမင်းကြီးနှင့် ညီအစ်ကိုတော်ပေမဲ့ မိဖုရားခေါင်ကြီးက မွေးသည့် အစ်ကိုတော်ကသာ ထီးနန်းကို ရခဲ့သည်။ သူဘယ်လောက်ပဲ ကြိုးစားကြိုးစား သူ့ခမည်းတော်က မျက်နှာသာ မပေးခဲ့။ ဒါပေမဲ့ သူ့မှာ အခု ဂျိုဆွန်းထီးနန်းကို သိမ်းနိုင်ဖို့ အင်အားအပြည့်ရှိနေပြီလေ။
သူ့အကြံကို ရှေ့ဆက်ဖို့ကကျ ယွမ်အင်ပါယာ အိမ်ရှေ့စံကလည်း ရှိနေသေးသည်။ ယွမ်အင်ပါယာ အိမ်ရှေ့စံကလည်း ဘာကို အချိန်ဆွဲနေလည်း စဉ်းစားမရ။ သူ၏ အခြေအနေနဲ့ဆို ဂျိုဆွန်းကို သိမ်းဖို့ ဘာမှတောင် သိပ်အားစိုက်စရာမလိုတာကို။
ဘာနေနေ သူ၏ ဂျိုဆွန်းကို သိမ်းဖို့ အကြံကိုကတော့ သေချာပေါက် အကောင်အထည်ဖော်ရမည်။
🜚🜚🜚🜚🜚🜚🜚🜚🜚🜚
ထယ်ရယ်မနက်ကတည်းက ဒီနေရာမှာ တဝဲလည်လည်လုပ်နေတာ အတော်လေးပင် ကြာနေပြီဖြစ်သည်။ လက်ထဲတွင်လည်း စာရွက်လိပ်လေး ကိုင်ထားပြီး တစ်ယောက်ယောက်ကို စောင့်မျှော်နေဟန်။
YOU ARE READING
Light Me
Fanfiction네가 먼저 나를 찾아낸다면 다시 날 안아줄 거야? If you find me first, will you hold me?? Shen Quanrui || Kim Taerae
